“Pandemiya şəraitində dini mərasimlər” mövzusunda onlayn görüş keçirilib

Xəbərlər / 28.08.2020 / 12:41

Avqustun 27-də Dini Qurumlarla İş üzrə Dövlət Komitəsi (DQİDK) və Azərbaycan Respublikasının Gənclər Fondunun birgə təşkilatçılığı ilə gənclər üçün “Pandemiya şəraitində dini mərasimlər” mövzusunda  maarifləndirici onlayn görüş keçirilib.

Çıxış edən DQİDK sədri Mübariz Qurbanlı bildirib ki, pandemiya vəziyyətini nəzərə alaraq, ölkəmizdə, həmçinin dünyanın başqa ölkələrində dini mərasimlərin keçirilməsi qaydalarına, bu dövr ərzində dini mərasimlərdə kütləviliyə yol verilməməsinə xüsusi diqqət yetirilir. Ümumbəşəri problem sayılan pandemiyaya qarşı mübarizə  tədbirlərinin əksər ölkələrdə davam etdiyini vurğulayan Komitə rəhbəri İslam dünyasında da indiyədək kütləvi şəkildə keçirilən mərasimlərin koronavirusla mübarizə qaydalarına uyğunlaşdırılaraq az sayda şəxslə simvolik və ya onlayn qaydada keçirildiyini qeyd edib.

Gənclər Fondunun icraçı direktoru Fərid Cəfərov çıxışında vurğulayıb ki, gənclər həm pandemiya, həm də əvvəlki dövrlərdə dini mərasimlər zamanı birlik, yardımlaşma və paylaşım nümunəsi göstərən müxtəlif aksiya və layihələr həyata keçiriblər. O qeyd edib ki, mart ayından etibarən cənab Prezident İlham Əliyevin çağırışına cavab olaraq, gənclər tərəfindən pandemiya ilə mübarizədə könüllülük fəaliyyəti həyata keçirilib. Həmin könüllülər tibb işçiləri və hüquq mühafizə orqanları əməkdaşları ilə çiyin-çiyinə pandemiya ilə mübarizənin ön cəbhəsində yer alıblar. Bu mübarizənin özü də mənəvi dəyərlərə sadiqlik, vətənpərvərlik nümunəsidir.

Onlayn görüşdə iştirak edən Azərbaycan İlahiyyat İnstitutunun rektoru Aqil Şirinov insanlar üçün təhlükə yarada biləcəyi təqdirdə dini mərasimlərin kütləvi şəkildə keçirilməsinin İslam dini tərəfindən də dəstəklənmədiyini bildirib. Rektor inanclı şəxslərə dini mərasim və adətləri öz evlərində, ailə üzvləri ilə birlikdə sağlamlıqlarına heç bir təhlükə törətmədən qeyd etmələrini tövsiyə edib.

Gənclər Fondunun rəsmi səhifəsində canlı yayımlanan görüş rəsmilərin izləyicilərin ünvanladığı sualları cavablandırması ilə yekunlaşıb.

 


Son baxılan xəbərlər

Masallıda “Narkomaniya və zərərli vərdişlərlə mübarizə yolları” mövzusunda tədbir keçirilib

Press-relizlər
05.05.2017 / 09:57
Ətraflı oxu

Salyanda dini ekstremizmə qarşı mübarizə sahəsində görülən işlər və qarşıda duran vəzifələrə həsr olunan ...

Press-relizlər
30.05.2017 / 18:07
Ətraflı oxu

Xətaidə “İslam həmrəyliyi və milli-mənəvi dəyərlərə hörmət” mövzusunda tədbir keçirilib

Press-relizlər
27.11.2017 / 16:52
Ətraflı oxu

Quba rayonunda “Vətəni sevmək imandandır” adlı tədbir keçirilib

Press-relizlər
06.03.2018 / 16:13
Ətraflı oxu

“Azərbaycanda Xristianlıq: keçmişdən bu günə” adlı kitab nəşr olunub

Kitablar
29.06.2017 / 16:35
Ətraflı oxu

Şəkidə tədbir keçirilib

Press-relizlər
22.02.2019 / 16:11
Ətraflı oxu