Qusarda 20 Yanvar hadisələrinin 30 illiyinə həsr edilmiş anım tədbiri keçirilib

Press-relizlər / 13.01.2020 / 16:58

Yanvarın 13-də Azərbaycan Respublikası İnsan Hüquqları üzrə Müvəkkilinin (Ombudsman) Quba regional mərkəzinin, Dini Qurumlarla İş üzrə Dövlət Komitəsinin (DQİDK) Quba bölgəsi üzrə şöbəsinin və Qusar şəhər 6 saylı tam orta məktəbin birgə təşkilatçılığı ilə 20 Yanvar hadisələrinin 30 illiyinə həsr edilmiş anım tədbiri keçirilib. Tədbirdə İnsan Hüquqları üzrə Müvəkkilin (Ombudsman) Quba regional mərkəzinin direktoru Bəhruz Əfəndiyev, DQİDK-nın Quba bölgəsi üzrə şöbəsinin əməkdaşı Elnur Ağasiyev, Qusar şəhər 6 saylı tam orta məktəbin tərbiyə işləri üzrə direktor müavini Sevinc Əlisultanova, məktəbin müəllim kollektivi və yuxarı sinif şagirdləri iştirak edib.

Öncə 20 Yanvar şəhidlərinin və Azərbaycanın suverenliyi uğrunda öz canlarını fəda etmiş şəhidlərin əziz xatirəsi bir dəqiqəlik sükutla anılıb.

İnsan Hüquqları üzrə Müvəkkilin (Ombudsman) Quba regional mərkəzinin direktoru Bəhruz Əfəndiyev tədbirdə çıxış edərək bildirib ki, 1990-cı il yanvar ayının 19-dan 20-sinə keçən gecə Sovet İttifaqının qoşun hissələri fövqaladə vəziyyət elan edilmədən Bakı şəhərinə yeridilmiş və dinc əhaliyə divan tutulmuşdur.

Tədbirdə çıxış edən DQİDK-nın Quba bölgəsi üzrə şöbəsinin əməkdaşı Elnur Ağasiyev qeyd edib ki, 1990-cı il 20 Yanvar faciəsinə aparan yol azərbaycanlıların Ermənistandakı tarixi torpaqlarından növbəti kütləvi deportasiyasının, Dağlıq Qarabağın Ermənistana birləşdirilməsinin geniş vüsət aldığı 1987-ci ildən başlayıb. Artan xətt üzrə davam edən gərginliyin və Ermənistanın təcavüzkar qüvvələrinin qarşısını almaq əvəzinə, Sovet rəhbərliyi ədalətsiz və cinayətkar mövqedə duraraq Azərbaycan xalqına qarşı dəhşətli cinayət işlədib.

Tədbirdə çıxış edən Qusar şəhər 6 saylı tam orta məktəbin tarix müəllimi İradə Xasmətova  bildirib ki, bu hadisələr zamanı Ümumumilli Liderimiz Heydər Əliyev siyasi iradə nümayiş etdirərək Moskvadakı Azərbaycan nümayəndəliyinə gəlmiş və SSRİ rəhbərliyinin törətdiyi bu cinayəti qətiyyətlə ittiham edən bəyanatla çıxış etmişdir.

Sonda şagirdlərin hazırladığı 20 Yanvar hadisələrinin 30 illik ildönümünə həsr edilmiş ədəbi-bədii kompozisiya nümayiş etdirilib.   


Son baxılan xəbərlər

Mübariz Qurbanlı: Dünya Dini Liderlərinin 2-ci Bakı Sammiti bir daha birgəyaşayın və multikultural modelin ...

Müsahibələr
20.11.2019 / 10:14
Ətraflı oxu

Ağcabədidə "Zərərli dini təriqətlərə qarşı mübarizə" mövzusunda dini maarifləndirici seminar keçirilib

Press-relizlər
13.10.2016 / 15:22
Ətraflı oxu

Sabirabadda 2019-cu ilin yekunları ilə bağlı tədbir keçirilib

Press-relizlər
07.01.2020 / 14:47
Ətraflı oxu

Müdafiə Nazirliyi ilə Dini Qurumlarla İş üzrə Dövlət Komitəsi arasında illik fəaliyyət planı imzalanıb

Press-relizlər
08.01.2020 / 09:21
Ətraflı oxu

Dövlət Komitəsində “Yehovanın Şahidləri”nin Avropa Assosiasiyasının nümayəndələri ilə görüş keçirilib

Press-relizlər
13.12.2019 / 15:01
Ətraflı oxu

Sumqayıtda 20 Yanvar şəhidlərinin xatirəsinə həsr olunmuş tədbir keçirilib

Press-relizlər
18.01.2018 / 14:59
Ətraflı oxu