Dövlət Komitəsində görüş keçirilib

Press-relizlər / 04.10.2019 / 17:49

Dini Qurumlarla İş üzrə Dövlət Komitəsi sədrinin müavini Səyavuş Heydərov oktyabrın 4-də Gürcüstan Yevangelik-Lüteran kilsəsinin yepiskopu Markus Şox ilə görüşüb.

Sədr müavini dini durumun, eləcə də dini müxtəlifliyin tənzimlənməsi sahəsində əldə olunan nailiyyətlərdən danışaraq qeyd edib ki, Azərbaycanda dünyaya örnək ola biləcək multikultural dəyərlər sistemi və modeli formalaşıb. Müxtəlif etnik mədəniyyətlər arasında ənənəvi birgəyaşayış, qarşılıqlı hörmət prinsiplərinə söykənən bu model ilə Azərbaycan sivilzasiyalarası və mədəniyyətlərarası dialoq prosesinin aktiv iştirakçısına çevrilib. Azərbaycanda dövlət-din münasibətlərinin yüksək səviyyədə qurulduğunu diqqətə çatdıran Səyavuş Heydərov ölkəmizdə 35-i qeyri-islam olmaqla 942 dini icmanın dövlət qeydiyyatına alındığını, bütün dini qurumların dövlətin diqqət və qayğısı ilə əhatə olunduqlarını deyib.

Azərbaycana hər səfərində xalqımızın qonaqpərvərliyinə heyran qaldığını, ölkəmizdə mövcud olan çoxəsrlik multikultural mühitlə əyani şəkildə tanış olduğunu deyən Gürcüstan Yevangelik-Lüteran kilsəsinin yepiskopu Markus Şox respublikamızdakı müxtəlif dini icmalarla sıx əməkdaşlığının, dostluğun təqdirəlayiq olduğunu vurğulayıb.

Qarşılıqlı hörmət və səmimiyyət şəraitində keçən görüşdə, eyni zamanda qarşılıqlı maraq doğuran məsələlər, o cümlədən birgə tədbirlərin keçirilməsi haqqında fikir mübadiləsi aparılıb.

 


Son baxılan xəbərlər

Zaqatalada “Dini radikalizm və zərərli vərdişlərlə mübarizədə təhsilin rolu” mövzusu müzakirə olunub

Press-relizlər
15.10.2019 / 16:29
Ətraflı oxu

YAP-ın mərkəzi qərargahında “Vəhdət qanımızdadır” sənədli filminin təqdimatı keçirilib

Press-relizlər
05.12.2018 / 17:05
Ətraflı oxu

Yasamalda “Dini radikalizm və ekstremizm – milli təhlükəsizliyə əsas təhdidlərdən biri kimi” mövzusunda seminar-müşavirə ...

Press-relizlər
28.02.2019 / 16:58
Ətraflı oxu

“Azərbaycanın dövlət-din modeli: dünyəvilik” mövzusundakı regional konfrans öz işini davam etdirib

Xəbərlər
18.02.2020 / 16:40
Ətraflı oxu

Xalqa xidmətdə keçən ömür

Xəbərlər
08.05.2019 / 09:37
Ətraflı oxu

İslam dəyərlərinə dərin ehtiram

Press-relizlər
27.08.2019 / 09:53
Ətraflı oxu