Prezident İlham Əliyev: “Biz nəinki ölkə daxilində, dünya miqyasında bu gün çox önəmli ölkəyə çevrilmişik”

Xəbərlər / 27.11.2019 / 12:49

Noyabr ayında Bakıda Dünya dini liderlərinin II Zirvə Görüşü keçirilmişdir, 70 ölkənin dini liderləri Bakıya gəlmişlər. Dünyada buna bənzər ikinci yığıncaq yoxdur. Mən iclaslarda bir-birinin yanında oturanlara fikir verirdim, əgər onlar başqa yerdə görüşsəydilər, bəlkə başqa cür danışardılar. Amma oturublar, bir-birini dinləyirlər, bir-birinə salam verirlər. Biz bunu istəyirik. Çünki dünya başqa istiqamətdə gedir. Deyirlər ki, multikulturalizm ölübdür, yoxdur. Müsəlman miqrantlarını qəfəsdə saxlayırlar, “Stop İslam” deyirlər demokratiya beşikləri. Deyirlər ki, biz miqrantları qəbul edə bilərik, - mən Avropa ölkələrini nəzərdə tuturam, - ancaq müsəlman miqrantları yox.

Bu fikirləri Azərbaycan Prezidenti İlham Əliyev Bakı Dövlət Universitetinin 100 illiyi ilə bağlı keçirilən tədbirdə bildirib.

Dövlət başçısı qeyd edib ki, deyirlər ki, multikulturalizm iflasa uğrayıb: “Amma biz göstəririk ki, yox, elə deyil. Bu, siyasi iradədən, baxışlardan asılıdır, sən nə istəyirsən, hansı siyasət yürüdürsən. Bax, biz bu siyasəti yürüdürük. Bu siyasət yeganə düzgün siyasətdir. Əks təqdirdə, gələcək müharibələr, o cümlədən ola bilsin, dini müharibələr qaçılmazdır. Ona görə, bax, dini liderlərin Zirvə Görüşünün keçirilməsi belə səviyyədə və belə təmsilçiliklə bir daha bizim hörmətimizi, rolumuzu göstərir. Biz nəinki ölkə daxilində, dünya miqyasında bu gün çox önəmli ölkəyə çevrilmişik.”

 

Son baxılan xəbərlər

Dövlət Komitəsi sədrinin müavini: “Bu küləyin hardan əsdiyi çox dəqiq bilinir”

Açıqlama
11.07.2018 / 17:22
Ətraflı oxu

“Dini radikalizmlə mübarizə: hüquqi və mənəvi yanaşma” mövzusunda tədbir keçirilib

Press-relizlər
08.11.2018 / 15:21
Ətraflı oxu

Prezident İlham Əliyev Niderland Krallığı Senatının sabiq sədrini qəbul edib

Xəbərlər
15.05.2018 / 12:04
Ətraflı oxu

“Gənclər və milli-mənəvi dəyərlərimiz” mövzusunda tədbir keçirilib

Press-relizlər
01.02.2018 / 15:54
Ətraflı oxu

Prezident İlham Əliyev: “İşğal olunmuş ərazilərimizdə bütün məscidlər Ermənistan tərəfindən dağıdılıb”

Xəbərlər
28.10.2019 / 09:24
Ətraflı oxu

"Azərbaycanda dünyəviliyin tarixi və bu günü" mövzusunda konfrans keçirilib

Press-relizlər
28.11.2019 / 16:28
Ətraflı oxu