Zaqatalada “N” saylı hərbi hissədə maarifləndirmə tədbiri keçirilib

Press-relizlər / 12.09.2019 / 16:31

Sentyabrın 12-də Daxili Qoşunların Zaqatala rayonunda yerləşən “N” saylı hərbi hissəsində Dini Qurumlarla İş üzrə Dövlət Komitəsinin (DQİDK) təşkilatçılığı ilə “Azərbaycanın multikultural mühiti və ona qarşı təhdidlər” adlı maarifləndirmə tədbiri keçirilib.

Tədbirdə Dini Qurumlarla İş üzrə Dövlət Komitəsinin Zaqatala bölgəsi üzrə şöbəsinin müdiri İlqar Vəliyev, Daxili Qoşunların Zaqatala rayonunda  yerləşən “N saylı hərbi hissəsinin komandiri Rövşən Cəbrayılov, hərbi hissənin zabit, gizir, çavuş və əsgər heyəti iştirak ediblər.

Tədbiri giriş sözü ilə açan hərbi hissə komandiri Rövşən Cəbrayılov tədbirin aktuallığını qeyd edərək əhəmiyyətini vurğulayıb, gənclərin layiqli vətəndaş, şəxsiyyət və vətənpərvər olaraq formalaşmasında xalqımızın  milli-mənəvi dəyərlərinin böyük rolu olduğunu bildirib.

DQİDK-nın Zaqatala bölgəsi üzrə şöbəsinin müdiri İlqar Vəliyev çıxışında əsası Ulu Öndər Heydər Əliyev tərəfindən qoyulmuş dövlət-din siyasətinin hazırda ölkə Prezidenti cənab İlham Əliyev tərəfindən böyük uğurla davam etdiyini qeyd edib, Azərbaycanda mövcud olan dini durum haqqında məlumat verib, dini azadlıqlardan danışıb, dövlət tərəfindən dindarlara və  dini icmalara göstərilən diqqət və qayğıdan bəhs edib. Eyni zamanda Azərbaycan multikulturalizmi və tolerantlığı barədə söhbət açaraq Azərbaycan multikulturalizminin bir çox dünya ölkələrinə parlaq nümunə olduğunu vurğulayıb. Ölkədə multikultural və yüksək tolerantlıq dəyərlərə xələl gətirə biləcək amillərə toxunub, yad dini təriqətlərin, dini xurafatın və mövhumatın, dini fanatizmin və dini radikalizmin törətdiyi fəsadlardan danışıb.

Tədbirin sonunda Mənəvi Dəyərlərin Təbliği Fondunun sifarişi ilə çəkilmiş “Heydər Əliyev və Azərbaycançılıq” sənədli filmi nümayiş etdirilib.

Son baxılan xəbərlər

Şəkidə “İslam həmrəyliyinin Azərbaycanda və dünyada inkişafının əhəmiyyəti” mövzusunda tədbir keçirilib

Press-relizlər
07.04.2017 / 12:37
Ətraflı oxu

Dövlət Komitəsində görüş keçirilib

Xəbərlər
08.07.2019 / 13:07
Ətraflı oxu

Masallıda “Zərərli vərdişlərə qarşı mübarizədə din xadimlərinin rolu” müzakirə edilib

Press-relizlər
02.03.2018 / 15:12
Ətraflı oxu

Bakıda “Din və ideoloji təhlükəsizlik” mövzusunda konfrans keçirilib

Press-relizlər
26.12.2018 / 17:51
Ətraflı oxu

Prezident İlham Əliyev Amerika Birləşmiş Ştatlarının ölkəmizdəki səfirliyində olub

Xəbərlər
06.12.2018 / 08:57
Ətraflı oxu

Bölgələrdə maarifləndirmə tədbirləri davam etdirilir

Press-relizlər
27.02.2020 / 16:47
Ətraflı oxu