Qazaxda "Azərbaycanda dövlət-din münasibətləri: tarix və müasirlik" mövzusunda ikigünlük seminar-müşavirə keçirilib

Press-relizlər / 13.06.2019 / 16:27

İyunun 13-də Dini Qurumlarla İş üzrə Dövlət Komitəsi (DQİDK) və Qazax Rayon İcra Hakimiyyətinin (RİH) birgə təşkilatçılığı ilə "Azərbaycanda dövlət-din münasibətləri: tarix və müasirlik" mövzusunda  ikigünlük seminar-müşavirə keçirilib.

Dini icma sədrləri, gənclər və digər ictimaiyyət nümayəndələrinin iştirak etdiyi tədbiri giriş sözü ilə açan RİH başçısı Aparatının İctimai-siyasi və humanitar məsələlər şöbəsi müdirinin müavini-dini qurumlarla işin təşkilatçısı Məhəmməd Orucov Qazax rayonundakı dini durum barədə məlumat verib. Natiq, eyni zamanda rayonda dindarlara göstərilən diqqət və qayğıdan da danışıb.

Daha sonra çıxış edən DQİDK sədrinin birinci müavini Səyyad Salahlı ilk öncə tədbir iştirakçılarını qarşıdan gələn 15 İyun – Milli Qurtuluş Günü münasibətilə təbrik edib. Sədrin birinci müavini vurğulayıb ki, Ulu Öndər Heydər Əliyevin 1993-cü ildə Azərbaycan rəhbərliyinə qayıdışı ilə ölkəmizin ictimai-siyasi, dini, sosial, iqtisadi və elmi-mədəni həyatında dönüş yarandı, eləcə də beynəlxalq norma və prinsiplərə uyğun müstəqil dövlət quruculuğu prosesi başlanıldı. Azərbaycandakı dövlət-din münasibətlərinin əsasının Ümummilli Lider tərəfindən qoyulduğunu diqqətə çatdıran Səyyad Salahlı vurğulayıb ki, bu siyasət bu gün möhtərəm Prezidentimiz cənab İlham Əliyev tərəfindən uğurla davam etdirilir. DQİDK sədrinin birinci müavini respublikamızda mənəvi dəyərlərin qorunmasına və inkişafına, bu sahədə sosial layihələrin reallaşdırılmasına, habelə vətəndaşların dini etiqad azadlığının həyata keçirilməsinə dövlət dəstəyinin göstərildiyini bildirib. Onun sözlərinə görə, din xadimlərinə maddi dəstəyin göstərilməsi, xalqımızın tarixi ənənələrinə söykənən və dövlət siyasətinin məntiqi nəticəsi olan yüksək dini-mənəvi mühitin qorunub saxlanılmasını və inkişaf etdirilməsini, dini fəaliyyətin təşkili sahəsində yüksək ixtisaslı kadrların hazırlanmasını təmin etmək məqsədi ilə Azərbaycan İlahiyyat İnstitutunun, həmçinin Mənəvi Dəyərlərin Təbliği Fondunun yaradılması bütün bunların bariz nümunəsidir.

Dövlət Komitəsi sədrinin birinci müavini, eyni zamanda gənclərin, ziyalıların və din xadimlərinin, bütövlükdə cəmiyyətin dini ekstremizmlə mübarizədə fəal olmalarının vacibliyini vurğulayıb.

Tədbirdə DQİDK-nın sifarişi ilə çəkilmiş “Üfüqdəki gələcək” sənədli filmi nümayiş olunub.

 

 


Son baxılan xəbərlər

Ceyhun Məmmədov: “Ümummilli Lider Azərbaycanın çoxəsrlik salnaməsinin tarixi qəhrəmanıdır”

Press-relizlər
11.12.2018 / 16:37
Ətraflı oxu

Qazaxda aprel döyüşlərinə həsr olunmuş tədbir keçirilib

Press-relizlər
20.04.2018 / 16:20
Ətraflı oxu

Bakıda satışına razılıq verilməmiş dini təyinatlı ədəbiyyat aşkar edilib

Press-relizlər
17.01.2018 / 17:09
Ətraflı oxu

Bakıda "Müasir Azərbaycanda multikulturalizm harmoniyası və tolerantlıq nümunəsi" mövzusunda konfrans keçirilib

Xəbərlər
29.10.2019 / 16:27
Ətraflı oxu

Gəncədə “Müasir reallıqlar kontekstində dövlət və din” mövzusunda tədbir keçirilib

Press-relizlər
13.02.2020 / 15:56
Ətraflı oxu

Masallıda “Gənclərin radikal dini cərəyanlardan qorunması” mövzusunda seminar-treninq keçirilib

Press-relizlər
11.02.2019 / 15:05
Ətraflı oxu