Dövlət Komitəsində birgə qrant müsabiqəsinə dair məlumatlandırma sessiyası təşkil olunub

Xəbərlər / 29.11.2019 / 17:08

Noyabrın 29-da Azərbaycan Respublikası Dini Qurumlarla İş üzrə Dövlət Komitəsində (DQİDK) Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası və DQİDK-nın 2020-ci ildə QHT layihələrinin maliyyələşməsi ilə bağlı elan etdiyi qrant müsabiqəsinə dair məlumatlandırma sessiyası təşkil olunub.

Tədbirdə hər iki qurumun nümayəndələri və QHT təmsilçiləri iştirak ediblər.

DQİDK sədrinin müavini Gündüz İsmayılov  Dövlət Komitəsinin QHT-lərlə birgə həyata keçirdiyi tədbirlərdən, layihələrdən danışıb. Bu layihələrin din sahəsindəki maarifləndirmə işinə verdiyi töhfələr baxımından əhəmiyyətini vurğulayıb. Qeyd edib ki, Dini Qurumlarla İş üzrə Dövlət Komitəsi və Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası arasında iş planı çərçivəsində fəal əməkdaşlıq edilir, hər il konfranslar keçirilir.

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının növbəti qrant müsabiqəsinin  dövlət qurumları ilə birgə təşkil edilməsinin  vətəndaş cəmiyyəti üçün önəminə toxunan G.İsmayılov “Dini radikallığa və ekstremizmə qarşı mübarizə sahəsində maarifləndirmə işinin təşkili” və “Milli-mənəvi dəyərlərin təbliğinə dair” istiqamətlərində elan olunan  layihələrin uğurla həyata keçirilməsinə Dövlət Komitəsi tərəfindən lazimi dəstək göstəriləcəyini bildirib.

Şura Katibliyinin elektron xidmətlər və daxili nəzarət bölməsinin rəhbəri Nədimə Rəhimli çıxış edərək Şuranın həyata keçirdiyi qrant müsabiqələri haqqında məlumat verib. Bildirib ki, Şura növbəti il üçün QHT layihələrinin maliyyələşməsi ilə bağlı 18 dövlət orqanı və digər qurumlarla birgə qrant müsabiqələri üzrə iş həyata keçirir. Bu gün müzakirə edilən qrant müsabiqəsi də Dini Qurumlarla İş üzrə Dövlət Komitəsi ilə birgə gerçəkləşdirilir. Müsabiqədə iştirak canlı təmaslar olmadan Sürətli Əlaqələndirmə və Layihələri İdarəetmə Sistemi (SƏLİS) vasitəsilə həyata keçiriləcək.

Məlumatlandırma sessiyasının sonunda QHT nümayəndələrini maraqlandıran suallar cavablandırılıb.


Son baxılan xəbərlər

Qusarda 20 Yanvar hadisələrinin 30 illiyinə həsr edilmiş anım tədbiri keçirilib

Press-relizlər
13.01.2020 / 16:58
Ətraflı oxu

Mübariz Qurbanlı: Dünya Dini Liderlərinin 2-ci Bakı Sammiti bir daha birgəyaşayın və multikultural modelin ...

Müsahibələr
20.11.2019 / 10:14
Ətraflı oxu

Ağcabədidə "Zərərli dini təriqətlərə qarşı mübarizə" mövzusunda dini maarifləndirici seminar keçirilib

Press-relizlər
13.10.2016 / 15:22
Ətraflı oxu

Sabirabadda 2019-cu ilin yekunları ilə bağlı tədbir keçirilib

Press-relizlər
07.01.2020 / 14:47
Ətraflı oxu

Müdafiə Nazirliyi ilə Dini Qurumlarla İş üzrə Dövlət Komitəsi arasında illik fəaliyyət planı imzalanıb

Press-relizlər
08.01.2020 / 09:21
Ətraflı oxu

Dövlət Komitəsində “Yehovanın Şahidləri”nin Avropa Assosiasiyasının nümayəndələri ilə görüş keçirilib

Press-relizlər
13.12.2019 / 15:01
Ətraflı oxu