DQİDK və Kəlbəcər RİH-in təşkialtçılığı ilə “Dini təhsil, dini tərbiyə və dünyəvilik” mövzusunda tədbir keçirilir

Press-relizlər / 12.06.2019 / 15:24

İyunun 12-də Gəncə şəhərində Dini Qurumlarla İş üzrə Dövlət Komitəsi (DQİDK) və Kəlbəcər Rayon İcra Hakimiyyətinin birgə təşkilatçılığı ilə “Dini təhsil, dini tərbiyə və dünyəvilik” mövzusunda tədbir keçirilib. Məktəb direktorları və təlim-tərbiyə işləri üzrə direktor müavinləri, "Həyat bilgisi" fənnini tədris edən müəllimlər, məktəb psixoloqları və ictimaiyyət nümayəndələrinin iştirak etdiyi seminar-treninqi giriş sözü ilə açan Rayon İcra Hakimiyyəti Aparatının İctimai-siyasi və humanitar məsələlər şöbəsinin müdir müavini – dini qurumlarla işin təşkilatçısı Heydər Bəylərov mövzunun əhəmiyyətindən danışıb. 1993-cü ildə Ermənistan Silahlı Qüvvələri tərəfindən rayonun işğal edildiyini qeyd edən natiq bildirib ki, işğala qədər rayon ərazisində 30-dan artıq məscid, kilsə, 6 ziyarətgah mövcud olub. Təəssüf ki, ermənilər işğal etdikləri ərazilərdəki, o cümlədən Kəlbəcərdəki qədim Azərbaycan abidələrini məhv edir.

Daha sonra çıxış edən DQİDK-nın sədr müavini Gündüz İsmayılov dini radikalizmin yaranma səbəbləri və onunla mübarizə metodlarından danışıb. Sədr müavini, eyni zamanda deyib ki, dini inanc sistemi əxlaqi və mənəvi dəyərlər çərçivəsindən çıxıb, siyasi bir ideologiyaya çevriləndə, eləcə də geniş bir kütlə tərəfindən dəstəklənən siyasi bir təşkilatlanma şəklində təzahur edəndə dini radikalizm meydana gəlir. Onun sözlərinə görə, din və siyasətin birləşməsi birinci növbədə dinin siyasi məqsədlər üçün vasitəyə çevrilməsinə gətirib çıxarır. “Dinin ilkin hədəf və məqsədi insanların ruhi saflığı və mənəvi tərbiyə vasitəsi olduğuna görə, onu siyasətə alət etməyə yol vermək olmaz. Buna görə də, liberal demokratik siyasi quruluşlar inanc və etiqad azadlıqlarını qanunlarla təminat altına alır, digər tərəfdən isə dini siyasətdən və dövlətdən ayırmaqdadır”,- deyə komitə sədrinin müavini əlavə edib.

Azərbaycanın unitar, hüquqi, demokratik və dünyəvi dövlət olduğunu bildirən G.İsmayılovun sözlərinə görə, respublikamızda dünyəvilik konstitusiyada öz əksini tapıb. Sədr müavini onu deyib ki, dövlət dindən ayrı olsa da, dindar dövlətdən ayrı deyil. Hər bir diondar dövlətimizin qayğısı ilə əhatə olunub. Bildirilib ki, bu gün Azərbaycanda dövlət-din münasibətləri normal məcrada inkişaf edir.

Seminar-treninq iyunun 13-də öz işini müzakirələrlə davam etdirəcəkdir.

 


Son baxılan xəbərlər

“İslam həmrəyliyi və gənclərin radikal təsirlərdən qorunması” mövzusunda maarifləndirici tədbir keçirilib

Press-relizlər
14.03.2018 / 17:18
Ətraflı oxu

Mübariz Qurbanlı: "Prezident İlham Əliyevin inkişaf və quruculuq siyasəti ölkəmizə bundan sonra da böyük ...

Müsahibələr
14.01.2019 / 14:53
Ətraflı oxu

Ailə dəyərlərinin möhkəmləndirilməsi cəmiyyətin mənəvi sağlamlığının əsasıdır

Press-relizlər
15.05.2019 / 17:10
Ətraflı oxu

Dini Komitədən Qurban bayramı ilə bağlı tövsiyələr: insanlarımız bayramı xalqımızın milli-mənəvi dəyərlərinə uyğun şəkildə ...

Açıqlama
08.08.2019 / 10:15
Ətraflı oxu

"Qeyri ayrı-seçkilik və tolerantlığın təşviqinə dair dinlərarası dialoq" mövzusunda ikigünlük seminar başlayıb

Press-relizlər
10.10.2016 / 18:06
Ətraflı oxu

Zaqatala rayonunda "Dini radikalizmə qarşı mübarizənin başlıca yolları: nəzəriyyə və təcrübə" mövzusunda seminar-treninq baş ...

Press-relizlər
25.04.2017 / 17:19
Ətraflı oxu