Zaqatalada “Azərbaycan gəncliyi: dünən, bu gün, sabah” mövzusunda tədbir keçirilib

Press-relizlər / 02.04.2019 / 17:41

Aprelin  2-də Zaqatala Rayon İcra Hakimiyyəti (RİH), Dini Qurumlarla İş üzrə Dövlət Komitəsinin (DQİDK) Zaqatala bölgəsi üzrə şöbəsi və Zaqatala Rayon Təhsil Şöbəsinin birgə təşkilatçılığı ilə Zaqatala rayonu Mosul kənd tam orta məktəbində “Azərbaycan gəncliyi: dünən, bu gün, sabah” mövzusunda tədbir keçirilib.

Tədbirdə RİH başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Ramin Həsənov, DQİDK-nın Zaqatala bölgəsi üzrə şöbəsinin müdiri vəzifəsini icra edən İlqar Vəliyev, Zaqatala rayonu Mosul kənd tam orta məktəbinin direktoru Musa Məmmədov, orta məktəbin müəllimləri və yuxarı sinif şagirdləri iştirak edib.

Məktəbin direktoru Musa  Məmmədov keçirilən tədbirin əhəmiyyətindən danışıb, milli-mənəvi dəyərlərin gənclərin vətənpərvərlik ruhunda formalaşmasındakı  rolunu vurğulayıb. 

Zaqatala RİH başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Ramin Həsənov Azərbaycan xalqının zəngin milli-mənəvi dəyərlərinin qorunub saxlanılmasının vacibliyini bildirib, ölkə Prezidenti cənab İlham Əliyevin və Birinci vitse-prezident Mehriban Əliyevanın bu dəyərlərin qorunub saxlanılması üçün apardıqları dövlət siyasətindən bəhs edib, gənclərin qarşısında duran vəzifələrdən danışıb.

DQİDK-nın Zaqatala bölgəsi üzrə şöbəsinin müdiri vəzifəsini icra edən İlqar Vəliyev  Azərbaycanda əsası Ümummilli Lider Heydər Əliyev  tərəfindən qoyulmuş dövlət-din münasibətlərinin bu gün uğurla inkişaf etdiyini bildirib. İ.Vəliyev, həmçinin Azərbaycan multikulturalizmindən və tolerantlığından danışıb, ölkəmizin dünyada sülh platformasına çevrilərək mədəniyyətlərarası və dinlərarası dialoq, əməkdaşlıq məkanı olduğunu qeyd edib.

Sonda tədbir iştirakçılarına dini ədəbiyyatlar paylanılıb, onları maraqlandıran suallar cavablandırılıb. 

 


Son baxılan xəbərlər

DQİDK-nın ABŞ-ın Beynəlxalq Dini Azadlıq üzrə Komissiyasının “Məzarlıqların dağıdılması” adlı arayışının Azərbaycanla bağlı hissəsinə ...

Xəbərlər
06.09.2021 / 15:52
Ətraflı oxu

Mingəçevirdə “Gənclərin radikal meyillərdən qorunması” mövzusunda tədbir təşkil olunub

Press-relizlər
23.11.2017 / 16:08
Ətraflı oxu

Cəzaçəkmə müəssisələrində dini maarifləndirmə tədbirləri davam etdirilir

Press-relizlər
15.12.2017 / 11:46
Ətraflı oxu

Nərimanov rayonunda yerləşən 258 nömrəli tam orta məktəbdə maarifləndirici tədbir baş tutub

Press-relizlər
30.03.2017 / 15:46
Ətraflı oxu

Bölgələrdə dini maarifləndirmə tədbirləri davam etdirilir

Press-relizlər
24.12.2016 / 11:00
Ətraflı oxu

Dövlət Komitəsinin sədri "Yehovanın Xristian Şahidləri" Avropa Assosiasiyasının nümayəndələrini qəbul edib

Press-relizlər
06.04.2016 / 16:24
Ətraflı oxu