Göyçayda “Dini radikalizmə, zərərli vərdişlərə və erkən nikaha yox deyirik" mövzusunda gənclərlə maarifləndirici görüş keçirilib

Press-relizlər / 11.04.2019 / 17:44

Aprelin 11-də Rəsul Rza adına Göyçay şəhər 1 saylı tam orta məktəbdə Göyçay Rayon İcra Hakimiyyəti, rayon Polis Şöbəsi və Dini Qurumlarla İş üzrə Dövlət Komitəsinin Ucar bölgəsi üzrə şöbəsinin birgə təşkilatçılığı ilə “Dini radikalizmə, zərərli vərdişlərə və erkən nikaha yox deyirik " mövzusunda gənclərlə maarifləndirici görüş keçirilib.

Tədbirdə Göyçay Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin müdir müavini, dini qurumlarla işin təşkilatçısı Vüsal Zöhrabov, rayon Polis Şöbəsinin rəisi polis polkovniki Sənan Əsədov, Dini Qurumlarla İş üzrə Dövlət Komitəsinin Ucar bölgəsi üzrə şöbəsinin müdiri Əzim Rəfiyev, rayon Prokurorluğunun əməkdaşı, prokurorun böyük köməkçisi Murad Əliyev, rayon Təcili və Təxirəsalınmaz Tibbi Yardım Stansiyasının baş həkimi Əli Əsgərov, rayon Gənclər və İdman İdarəsinin rəisi Elşən Şirinov, Qeydiyyat şöbəsinin müdiri Könül Məmmədova, eyni zamanda yuxarı sinif şagirdləri və müəllimlər iştirak ediblər.

Görüşdə çıxış edənlər ölkə rəhbərliyi tərəfindən gənclərə göstərilən diqqət və qayğıdan, onlara yaradılan hərtərəfli şəraitdən, geniş imkanlardan söhbət açıblar.

Çıxışlar zamanı dini radikalizmin yaratdığı fəsadlardan da bəhs olunub. Cəmiyyətdə əmin-amanlığı, sabitliyi pozmağı özünə məqsəd seçən belə qruplaşmaların qurbanlarının əsasən gənclər olduğu vurğulanıb. Gənclərin radikal qruplaşmaların yalanlarına, xurafat dolu vədlərinə, təxribatçılıq əməllərinə uymaması və bütün bunlarla mübarizədə gənclər arasında maarifləndirmə tədbirlərinin mütəmadi davam etdirilməsinin vacibliyi qeyd olunub.

Şagirdlərə, habelə narkomaniya və onun fəsadları ilə bağlı geniş məlumat verilib, “ağ ölüm”ün ailə və cəmiyyət üçün yaratdığı ciddi problemlər diqqətə çatdırılıb.

Çıxış edən natiqlər erkən nikahın səbəb olduğu problemlərdən söhbət açaraq, hər bir uşağın yaşamaq, təhsil almaq, müdafiə olunmaq hüquqları olduğunu vurğulayıblar.

Tədbir diskussiya şəklində davam etdirilib.

Sonda tədbir iştirakçılarını maraqlandıran suallar cavablandırılıb.


Son baxılan xəbərlər

Komitə sədri Mübariz Qurbanlı Vaşinqtonda bir sıra görüşlər keçirib

Press-relizlər
18.07.2019 / 15:43
Ətraflı oxu

Şirvanda “Azərbaycanın dövlət-din modeli: əsas istiqamətlər” mövzusunda regional konfrans keçirilib

Press-relizlər
30.01.2018 / 17:59
Ətraflı oxu

Masallıda “Milli-mənəvi dəyərlərin qorunmasında ictimaiyyətin rolu” mövzusunda tədbir keçirilib

Press-relizlər
09.02.2018 / 11:52
Ətraflı oxu

“Gənclərin yad dini təsirlərdən qorunması və vətənpərvər ruhda tərbiyə olunması” mövzusunda tədbir təşkil olunub

Press-relizlər
24.11.2017 / 18:06
Ətraflı oxu

Tehranda “Azərbaycan İslam mədəniyyətinin incisidir” mövzusunda fotosərgi açılıb

İSLAM HƏMRƏYLİYİ İLİ
26.10.2017 / 12:13
Ətraflı oxu

Samuxda “Vətənpərvər gəncliyin dini radikalizmə qarşı mübarizəsi" mövzusunda tədbir keçirilib

Press-relizlər
25.04.2018 / 14:33
Ətraflı oxu