Quba bölgəsinin dini icma sədrləri videogörüntü vasitəsilə bir araya gəliblər

Xəbərlər / 18.09.2020 / 17:17

Sentyabrın 18-də Dini Qurumlarla İş üzrə Dövlət Komitsinin Quba bölgəsi üzrə şöbəsinin təşkilatçılığı, şöbənin dislokasiyasına daxil olan Quba, Xaçmaz, Qusar, Şabran və Siyəzən rayonlarının məscidlərində fəaliyyət göstərən icmaların sədrlərinin  iştirakı ilə “Pandemiya və postpandemiya dövründə dini icmaların rolu” adlı onlayn formatda tədbir keçirilib.

Tədbirdə çıxış edən DQİDK-nın Quba bölgəsi üzrə şöbəsinin müdiri Eynulla Nurullayev bildirib ki, məlum pandemiya dövrü ilə əlaqədar olaraq Nazirlər Kabineti yanında yaradılmış Operativ Qərargahın qəbul etdiyi mövcud qaydalara uyğun bölgənin bütün məscidləri müvəqqəti bağlanılıb. Möminlərə ibadətlərini öz evlərində ailə üzvləri ilə birlikdə etmələri tövsiyə olunur.

Qafqaz Müsəlmanları İdarəsinin Quba, Xaçmaz və Qusar rayonları üzrə qazısı, Quba şəhəri “Ərdəbil” məscidi dini icmasının sədri Naib Səttarov çıxış edərək bildirib ki, bölgə qazısı olaraq müsəlman dini icmalarının rəhbərləri ilə telefon və onlayn görüşlər keçirməklə vaxtaşırı maarifləndirmə işini təşkil edib. Ara məsafəsinin saxlanılması, maskadan istifadə olunması, yalnız dəfn mərasimləri istisna olmaqla yas məclislərinin dayandırılması bölgədə yüksək səviyyədə təşkil olunub və Operativ Qərargahın qəbul etdiyi qaydalara uyğun şəkildə icra olunur.

Onlayn tədbirdə çıxış edən natiqlər – Xaçmaz şəhəri “Təzə şəhər” məscidi dini icmasının sədri, QMİ-nin Xaçmaz rayonu üzrə səlahiyətli nümayəndəsi Yaşar Rzayev, Qusar şəhəri “Mustafa Kazdal” məscidi dini icmasının sədri, QMİ-nin Qusar rayonu üzrə səlahiyyətli nümayəndəsi Fəryaddin Rəhimxanov, Şabran rayonu Vələsli kənd məscidi dini icmasının sədri Fuad Şahbazlı və Siyəzən şəhəri “Cümə” məscidi dini icmasının sədri Qənimət Pirəliyev vurğulayıb ki, dünyanı cənginə alan COVİD-19 pandemiyası ölkəmizdən, o cümlədən yaşadığımız rayonlardan da yan keçməyib. Biz icma sədrləri və din xadimləri üzərimizə düşən məsuliyyəti dərk edərək həm dindarlar, həm də sakinlər arasında xəstəliyin yarada biləcəyi təhlükənin nə qədər genişmiqyaslı olduğunu, tətbiq olunan qaydalara riayət etməyin vacibliyini diqqətə çatdırırıq.

Onlayn tədbir insanlar arasında maarifləndirmə işinin daha da genişləndirilməsi istiqamətində müzakirələrlə yekunlaşıb.  


Son baxılan xəbərlər

Göyçayda Ümummilli Lider Heydər Əliyevin anadan olmasının 96-cı ildönümünə həsr olunmuş konfrans keçirilib

Press-relizlər
08.05.2019 / 09:56
Ətraflı oxu

Naxçıvanda “Ümummilli Lider Heydər Əliyev dini həmrəyliyin yaradıcısıdır” mövzusunda konfrans keçirilib

Press-relizlər
07.12.2017 / 09:25
Ətraflı oxu

Dövlət Komitəsinin sədrinin Səudiyyə Ərəbistanına səfəri başlayıb

Xəbərlər
05.02.2013 / 11:22
Ətraflı oxu

"Radikal və ekstremist təmayüllü dini cərəyanların mahiyyəti və gənclərə psixoloji təsir üsulları" mövzusunda videokonfrans ...

Xəbərlər
22.04.2021 / 13:10
Ətraflı oxu

Mübariz Qurbanlı: Möminlərə məhərrəmlik mərasimlərini öz evlərində ailə üzvləri ilə birlikdə təşkil etmələri tövsiyə ...

Müsahibələr
20.08.2020 / 14:28
Ətraflı oxu

Ramazan ayının başlanması ilə əlaqədar fətva verilib

Press-relizlər
15.05.2018 / 10:00
Ətraflı oxu