Dini radikalizm cəmiyyət üçün təhlükədir

Press-relizlər / 10.10.2019 / 15:52

Oktyabrın 10-da Dini Qurumlarla İş üzrə Dövlət Komitəsinin (DQİDK) Zaqatala bölgəsi üzrə şöbəsi, Balakən Rayon İcra Hakimiyyəti (RİH) və Balakən Rayon Təhsil Şöbəsinin birgə təşkilatçılığı ilə Balakən rayonu Talalar kənd 2 saylı tam orta məktəbində “Dini radikalizm cəmiyyət üçün təhlükədir” mövzusunda tədbir keçirilib. Tədbirdə DQİDK-nın Zaqatala bölgəsi üzrə şöbəsinin baş məsləhətçisi Elməddin Atakişiyev, Balakən rayonu Talalar kənd 2 saylı tam orta məktəbinin direktoru Arif Həsənov, müəllimlər və yuxarı sinif şagirdləri iştirak ediblər.

Tədbiri giriş sözü ilə açan məktəbin direktoru Arif Həsənov gənc nəsil arasında maarifləndirmə və təbliğat işinin aparılmasının vacibliyindən danışıb, keçirilən bu cür maarifləndirmə tədbirlərinin böyük əhəmiyyət kəsb etdiyini bildirib.

Daha sonra DQİDK-nın Zaqatala bölgəsi üzrə şöbəsinin baş məsləhətçisi Elməddin Atakişiyev dini radikalizmin mahiyyəti, din pərdəsi altında radikal dini cərəyanların aqressiv təbliğat metod və vasitələri, dini radikalizmə qarşı mübarizə yolları haqqında ətraflı məlumat verib.

Tədbirdə Dövlət Komitəsinin sifarişi əsasında çəkilmiş “Şəhadət” sənədli filmi nümayiş etdirilib, filmin əhəmiyyətindən bəhs edilib.

Sonda tədbir iştirakçılarını maraqlandıran suallar cavablandırılıb, maarifləndirici ədəbiyyat paylanılıb.


Son baxılan xəbərlər

Lerikdə Aşura mərasimlərinə həsr edilmiş tədbir keçirilib

Press-relizlər
01.09.2019 / 09:23
Ətraflı oxu

Tolerantlığın Azərbaycan modeli

Multikulturalizm
16.11.2018 / 09:52
Ətraflı oxu

Səyyad Salahlı: “Din xadimləri İslam cəmiyyətinin vəhdət prinsiplərinin formalaşması və inkişafı yolunda əhəmiyyətli addımlar ...

Press-relizlər
08.11.2019 / 09:53
Ətraflı oxu

Dini Qurumlarla İş üzrə Dövlət Komitəsində ötən ilin yekunları müzakirə edilib

Press-relizlər
29.01.2016 / 17:18
Ətraflı oxu

Dinlərarası harmoniyanın Azərbaycan modeli

Xəbərlər
17.05.2019 / 10:26
Ətraflı oxu

DQİDK yanında İctimai Şuranın üzvlüyünə namizədlərin irəli sürülməsinin vaxtı elan edilib

Press-relizlər
13.05.2020 / 10:46
Ətraflı oxu