Dini radikalizmə qarşı mübarizəyə həsr edilmiş maarifləndirmə tədbiri keçirilib

Press-relizlər / 08.04.2019 / 11:24

Aprelin 5-də Dini Qurumlarla İş üzrə Dövlət Komitəsi (DQİDK) və Yeni Azərbaycan Partiyası Nəsimi rayon təşkilatının birgə təşkilatçılığı ilə SOCAR AQS MMC və Caspian Drilling Company şirkətlərinin əməkdaşları ilə dini radikalizmə qarşı maarifləndirmə xarakterli görüş keçirilib.

Tədbir DQİDK-nın sifarişi ilə çəkilmiş “Şəhadət” sənədli filminin nümayişi ilə başlayıb.

Daha sonra Dövlət Komitəsi sədrinin müavini Səyavuş Heydərov geniş məruzə ilə çıxış edərək dini radikalizm və ekstremizmin yaranma səbəbləri, törətdiyi fəsadlar və ona qarşı mübarizə üsulları haqqında danışıb. Bildirib ki, Azərbaycanda mövcud olan sabitliyi, inkişafı, ölkəmizin beynəlxalq arenada nüfuzunun artmasını istəməyən bəzi qüvvələr öz məkrli planlarını həyata keçirmək üçün din pərdəsi altında ölkəmizdəki dini sabitliyə, təhlükəsizliyə təsir göstərməyə çalışırlar.

Dini radikalizmin yaranma səbəblərinə qarşı mübarizənin önəminə toxunan S.Heydərov qeyd edib ki, bu gün İslam dünyasında vəhdətə, həmrəyliyə çox böyük ehtiyac var. Azərbaycanda 2017-ci ilin “İslam Həmrəyliyi İli” elan olunmasını ölkəmizin İslam dünyasına verdiyi töhfə kimi qiymətləndirən sədr müavini bu hadisənin böyük ictimai-siyasi və beynəlxalq əhəmiyyəti olduğunu, bununla müsəlman dünyasına həmrəylik mesajı verildiyini vurğulayıb.

Dövlət Komitəsinin sifarişi ilə çəkilmiş “Şəhadət” sənədli filmi haqqında da danışan Səyavuş Heydərov qeyd edib ki, film Azərbaycanın suverenliyi və ərazi bütövlüyü uğrunda canlarından keçən şəhidlərin əziz xatirəsinə həsr olunub. Filmdə, həmçinin dini fanatizmin və radikalizmin təsirinə məruz qalmış, bir sıra xarici ölkələrdəki ekstremist-terrorçu silahlı birləşmələrin tərkibində döyüşmüş şəxslərdən bəhs edilir.


Son baxılan xəbərlər

İslam Əməkdaşlıq Təşkilatının Baş katibi: “Azərbaycan dünyada sülhün və İslam həmrəyliyinin möhkəmləndirilməsi işinə töhfə ...

İSLAM HƏMRƏYLİYİ İLİ
28.08.2019 / 14:53
Ətraflı oxu

Xırdalanda Aprel döyüşlərinə həsr edilmiş tədbir keçirilib

Press-relizlər
23.04.2018 / 14:45
Ətraflı oxu

Dövlət Komitəsinin sədri Mübariz Qurbanlı: "Azərbaycanda tolerantlıq mühitinin qorunması Berlində keçirilən beynəlxalq konfransda da ...

Açıqlama
26.11.2018 / 17:59
Ətraflı oxu

Zaqatalada dini radikalizmlə mübarizədə təhsilin rolu müzakirə edilib

Press-relizlər
14.02.2017 / 16:17
Ətraflı oxu

Lənkəranda “Uşaq hüquqları aylığı” çərçivəsində maarifləndirici tədbir keçirilib

Press-relizlər
04.11.2016 / 15:43
Ətraflı oxu

Dövlət Komitəsinin sədri Mübariz Qurbanlının "SalamNews"a müsahibəsi

Müsahibələr
13.12.2016 / 16:38
Ətraflı oxu