Lerikdə “Din və ideoloji təhlükəsizlik” mövzusunda seminar-müşavirə keçirilib

Press-relizlər / 25.10.2019 / 16:22

Oktyabrın 25-də Lerikdə Dini Qurumlarla İş üzrə Dövlət Komitəsi (DQİDK) və Lerik Rayon İcra Hakimiyyətinin birgə təşkilatçılığı ilə “Din və ideoloji təhlükəsizlik” mövzusunda seminar-müşavirə keçirilib.

Lerik Rayon Mədəniyyət Mərkəzində keçirilən tədbir “Heydər Əliyev: dəyərlərimizin xilaskarı” sənədli filminin nümayişi ilə başlayıb.

Toplantıda çıxış edən Lerik Rayon İcra Hakimiyyətinin başçısı Rövşən Bağırov nümunəvi dövlət-din münasibətlərindən söz açaraq, dini radikalizm və ekstremizmlə mübarizənin əhəmiyyətini vurğulayıb. O, çıxışında, həmçinin bu istiqamətdə həyata keçirilən tədbirlərin, seminar-müşavirədə nümayiş olunan sənədli filmin əhəmiyyətini yüksək dəyərləndirib.

DQİDK-nın sədr müavini Səyavuş Heydərov bildirib ki, hazırda dünyada, xüsusilə müsəlman ölkələrində sabitliyin pozulmasında din amili xüsusi rol oynayır və beynəlxalq güclər bu vəziyyətdən məharətlə istifadə edirlər. Bu, müəyyən maraqlı qüvvələr tərəfindən yaradılan çoxsaylı hərəkat və cərəyanların timsalında özünü açıq büruzə verir.

Sədr müavininin sözlərinə görə, bu gün dinlə bağlı məsələlərə sırf insan hüquqları və milli-mənəvi dəyərlər prizmasından deyil, həm də təhlükəsizlik baxımından yanaşılması dövlətin borcu və müstəsna hüququdur. Din dövlətdən ayrı olsa da, dövlət ölkədəki dini duruma və vətəndaşların təhlükəsizliyinə görə bilavasitə məsuliyyət daşıyır.

S.Heydərov vurğulayıb ki, dövlətimiz dini radikalizmin qarşısının alınması, vətəndaşlarımızın xarici təsirlərdən qorunması, ölkədəki dini durumun sabit saxlanılması, əhalinin təhlükəsizliyinin təmin edilməsi istiqamətində tədbirləri bu gün də uğurla davam etdirir.

Bu gün zərərli dini ideologiyalarla mübarizədə ən səmərəli metodlardan birinin maarifləndirmə işinin gücləndirilməsi, insanların, xüsusilə də gənc nəslin dini biliklərinin artırılması olduğunu diqqətə çatdıran natiq, ümumi təhlillərin gənclərin bu təsirlərə daha çox dini biliklərinin zəif olması və savadsızlıq səbəbindən məruz qaldıqlarını göstərdiyini qeyd edib.

Dövlət Komitəsi tərəfindən mövcud təhlükə, təhdidlərin qarşısının alınması üçün sistemli və geniş formada maarifləndirmə tədbirlərinin keçirildiyini vurğulayan S.Heydərov, bugünkü seminar-müşavirənin də bir nümunə olduğunu deyib. Sədr müavini bu sahədəki maarifləndirmə tədbirlərinin səmərəliliyinə xüsusi diqqət yetirilməsinin vacibliyini vurğulayıb.

Qafqaz Müsəlmanları İdarəsinin səlahiyyətli nümayəndəsi İ.Əliyev çıxışında yad dini ideologiyaları İslam adı altında təbliğ etməyə çalışan bəzi ünsürlərə qarşı mübarizədə din xadimlərinin qarşısında duran vəzifələrdən və bu sahədə həyata keçirilən tədbirlərdən danışıb. Natiq dinə və dindarlara göstərilən diqqət və qayğıya görə Prezident İlham Əliyevə təşəkkürünü bildirib.

Seminar-müşavirə müzakirələrlə öz işini yekunlaşdırıb.


Son baxılan xəbərlər

DQİDK sədri "Samaritan's Purse" təşkilatının Proqramlar və Hökumət Əlaqələri üzrə vitse-prezidenti ilə görüşüb

Press-relizlər
01.12.2020 / 17:02
Ətraflı oxu

Dini Qurumlarla İş üzrə Dövlət Komitəsi yanında İctimai şuranın Seçki Komissiyasının görüşü keçirilib

Xəbərlər
17.07.2020 / 12:51
Ətraflı oxu

Azərbaycandakı dinlərarası və millətlərarası mühit

Multikulturalizm
29.06.2016 / 10:12
Ətraflı oxu

DQİDK-nın şöbə müdiri Cahandar Əlifzadə: "İşğaldan azad olunan ərazilərdəki dini abidələrin sayı dəqiqləşdirilir"

Xəbərlər
20.11.2020 / 15:30
Ətraflı oxu

Biləsuvarda “Uşaqları dini fanatizm və radikalizm təhlükəsindən qoruyaq” mövzusunda tədbir keçirilib

Press-relizlər
22.10.2019 / 10:27
Ətraflı oxu

Prezident İlham Əliyev: “Biz göstərmişik ki, böyük xalqıq, qürurlu xalqıq”

Xəbərlər
02.12.2020 / 16:26
Ətraflı oxu