Masallıda "Narkomaniya, erkən nikah və dini radikalizm dövrün bəlasıdır" mövzusunda tədbir keçirilib

Press-relizlər / 11.04.2019 / 15:27

Aprelin 11-də Dini Qurumlarla İş üzrə Dövlət Komitəsinin (DQİDK) Masallı bölgəsi üzrə şöbəsi və  Masallı Rayon Polis Şöbəsinin birgə təşkilatçılığı ilə “Narkomaniya, erkən nikah və dini radikalizm dövrün bəlasıdır” mövzusunda tədbir keçirilib.

Masallı rayonu E.Ağayev adına Hişkədərə kənd tam orta məktəbində keçirilən maarifləndirmə tədbirində DQİDK-nın Masallı bölgəsi üzrə şöbəsinin müdiri Miryəhya Bədirov, Masallı Rayon Polis Şöbəsinin rəisi, polis polkovniki Habil Əmiraslanov, rəis müavini, polis polkovnik-leytenantı Yelmar Paşayev, E.Ağayev adına Hişkədərə kənd tam orta məktəbinin direktoru İlham Ağayev, müəllim və şagirdlər iştirak ediblər.

Tədbiri E.Ağayev adına Hişkədərə kənd tam orta məktəbinin direktoru İlham Ağayev açaraq cəmiyyətdə zərərli vərdişlərin və dini radikalizmin törətdiyi fəsadlardan danışıb.

DQİDK-nın Masallı bölgəsi üzrə şöbəsinin müdiri Miryəhya Bədirov mövzu ilə bağlı çıxışında narkomaniya, erkən nikah və dini radikalizmin fəsadlarından söhbət açib. Bildirib ki, dövrümüzdə ən aktual olan bu bəlalardan gənclərin xilas olmaları üçün maarifləndirici tədbirlərin aparılması çox vacibdir. Odur ki, indiki gəncliyimizi həm milli-mənəvi, həm də dini dəyərləri əldə rəhbər tutaraq tərbiyə etmək lazımdır.

Masallı Rayon Polis Şöbəsinin rəisi Habil Əmiraslanov çıxışında zərərli vərdişlərə qarşı mübarizə sahəsində aparılan profilaktik tədbirlərdən bəhs edib. Qeyd edib ki, aparılan tədbirlər nəticəsində narkomaniya və digər zərərli vərdişlərə düçar olanların statistikasında xeyli sayda azalma hiss olunur.

Digər çıxış edənlər mövzu ilə bağlı fikirlərini bölüşüblər.

Seminar-treninqin sonunda iştirakçıları maraqlandıran suallar cavablandırılıb.


Son baxılan xəbərlər

Terrora qarşı İslam həmrəyliyi

İSLAM HƏMRƏYLİYİ İLİ
22.06.2017 / 11:47
Ətraflı oxu

Göygöldə “Multikultural və tolerant dəyərlərimiz: tarixilik, varislik, müasirlik” mövzusunda konfrans keçirilib

Press-relizlər
29.06.2016 / 17:39
Ətraflı oxu

Mənəvi Dəyərlərin Təbliği Fondu Qubada regional seminar təşkil edib

Press-relizlər
06.11.2018 / 15:12
Ətraflı oxu

Bakıda “Mənəvi dəyərlərimiz gələcəyimizdir” mövzusunda konfrans keçirilib

Press-relizlər
20.02.2019 / 17:56
Ətraflı oxu

Səyavuş Heydərov: “Radikal müxalifət və radikal dindarlar eyni mərkəzdən idarə olunurlar”

Müsahibələr
20.09.2016 / 11:47
Ətraflı oxu

Prezident İlham Əliyevin sədrliyi ilə Nazirlər Kabinetinin 2018-ci ilin doqquz ayının sosial-iqtisadi inkişafının yekunlarına ...

Xəbərlər
09.10.2018 / 14:23
Ətraflı oxu