Quba bölgəsinin dindarları bəşəriyyətə sülh diləyir

Xəbərlər / 25.09.2020 / 17:54

Sentyabrın 25-də Dini Qurumlarla İş üzrə Dövlət Komitəsinin (DQİDK) Quba bölgəsi üzrə şöbəsinin təşəbbüsü və təşkilatçılığı, İnsan Hüquqları üzrə Müvəkkilin (Ombudsman) Quba regional mərkəzinin əməkdaşları, eləcə də Quba, Xaçmaz, Qusar, Şabran və Siyəzən rayonlarının dindarlarının iştirakı ilə “Sülh və İslam” adlı onlayn tədbir keçirilib.

Çıxış edən DQİDK-nın Quba bölgəsi üzrə şöbəsinin müdiri Eynulla Nurullayev bildirib ki, islamofobiya yaratmaq məqsədilə mütərəqqi qayda və qanunlara xas olan İslam dinini gözdən salmağa cəhdlər indi hər zamankından daha çox həyata keçirilir. Çünki müasir zamanda texnologiyanın mümkün imkanlarından istifadə etməklə daha çox insana təsir etmək mümkündür. Ölkəmizdə də İslamı gözdən salmağa, onu xurafat və mövhumat dininə çevirməyə çalışan müəyyən qruplar mövcuddur. Lakin dövlətimiz tərəfindən həm ənənələrimizi, həm də İslamın ənənəviliyini qorumaq  məqsədilə mühüm addımlar atılır.

İnsan Hüquqları üzrə Müvəkkilin Quba regional mərkəzinin rəhbəri Bəhruz Əfəndiyev çıxış edərək qeyd edib ki, bəşəriyyəti yalnız sülh xilas edə bilər. Natiq vurğulayıb ki, Qurani-Kərimi oxumaqla İslam dininin sülhə, barışa nə qədər böyük önəm verdiyini görmək olar.

Onlayn müzakirələrdə iştirak edən dindarlar Azərbaycanda mövcud olan sabitliyin, dindarlara dövlət qayğısının dünyaya bir nümunə olduğunu,  burada yaşayan bütün insanların dinindən, məzhəbindən, sosial statusundan asılı olmayaraq bərabər olduğunu bildiriblər.

 

Son baxılan xəbərlər

Azərbaycandakı dini konfessiya rəhbərlərinin dünya dini liderlərinə, parlamentlərə, beynəlxalq təşkilatlara MÜRACİƏTİ

Press-relizlər
28.03.2018 / 14:24
Ətraflı oxu

“Nizami Gəncəvi yaradıcılığında humanizm ideyaları” adlı onlayn seminar-treninq keçirilib

Press-relizlər
19.05.2021 / 13:21
Ətraflı oxu

Mübariz QURBANLI: "Mərasimlərdəki israfçılığın aradan qaldırılması təşəbbüsü ictimai sifarişdir"

Müsahibələr
02.10.2014 / 09:57
Ətraflı oxu

Xətaidə “İslam həmrəyliyi və milli-mənəvi dəyərlərə hörmət” mövzusunda tədbir keçirilib

Press-relizlər
27.11.2017 / 16:52
Ətraflı oxu

Müdafiə Nazirliyi ilə Dini Qurumlarla İş üzrə Dövlət Komitəsi arasında illik fəaliyyət planı imzalanıb

Press-relizlər
08.01.2018 / 14:16
Ətraflı oxu

“İslam dəyərlərinin xalqımızın milli-mənəvi dəyərlərindəki yeri” mövzusunda tədbir keçirilib

Press-relizlər
25.08.2017 / 16:49
Ətraflı oxu