Dövlət Komitəsinin sədri Türkiyənin "Yeni Şafak" qəzetinə açıqlama verib

Açıqlama / 12.10.2020 / 11:56

Dini Qurumlarla İş üzrə Dövlət Komitəsinin sədri Mübariz Qurbanlı Türkiyənin "Yeni Şafak" qəzetinə işğal olunmuş torpaqlarımızda erməni vandalizminə məruz qalan mədəni, tarixi, dini abidələrimizlə bağlı açıqlama verib. Fotofaktların da yer aldığı “Kültürel soykırım” başlıqlı yazıda Komitə sədri bildirib ki, Azərbaycanın işğal olunmuş ərazilərində yerləşən maddi-mədəniyyət nümunələrini, o cümlədən tarixi-dini abidələri məhv etmək Ermənistanın təcavüzkar siyasətinin tərkib hissələrindən biridir. Ermənistan Azərbaycan xalqına məxsus tarixi-dini abidələrə qarşı təcavüzünü müxtəlif istiqamətlərdə aparır. Belə ki, milli mənsubiyyəti və dini ənənələri özündə əks etdirən abidələrin tamamilə dağıdılmış və ya erməniləşdirilməsinə, özgələşdirilib dəyişdirilməsinə cəhdlər edilmişdir. İşğal altındakı müsəlman dini kimliyinə aid olan abidələr, o cümlədən digər mədəniyyət nümunələri dağıdılmaqla yanaşı, həm də təhqir olunur. Ermənilərin səbəb olduğu vandalizm aktlarının dünya ictimaiyyətinə çatdırılması üçün Dini Qurumlarla İş üzrə Dövlət Komitəsi tərəfindən 6 ayrı dildə kitabların çap edildiyini vurğulayan Mübariz Qurbanlı erməni mənbələrinin guya Azərbaycan Ordusunun Şuşada kilsəyə raket zərbəsi endirməsi haqda yalan məlumatlara da münasibət bildirib. Diqqətə çatdırıb ki, Azərbaycan tarixən milli-mənəvi cəhətdən zəngin, müxtəlif dil, din və mədəniyyətlərin sərbəst şəkildə inkişaf etdiyi məkanlardan biridir. Bakının mərkəzində Azərbaycan hökuməti tərəfindən bərpa edilmiş erməni kilsəsi var.  Bu ermənilərin münaqişəyə dini çalar vermək cəhdidir.

Açıqlama ilə daha ətraflı aşağıdakı link vasitəsilə tanış ola bilərsiniz:

https://www.yenisafak.com/gundem/kulturel-soykirim-3570357?fbclid=IwAR3kiFTBnl4N_Ur8_o60uvIIGv3Tj6vANV5PmDM1bxWC6k62YXOxLvsdSco


Son baxılan xəbərlər

Sabunçu rayonunda “Dini ekstremizm: onun səbəbləri və aradan qaldırılması üsulları” layihəsi çərçivəsində maarifləndirici tədbir ...

Press-relizlər
09.02.2017 / 16:59
Ətraflı oxu

Bayrağımız qürurumuz, and yerimizdir

Xəbərlər
08.11.2019 / 16:36
Ətraflı oxu

Zaqatalada “Milli-mənəvi dəyərlər: dünən, bu gün və sabah” adlı mövzuda maarifləndirici tədbir keçirilib

Press-relizlər
17.12.2019 / 15:20
Ətraflı oxu

Quba bölgəsinin dindarları bəşəriyyətə sülh diləyir

Xəbərlər
25.09.2020 / 17:54
Ətraflı oxu

Azərbaycan Respublikasının Dini Qurumlarla İş üzrə Dövlət Komitəsi gəncləri növbəti könüllü fəaliyyətə dəvət ...

Xəbərlər
04.03.2020 / 11:14
Ətraflı oxu

DQİDK sədri Mübariz Qurbanlı: “Din sahəsində yalnız rəsmi təyinatı olan şəxslər fəaliyyət göstərə bilər”

Press-relizlər
24.05.2018 / 17:24
Ətraflı oxu