Qaynar Xətt: 437 31 15

Dinimiz milli-mənəvi sərvətimizdir! Heydər ƏLİYEV

Sumqayıtda “Aprel döyüşləri – tariximizin yeni qəhrəmanlıq səhifəsi” adlı tədbir keçirilib


Aprelin 10-da Sumqayıt şəhəri 33 nömrəli tam orta məktəbində Dini Qurumlarla İş üzrə Dövlət Komitəsinin (DQİDK) Sumqayıt bölgəsi üzrə şöbəsinin təşkilatçılığı ilə “Aprel döyüşləri – tariximizin yeni qəhrəmanlıq səhifəsi” adlı tədbir keçirilib.
Tədbirdə DQİDK-nın Sumqayıt bölgəsi üzrə şöbəsinin əməkdaşı Ülvi Məmmədov, məktəbin təlim-tərbiyə işləri üzrə direktor müavini Piruzə Cəfərova, müəllimlər və yuxarı sinif şagirdləri iştirak ediblər.
Məktəbin direktor müavini Piruzə Cəfərova 2016-cı ilin aprel ayında baş verən döyüşlər barədə danışaraq bu döyüşlərdə Azərbaycan ordusunun düşmən üzərində qalib gəldiyini və nəticədə işğal altında olan torpaqlarımızın bir qisminin azad olunduğunu bildirib. O qeyd edib ki, bu məktəbin məzunu olan aprel döyüşləri şəhidi Şulan Bayramov, eləcə də dövlətimizin ərazi bütövlüyü uğrunda canını fəda etmiş bütün şəhidlərimiz hər bir gənc üçün vətənpərvərlik nümunəsidir.
Dövlət Komitəsinin əməkdaşı Ülvi Məmmədov aprel döyüşləri zamanı düşmənin təxribatına qarşı cəmiyyətimizin həmrəyliyindən, xalqın ordumuzun zəfər qazanacağına inamından söhbət açıb. O bildirib ki, igid əsgərlərimiz qanı, canı bahasına xalqın onlara olan bu etimadını doğruldub. Dünya ictimaiyyəti bu döyüşlərdə Azərbaycan ordusunun şücaətini görüb, sülh danışıqları fayda verməyəcəyi təqdirdə ordumuzun hər an hərb yolu ilə torpaqlarımızı azad etmək iqtidarında olduğunu anlayıb. 
Çıxışlardan sonra DQİDK-nın təşəbbüsü ilə çəkilən şəhidlərin xatirəsinə həsr edilmiş “Şəhadət” sənədli filmi şagirdlərə nümayiş etdirilib.
 

Dinə Dövlət Dəstəyi
Strateji Plan- 2014-2020-ci illər
Qaynar Xətt
  • Sumqayıtda “Aprel döyüşləri – tariximizin yeni qəhrəmanlıq səhifəsi” adlı tədbir keçirilib

    10 Aprel 2018 15:16

    Aprelin 10-da Sumqayıt şəhəri 33 nömrəli tam orta məktəbində Dini Qurumlarla İş üzrə Dövlət Komitəsinin (DQİDK) Sumqayıt bölgəsi üzrə şöbəsinin təşkilatçılığı ilə “Aprel döyüşləri – tariximizin yeni qəhrəmanlıq səhifəsi” adlı tədbir keçirilib.
    Tədbirdə DQİDK-nın Sumqayıt bölgəsi üzrə şöbəsinin əməkdaşı Ülvi Məmmədov, məktəbin təlim-tərbiyə işləri üzrə direktor müavini Piruzə Cəfərova, müəllimlər və yuxarı sinif şagirdləri iştirak ediblər.
    Məktəbin direktor müavini Piruzə Cəfərova 2016-cı ilin aprel ayında baş verən döyüşlər barədə danışaraq bu döyüşlərdə Azərbaycan ordusunun düşmən üzərində qalib gəldiyini və nəticədə işğal altında olan torpaqlarımızın bir qisminin azad olunduğunu bildirib. O qeyd edib ki, bu məktəbin məzunu olan aprel döyüşləri şəhidi Şulan Bayramov, eləcə də dövlətimizin ərazi bütövlüyü uğrunda canını fəda etmiş bütün şəhidlərimiz hər bir gənc üçün vətənpərvərlik nümunəsidir.
    Dövlət Komitəsinin əməkdaşı Ülvi Məmmədov aprel döyüşləri zamanı düşmənin təxribatına qarşı cəmiyyətimizin həmrəyliyindən, xalqın ordumuzun zəfər qazanacağına inamından söhbət açıb. O bildirib ki, igid əsgərlərimiz qanı, canı bahasına xalqın onlara olan bu etimadını doğruldub. Dünya ictimaiyyəti bu döyüşlərdə Azərbaycan ordusunun şücaətini görüb, sülh danışıqları fayda verməyəcəyi təqdirdə ordumuzun hər an hərb yolu ilə torpaqlarımızı azad etmək iqtidarında olduğunu anlayıb. 
    Çıxışlardan sonra DQİDK-nın təşəbbüsü ilə çəkilən şəhidlərin xatirəsinə həsr edilmiş “Şəhadət” sənədli filmi şagirdlərə nümayiş etdirilib.