Zaqatalada “Tolerantlıq-Azərbaycan xalqının mənəvi sərvətidir” adlı seminar keçirilib

Press-relizlər / 13.06.2019 / 09:40

İyunun 12-də Dini Qurumlarla İş üzrə Dövlət Komitəsi və Mədəniyyət Nazırliyinin “Azərbaycan xalqının mənəvi dəyərlərinin təbliği və dini radikalizmə qarşı mübarizəyə dair 2019-cu il üçün birgə Tədbirlər Planı”na uyğun olaraq Zaqatala Nizami Gəncəvi adına Mərkəzi rayon kitabxanasında “Tolerantlıq-Azərbaycan xalqının mənəvi sərvətidir adlı seminar keçirilib.

Seminarda Şəki Regional Mədəniyyət İdarəsinin nümayəndələri, mədəniyyət işçiləri, DQİDK-nın Zaqatala bölgəsi üzrə şöbəsinin əməkdaşları iştirak ediblər.

Seminarı Zaqatala rayon Mərkəzləşdirilmiş kitabxana sisteminin direktoru Gülnigar Məmmədova giriş sözü ilə açıb, mövzunun mahiyyətindən və aktuallığından bəhs edib.

Dövlət Komitəsinin Zaqatala bölgəsi üzrə şöbəsinin müdiri İlqar Vəliyev Azərbaycanda əsası Ulu Öndər Heydər Əliyev tərəfindən qoyulmuş dövlət-din siyasətinin ölkə Prezidenti cənab İlham Əliyev tərəfindən böyük uğurla həyata keçirildiyindən, görülmüş işlərdən bəhs edib. Azərbaycanda mövcud olan dini tolerantlığın dünyanın bir çox ölkəsinə nümunə olduğunu qeyd edib. Xalqımızın zəngin milli-mənəvi dəyərlərinin qorunub saxlanılmasının vacibliyini vurğulayıb. Dini radikalizmin yaranması səbəbləri, yayılma metodları, törətdiyi fəsadlar barədə ətraflı məlumat verib, dini radikalizmə qarşı aparılan mübarizə tədbirlərindən bəhs edib. Təhsilin və maarifləndirmənin dini radikalizmə qarşı mübarizədə ən effektiv vasitə olduğunu bildirib.  

Sonda  DQİDK-nın sifarişi ilə çəkilmiş ”Şəhadət” sənədli filmi nümayiş etdirilib.


Son baxılan xəbərlər

Balakəndə “Dini radikalizm və onun fəsadları” mövzusunda tədbir keçirilib

Press-relizlər
03.10.2019 / 17:14
Ətraflı oxu

Azərbaycan dünyada dinlər, mədəniyyətlər və sivilizasiyalararası dialoqun gücləndirilməsində hərəkətverici qüvvəyə çevrilib

Müsahibələr
03.04.2019 / 16:12
Ətraflı oxu

Qafqaz Müsəlmanları İdarəsinin sədri: Erməni kilsəsi öz aqressiv münasibətini və qızışdırıcı fəaliyyətini davam etdirməkdədir

Açıqlama
28.10.2020 / 12:01
Ətraflı oxu

Xətai məktəblilərinə “Şəhadət” sənədli filmi nümayiş etdirilib

Press-relizlər
15.11.2017 / 16:06
Ətraflı oxu

Mənəvi Dəyərlərin Təbliği Fondu müsabiqə elan edir

Press-relizlər
22.10.2018 / 15:07
Ətraflı oxu

Dövlət Komitəsinin sədr müavini: "Fanatizm və radikalizmə məruz qalanlarla iş aparılacaq"

Müsahibələr
23.01.2018 / 15:22
Ətraflı oxu