Ağstafada “Dini maarifçiliyin təşkilində qadınların yeri və rolu” mövzusu müzakirə edilib

Press-relizlər / 02.10.2019 / 15:33

1-2 oktyabr tarixlərində Ağstafada Dini Qurumlarla İş üzrə Dövlət Komitəsi (DQİDK) və Ağstafa Rayon İcra Hakimiyyətinin (RİH) birgə təşkilatçılığı ilə “Dini maarifçiliyin təşkilində qadınların yeri və rolu” mövzusunda regional konfrans keçirilib.

Ağstafa RİH və DQİDK-nın rəsmi nümayəndələri, eləcə də idarə, təşkilatlarda, təhsil, səhiyyə və mədəniyyət müəssisələrində çalışan qadınlar və rayon ictimaiyyətinin üzvlərinin iştirak etdiyi ikigünlük regional konfransı giriş sözü ilə açan rayon icra hakimiyyəti başçısının müavini – İctimai-siyasi və humanitar məsələlər şöbəsinin müdiri Lalə Eyyubova cəmiyyətdə maarifçilik işinin aparılmasının vacib olduğunu bildirib. O, ölkədə sağlam mənəvi mühitin yaranmasına xidmət edən bu cür konfransların keçirilməsinin zamanın çağırışları ilə uzlaşdığını deyib.

DQİDK-nın Təhlil və proqnozlaşdırma şöbəsinin müdiri Elnarə Kərimova təqdimatında dini maarifləndirmə işinin əhəmiyyəti və bu prosesində qadınların roluna toxunub. Bildirib ki, hər bir kəsin tərbiyəsi və ümümi dini bilgilərinin formalaşması birbaşa ailə ilə bağlıdır. Bu prosesin aparıcı qüvvələrindən biri də qadınlardır. Şöbə müdiri qeyd edib ki, gəncləri milli ruhda böyütmək, cəmiyyətə layiqli vətəndaş hazırlamaq baxımından qadınların üzərinə böyük məsuliyyət düşür. Qadınlar aldıqları bilik və dünyagörüşünə əsaslanaraq övladlarını ailədə elə tərbiyə edib maarifləndirməlidirlər ki, onlar sərbəst həyata atıldıqda mənfi, milli-mənəvi dəyərlərimizə zidd, radikallığı təbliğ edən qüvvələrin təsirinə məruz qalmasınlar. Ölkəmizdə gedən proseslərdə, eləcə də dini radikalizmlə, xurafatla mübarizədə qadınları daha da fəal olmağa çağıran E.Kərimova cəmiyyətimizdə qadınların yüksək mövqeyə malik olduğunu bildirib.

Dövlət Komitəsinin İctimaiyyətlə əlaqələr şöbəsinin müdiri Yaqut Əliyeva konfrans iştirakçılarını sosial şəbəkələrdə radikal qrupların apardığı dini təbliğatın məqsədi, metodları barəsində məlumatlandırıb. Vurğulayıb ki, gənclər və yeniyetmələrin sosial şəbəkədən istifadəsi geniş xarakter aldığına görə bu sahəyə daha çox diqqətin ayrılması zəruridir. Dini radikallar və ekstremistlər texnologiyanın son nailiyyətlərindən, xüsusən də elektron mediadan və sosial şəbəkələrdən öz çirkin əməlləri üçün geniş istifadə edirlər, cəmiyyətin, xüsusilə gənclərin duyğularını, inandığı dəyərləri hədəf alaraq baxış bucaqlarını dəyişdirməyə çalışırlar. Şöbə müdiri gəncləri bu kimi mənfi tendensiyanın təsirlərindən qorumaqda hər kəsi, o cümlədən qadınların, anaların aktivliyinin xüsusi önəm kəsb etdiyini diqqətə çatdırıb.

İkigünlük regional konfrans müzakirələrlə öz işini yekunlaşdırıb.


Son baxılan xəbərlər

“İslam sivilizasiyası Qafqazda” mövzusunda İkinci Beynəlxalq Simpozium keçiriləcək

Press-relizlər
02.04.2019 / 16:40
Ətraflı oxu

Bakıda dünya yəhudilərinin Yeni il bayramı - “Roş-Ha-Şana” münasibətilə tədbir keçirilib

Press-relizlər
12.09.2018 / 11:33
Ətraflı oxu

Zaqatalada “Milli-mənəvi dəyərlərimizin gənclərin tərbiyəsində rolu” mövzusunda tədbir keçirilib

Press-relizlər
24.04.2018 / 17:28
Ətraflı oxu

Saatlıda “Sülh aylığı” çərçivəsində “İslam dinində sülhün mahiyyəti” mövzusunda tədbir keçirilib

Press-relizlər
02.09.2016 / 16:07
Ətraflı oxu

San-Fransiskoda Azərbaycan tolerantlığına həsr olunmuş geniş tədbir keçirilib

Press-relizlər
18.05.2018 / 14:54
Ətraflı oxu

“Milli-mənəvi dəyərlərin təbliğində gənclər təşkilatlarının rolu” mövzusunda konfrans keçirilib

Press-relizlər
27.09.2018 / 14:25
Ətraflı oxu