Qaynar Xətt: 437 31 15

Dinimiz milli-mənəvi sərvətimizdir! Heydər ƏLİYEV

“Dini radikalizmlə mübarizədə birgə fəaliyyətin təşkili və əhəmiyyəti” mövzusunda konfrans keçirilib


İyulun 10-da Azərbaycan Respublikası Dini Qurumlarla İş üzrə Dövlət Komitəsinin (DQİDK) təşkilatçılığı ilə “Dini radikalizmlə mübarizədə birgə fəaliyyətin təşkili və əhəmiyyəti” mövzusunda konfrans keçirilib.
Konfransda Dini Qurumlarla İş üzrə Dövlət Komitəsinin rəhbərliyi, Dövlət Təhlükəsizliyi Xidməti, Daxili İşlər, Təhsil nazirlikləri, Ailə, Qadın və Uşaq Problemləri üzrə Dövlət Komitəsi, Qafqaz Müsəlmanları İdarəsi, Azərbaycan Respublikasının Prezidenti yanında Bilik Fondu, Azərbaycan Milli Elmlər Akademiyasının rəsmiləri, dini konfessiyaların, qeyri-hökumət təşkilatlarının nümayəndələri, eyni zamanda gənclər iştirak ediblər.
Tədbiri giriş sözü ilə açan Dövlət Komitəsinin sədri Mübariz Qurbanlı bildirib ki,  öz məqsədlərinə çatmaq üçün dindən sui istifadə edərək radikal qruplar yaratmaq, ekstremist çağırışlar etmək bütün dünya üçün təhlükəlidir. Bütün dinlərin insanları daim sülhə, ədalətə, haqqa çağırdığını deyən Dövlət Komitəsinin sədri dini radikalizm və ekstremizmə qarşı mübarizənin bəşəri xarakter daşıdığını diqqətə çatdırıb. Dinin siyasiləşdirildiyi və müəyyən qrupların əlində alətə çevrildiyi zaman radikal qrupların meydana gəldiyini söyləyən Mübariz Qurbanlı bunun təkcə İslam dinində deyil, digər dinlərdə də özünü büruzə verdiyini əlavə edib. Dünyanı təhdid edən terrorizm, dini ekstremizm və radikalizmlə mübarizənin Azərbaycan üçün də mühüm əhəmiyyət kəsb etdiyini bildirib.
Mübariz Qurbanlı Dini Qurumlarla İş üzrə Dövlət Komitəsi tərəfindən respublikamızda dövlət-din münasibətlərinin yüksək səviyyədə tənzimlənməsi, dini radikalizm və ekstremizmə qarşı effektiv mübarizənin aparılması məqsədilə müxtəlif formatlarda silsilə tədbirlər həyata keçirildiyini qeyd edib. Dövlət Komitəsinin bu sahədə Baş Prokurorluq, Daxili İşlər və Müdafiə nazirlikləri, Dövlət Təhlükəsizliyi Xidməti və digər müvafiq dövlət qurumları, eləcə də  qeyri-hökumət təşkilatları ilə sıx əməkdaşlıq etdiyini diqqətə çatdırıb.
Dini radikalizmə qarşı mübarizənin hüquqi, ideoloji və iqtisadi istiqamətlərdə aparıldığını deyən Dövlət Komitəsinin sədri dini ekstremizm və radikalizmə qarşı effektiv mübarizə istiqamətində birgə səyləri müzakirə etmək, ayrı-ayrı qurumların səylərinin birləşdirilməsi, fəaliyyətinin əlaqələndirilməsi də konfransın məqsədləri sırasında olduğunu bildirib.
Dövlət Komitəsinin sədri mürəkkəb geosiyasi mövqedə yerləşməsinə baxmayaraq, bu gün Azərbaycanın nəinki regionun, hətta dünyanın ən sabit və dinamik inkişaf edən ölkələrindən biri olduğunu qeyd edib. “Bunun əsas səbəbi Ulu Öndər Heydər Əliyevin müəyyən etdiyi uğurlu inkişaf siyasətinin Prezident İlham Əliyevin rəhbərliyi ilə müasir dövrün reallıqları nəzərə alınmaqla müvəffəqiyyətlə davam etdirilməsidir,”- deyə əlavə edib.
Dövlət Təhlükəsizliyi Xidmətinin (DTX) məsul əməkdaşı Suad Mahmudov dini radikalizmə qarşı mübarizə tədbirləri barədə danışıb. O qeyd edib ki, DTX aidiyyəti digər dövlət orqanları ilə birgə ölkədə dini ekstremizm və radikalizm meyllərinin qarşısını almaq məqsədilə ardıcıl və sistemli iş aparır. Bu gün dinlə bağlı məsələlərə sırf insan hüquqları və milli-mənəvi dəyərlər prizmasından deyil, həm də təhlükəsizlik baxımından yanaşılması dövlətin hüququdur. DTX rəsmisi vurğulayıb ki, din dövlətdən ayrı olsa da, dövlət ölkədəki dini duruma və vətəndaşların təhlükəsizliyinə görə bilavasitə məsuliyyət daşıyır.
Konfransın aktual mövzuya həsr edildiyini bildirən Qafqaz Müsəlmanları İdarəsinin Aparat rəhbəri Simran Həsənov  təmsil etdiyi qurumun Dövlət Komitəsi ilə birgə xurafat, dini radikalizm və ekstremizmlə mübarizə, milli-mənəvi dəyərlərimizin təbliği, tolerant və multikultural ənənələrimizin təşviqi, həmçinin radikalizmə və fanatizmə alternativ kimi ənənəvi İslam dəyərlərinin dirçəldilməsi məqsədilə dini maarifləndirmə istiqamətində respublikanın bütün bölgələrində kompleks tədbirlər təşkil etdiyini vurğulayıb. Bu istiqamətdə atılan addımların fərqli din və məzhəb mənsubları arasında dözümsüzlük, ayrı-seçkilik hallarına yol verilməməsi, dini icmaların fəaliyyətində tolerantlığın və multikulturalizmin gücləndirilməsi, cəmiyyətdə radikalizm meyllərinin qarşısının alınması və dini icmaların bu işə cəlb olunmasında əhəmiyyətli rola malik olduğunu deyib.
Bakı Beynəlxalq Multikulturalizm Mərkəzinin icraçı direktor əvəzi Rəvan Həsənov müstəqilliyin ilk illərində ölkəmizdə dini sahədə təhdidlərin mövcud olduğunu, lakin məqsədyönlü siyasət nəticəsində qarşısının uğurla alındığını bildirib. R.Həsənov bu təhlükənin qarşısının alınmasını hüquqi və ideoloji müstəvidə aparılan mübarizə ilə əlaqələndirib. Nümunəvi dövlət-din münasibətlərinə, ictimai-siyasi sabitliyə malik olan Azərbaycanın bu gün dünyada tolerantlıq mühitinə görə örnək ölkələrdən biri kimi tanındığını qeyd edib.
Bilik Fondunun Aparat rəhbəri İsaxan Vəliyev Dini Qurumlarla İş üzrə Dövlət Komitəsinin dini maarifləndirmə istiqamətində apardığı fəaliyyətə diqqət çəkib.  Eyni zamanda ölkədə dini radikalizmə, terrorçuluğa, ekstremizmə qarşı mübarizə üçün Azərbaycanda mükəmməl qanunvericilik bazasının mövcud olduğunu, qanunvericiliyin təkmilləşdirilməsi çərçivəsində “Dini etiqad azadlığı haqqında” Qanuna əlavə və düzəlişlərin olunmasını müsbət hal kimi qiymətləndirib.
Təhsil Nazirliyinin sektor müdiri Firudin Həmzəyev yüksək təhsilli gənclərin radikal terrorizmin qarşısını almağa, ifşa etməyə qadir olduqlarını deyib. O, həmçinin milli-mənəvi dəyərlərin təbliği istiqamətində təhsil müəssisələrində DQİDK ilə birgə keçirilən tədbirlərin əhəmiyyətinə toxunub.
Ailə, Qadın və Uşaq Problemləri üzrə Dövlət Komitəsinin şöbə müdiri Elgün Səfərov dini radikalizmin ailələr, xüsusilə uşaqlar üçün törətdiyi fəsadlardan bəhs edib. Bu bəlaya qarşı birgə mübarizənin zəruriliyini vurğulayıb.
Ölkəmizdə fəaliyyət göstərən dini konfessiya rəhbərləri Azərbaycanda bütün dinlərin nümayəndələri qarşılıqlı hörmət, anlaşma, sülh şəraitində yaşadığını, eyni zamanda din ilə terrorizmin, radikalizmin yanaşı çəkilməsinin çox acınacaqlı hal olduğunu bildiriblər.
Konfrans müzakirələrlə işini davam etdirib.

Dinə Dövlət Dəstəyi
Strateji Plan- 2014-2020-ci illər
Qaynar Xətt
  • “Dini radikalizmlə mübarizədə birgə fəaliyyətin təşkili və əhəmiyyəti” mövzusunda konfrans keçirilib

    10 İyul 2018 17:43

    İyulun 10-da Azərbaycan Respublikası Dini Qurumlarla İş üzrə Dövlət Komitəsinin (DQİDK) təşkilatçılığı ilə “Dini radikalizmlə mübarizədə birgə fəaliyyətin təşkili və əhəmiyyəti” mövzusunda konfrans keçirilib.
    Konfransda Dini Qurumlarla İş üzrə Dövlət Komitəsinin rəhbərliyi, Dövlət Təhlükəsizliyi Xidməti, Daxili İşlər, Təhsil nazirlikləri, Ailə, Qadın və Uşaq Problemləri üzrə Dövlət Komitəsi, Qafqaz Müsəlmanları İdarəsi, Azərbaycan Respublikasının Prezidenti yanında Bilik Fondu, Azərbaycan Milli Elmlər Akademiyasının rəsmiləri, dini konfessiyaların, qeyri-hökumət təşkilatlarının nümayəndələri, eyni zamanda gənclər iştirak ediblər.
    Tədbiri giriş sözü ilə açan Dövlət Komitəsinin sədri Mübariz Qurbanlı bildirib ki,  öz məqsədlərinə çatmaq üçün dindən sui istifadə edərək radikal qruplar yaratmaq, ekstremist çağırışlar etmək bütün dünya üçün təhlükəlidir. Bütün dinlərin insanları daim sülhə, ədalətə, haqqa çağırdığını deyən Dövlət Komitəsinin sədri dini radikalizm və ekstremizmə qarşı mübarizənin bəşəri xarakter daşıdığını diqqətə çatdırıb. Dinin siyasiləşdirildiyi və müəyyən qrupların əlində alətə çevrildiyi zaman radikal qrupların meydana gəldiyini söyləyən Mübariz Qurbanlı bunun təkcə İslam dinində deyil, digər dinlərdə də özünü büruzə verdiyini əlavə edib. Dünyanı təhdid edən terrorizm, dini ekstremizm və radikalizmlə mübarizənin Azərbaycan üçün də mühüm əhəmiyyət kəsb etdiyini bildirib.
    Mübariz Qurbanlı Dini Qurumlarla İş üzrə Dövlət Komitəsi tərəfindən respublikamızda dövlət-din münasibətlərinin yüksək səviyyədə tənzimlənməsi, dini radikalizm və ekstremizmə qarşı effektiv mübarizənin aparılması məqsədilə müxtəlif formatlarda silsilə tədbirlər həyata keçirildiyini qeyd edib. Dövlət Komitəsinin bu sahədə Baş Prokurorluq, Daxili İşlər və Müdafiə nazirlikləri, Dövlət Təhlükəsizliyi Xidməti və digər müvafiq dövlət qurumları, eləcə də  qeyri-hökumət təşkilatları ilə sıx əməkdaşlıq etdiyini diqqətə çatdırıb.
    Dini radikalizmə qarşı mübarizənin hüquqi, ideoloji və iqtisadi istiqamətlərdə aparıldığını deyən Dövlət Komitəsinin sədri dini ekstremizm və radikalizmə qarşı effektiv mübarizə istiqamətində birgə səyləri müzakirə etmək, ayrı-ayrı qurumların səylərinin birləşdirilməsi, fəaliyyətinin əlaqələndirilməsi də konfransın məqsədləri sırasında olduğunu bildirib.
    Dövlət Komitəsinin sədri mürəkkəb geosiyasi mövqedə yerləşməsinə baxmayaraq, bu gün Azərbaycanın nəinki regionun, hətta dünyanın ən sabit və dinamik inkişaf edən ölkələrindən biri olduğunu qeyd edib. “Bunun əsas səbəbi Ulu Öndər Heydər Əliyevin müəyyən etdiyi uğurlu inkişaf siyasətinin Prezident İlham Əliyevin rəhbərliyi ilə müasir dövrün reallıqları nəzərə alınmaqla müvəffəqiyyətlə davam etdirilməsidir,”- deyə əlavə edib.
    Dövlət Təhlükəsizliyi Xidmətinin (DTX) məsul əməkdaşı Suad Mahmudov dini radikalizmə qarşı mübarizə tədbirləri barədə danışıb. O qeyd edib ki, DTX aidiyyəti digər dövlət orqanları ilə birgə ölkədə dini ekstremizm və radikalizm meyllərinin qarşısını almaq məqsədilə ardıcıl və sistemli iş aparır. Bu gün dinlə bağlı məsələlərə sırf insan hüquqları və milli-mənəvi dəyərlər prizmasından deyil, həm də təhlükəsizlik baxımından yanaşılması dövlətin hüququdur. DTX rəsmisi vurğulayıb ki, din dövlətdən ayrı olsa da, dövlət ölkədəki dini duruma və vətəndaşların təhlükəsizliyinə görə bilavasitə məsuliyyət daşıyır.
    Konfransın aktual mövzuya həsr edildiyini bildirən Qafqaz Müsəlmanları İdarəsinin Aparat rəhbəri Simran Həsənov  təmsil etdiyi qurumun Dövlət Komitəsi ilə birgə xurafat, dini radikalizm və ekstremizmlə mübarizə, milli-mənəvi dəyərlərimizin təbliği, tolerant və multikultural ənənələrimizin təşviqi, həmçinin radikalizmə və fanatizmə alternativ kimi ənənəvi İslam dəyərlərinin dirçəldilməsi məqsədilə dini maarifləndirmə istiqamətində respublikanın bütün bölgələrində kompleks tədbirlər təşkil etdiyini vurğulayıb. Bu istiqamətdə atılan addımların fərqli din və məzhəb mənsubları arasında dözümsüzlük, ayrı-seçkilik hallarına yol verilməməsi, dini icmaların fəaliyyətində tolerantlığın və multikulturalizmin gücləndirilməsi, cəmiyyətdə radikalizm meyllərinin qarşısının alınması və dini icmaların bu işə cəlb olunmasında əhəmiyyətli rola malik olduğunu deyib.
    Bakı Beynəlxalq Multikulturalizm Mərkəzinin icraçı direktor əvəzi Rəvan Həsənov müstəqilliyin ilk illərində ölkəmizdə dini sahədə təhdidlərin mövcud olduğunu, lakin məqsədyönlü siyasət nəticəsində qarşısının uğurla alındığını bildirib. R.Həsənov bu təhlükənin qarşısının alınmasını hüquqi və ideoloji müstəvidə aparılan mübarizə ilə əlaqələndirib. Nümunəvi dövlət-din münasibətlərinə, ictimai-siyasi sabitliyə malik olan Azərbaycanın bu gün dünyada tolerantlıq mühitinə görə örnək ölkələrdən biri kimi tanındığını qeyd edib.
    Bilik Fondunun Aparat rəhbəri İsaxan Vəliyev Dini Qurumlarla İş üzrə Dövlət Komitəsinin dini maarifləndirmə istiqamətində apardığı fəaliyyətə diqqət çəkib.  Eyni zamanda ölkədə dini radikalizmə, terrorçuluğa, ekstremizmə qarşı mübarizə üçün Azərbaycanda mükəmməl qanunvericilik bazasının mövcud olduğunu, qanunvericiliyin təkmilləşdirilməsi çərçivəsində “Dini etiqad azadlığı haqqında” Qanuna əlavə və düzəlişlərin olunmasını müsbət hal kimi qiymətləndirib.
    Təhsil Nazirliyinin sektor müdiri Firudin Həmzəyev yüksək təhsilli gənclərin radikal terrorizmin qarşısını almağa, ifşa etməyə qadir olduqlarını deyib. O, həmçinin milli-mənəvi dəyərlərin təbliği istiqamətində təhsil müəssisələrində DQİDK ilə birgə keçirilən tədbirlərin əhəmiyyətinə toxunub.
    Ailə, Qadın və Uşaq Problemləri üzrə Dövlət Komitəsinin şöbə müdiri Elgün Səfərov dini radikalizmin ailələr, xüsusilə uşaqlar üçün törətdiyi fəsadlardan bəhs edib. Bu bəlaya qarşı birgə mübarizənin zəruriliyini vurğulayıb.
    Ölkəmizdə fəaliyyət göstərən dini konfessiya rəhbərləri Azərbaycanda bütün dinlərin nümayəndələri qarşılıqlı hörmət, anlaşma, sülh şəraitində yaşadığını, eyni zamanda din ilə terrorizmin, radikalizmin yanaşı çəkilməsinin çox acınacaqlı hal olduğunu bildiriblər.
    Konfrans müzakirələrlə işini davam etdirib.