DQİDK sədri Mübariz Qurbanlı: “Ermənilər ölkəmizin işğal olunmuş ərazilərində nəyin bahasına olursa-olsun Azərbaycan və İslam izlərini yox etməyə çalışırlar”

Press-relizlər / 18.09.2020 / 12:23

“Harada Azərbaycan və Türkiyənin uğuru varsa, orada biz mütləq Ermənistanın düşmənçiliyini görürük. Ermənistan açıq şəkildə Azərbaycanın əleyhinə mənfur münasibət sərgiləyir və biz bunun dəfələrlə şahidi olmuşuq.”

Bu sözləri Dini Qurumlarla İş üzrə Dövlət Komitəsinin (DQİDK) sədri Mübariz Qurbanlı Azərbaycan Televiziyasının "Əsas məsələ" verilişində səsləndirib.

Komitə sədri əlavə edib ki, Azərbaycan Respublikasının Prezidenti cənab İlham Əliyevin Covid-19 pandemiyası ilə bağlı təşəbbüsü Birləşmiş Millətlər Təşkilatı səviyyəsində müzakirə edildikdə, xüsusi sessiyanın çağırılması məsələsi ortaya çıxdıqda da Ermənistan buna qarşı çıxmışdı və özünü çox gülünc vəziyyətə salmışdı.

Verilişdə ermənilərin işğal altında olan ərazilərimizdə yüzlərlə tarixi-dini abidələrimizə qarşı törətdiyi vandalizm aktlarına toxunan Mübariz Qurbanlı vurğulayıb ki, çoxları İslam həmrəyliyindən və birliyindən danışır, sözdə bunu həmişə ifadə edir, İslam Əməkdaşlıq Təşkilatında İslam həmrəyliyini nümayiş etdirən qətnamələrə imza atır. “Amma bəzən əməldə başqa bir şeyləri görməkdəyik. Azərbaycanın işğal olunmuş əraziləri, o cümlədən indi Ermənistan adlanan, lakin vaxtilə Azərbaycan xalqına məxsus olan Qərbi Azərbaycan ərazilərində ermənilər nəyin bahasına olursa-olsun Azərbaycan və İslam izlərini yox etməyə çalışırlar. Bunu edərkən də tarixi abidələri dağıdırlar, o cümlədən Qafqaz Albaniyasına aid olan tarixi abidələri özününküləşdirməyə, hətta provaslav kilsələrini də qriqorian kilsələrə çevirməyə çalışırlar. Şuşada vaxtilə rus-provaslav kilsəsi mövcud olub. Bu abidəni də özününküləşdirmək üçün addımlar atıblar və kilsədən provaslav izlərini siliblər”,- deyə Komitə sədri bildirib.

Məscidlərin dağıdılması və təhqir olunması ilə bağlı kifayət qədər faktların olduğunu diqqətə çatdıran DQİDK sədri Ermənistana tarixi İslam mədəniyyəti abidələrini hifz etmək adı altında köməklik göstərənlərin olduğunu dilə gətirib: “Bir məscidi təmir etməklə, Azərbaycanın adından çıxarıb başqa ölkənin məscidi adı altında göstərməklə Ermənistan guya İslam mədəniyyətinə “tolerant” münasibətini nümayiş etdirir. Bu, saxtakarlıqdan başqa bir şey deyildir. Faktiki olaraq, orada bütün məscidlər, tarixi abidələr dağıdılıb və İslam həmrəyliyi adı altında fəaliyyət göstərən ölkələr mütləq bundan nəticə çıxarmalıdır. Ümumiyyətlə, işğal olunmuş ərazilərdə tarixi abidələrin dağıdılması, özününküləşdirilməsi, o cümlədən bu ərazilərdə qeyri-qanuni yol ilə məskunlaşdırılmanın həyata keçirilməsi beynəlxalq sənədlərdə tamamilə pislənən bir hərəkətdir.”

Verilişlə daha ətraflı aşağıdakı link vasitəsilə tanış ola bilərsiniz:

https://www.youtube.com/watch?v=NHitrmyIpJM&fbclid=IwAR1L5EH1JV5MRqwQbPWz-rhvPAr5GlSIcLe76dzwA775tetPMa3WbiALPko


Son baxılan xəbərlər

Saatlı rayonunda dini icma sədrlərinin və din xadimlərinin iştirakı ilə videokonfrans keçirilib

Press-relizlər
27.11.2020 / 16:25
Ətraflı oxu

Bakıda “Qadın hüquqlarının qorunmasında dini icmaların yeri və rolu” mövzusunda konfrans keçirilib

Xəbərlər
19.09.2019 / 17:18
Ətraflı oxu

“Erməni təcavüzü və məhv olmuş tarixi dini abidələrimiz” mövzusunda konfrans keçirilib

Press-relizlər
28.03.2019 / 16:45
Ətraflı oxu

Balakən və Lerik rayonlarında dini radikalizmlə mübarizə məsələsi müzakirə olunub

Press-relizlər
07.03.2016 / 17:03
Ətraflı oxu

Qusarda “Narkomaniya və dini radikalizmin sosial təhlükəsi və doğurduğu fəsadlar” mövzusunda maarifləndirici tədbir keçirilib

Press-relizlər
23.05.2017 / 09:37
Ətraflı oxu

Xristian dini icma rəhbərləri ABŞ konqresinə təqdim olunmuş qətnamə layihəsinə etiraz edib

Xəbərlər
20.10.2020 / 16:09
Ətraflı oxu