Hərbi hissələrdə maarifləndirmə tədbirləri keçirilib

Press-relizlər / 13.03.2019 / 10:04

12-13 mart tarixlərində Azərbaycan Respublikasının Müdafiə Nazirliyi və Dini Qurumlarla İş üzrə Dövlət Komitəsi (DQİDK) tərəfindən birgə imzalanan Tədbirlər Planına əsasən Beyləqan rayonunda yerləşən hərbi hissələrdə “Vətənpərvərlik dini radikalizmə qarşı mübarizədə güclü vasitədir” mövzusunda  maarifləndirmə  tədbirləri keçirilib.

Tədbirlərdə Dini Qurumlarla İş üzrə Dövlət Komitəsinin İmişli bölgəsi üzrə şöbəsinin əməkdaşları Bəhrəm  Ədalət oğlu, Elvin İbrahimov, hərbi hissə komandirlərinin şəxsi heyət üzrə müavinləri kapitan Elman Ağayev, mayor Valeh  Mustafayev, Beyləqan rayonu Qarallar kənd məscidi dini icmasının sədri Səbuhi  İbadov,  hərbi qulluqçular və şəxsi heyət iştirak ediblər.

Hərbi hissə komandirlərinin şəxsi heyət üzrə müavinləri Elman Ağayev və Valeh Mustafayev Müdafiə Nazirliyinin rəhbərliyinin Silahlı Qüvvələrin şəxsi heyətinin milli-mənəvi dəyərlər əsasında tərbiyəsinə xüsusi önəm verdiyini və bu istiqamətdə məqsədyönlü iş aparıldığını bildiriblər. Qeyd ediblər ki, ölkəmizdə ictimai-siyasi sabitlik və dünyaya örnək ola biləcək tolerantlıq mühiti mövcuddur və tolerantlıq milli mənsubiyyətindən, dinindən asılı olmayaraq hər bir azərbaycanlının həyat tərzinə çevrilib.  

DQİDK-nın İmişli bölgəsi üzrə şöbəsinin əməkdaşı Bəhrəm Ədalət oğlu çıxış edərək, radikal dini cərəyanların yaranmasından, dini mövhumat və xurafatdan, radikal cərəyanların təbliğat metodlarından danışıb. O, dini radikalizmi yaymağa çalışanlara qarşı əks-təbliğatın və tədbirlərin aparılması üsullarını geniş izah edib, dini radikalizmin törətdiyi fəsadlardan, dinin siyasiləşdirilməsinə yönəlmiş cəhdlərdən bəhs edib.

Beyləqan rayonu Qarallar kənd məscidi dini icmasının sədri Səbuhi İbadov İslam dinində şəhidlik, Vətən anlayışı, dinimizin Vətən uğrunda mübarizəyə verdiyi dəyər barədə iştirakçılara ətraflı məlumat verib.

Daha sonra Dövlət Komitəsinin sifarişi əsasında çəkilmiş “Fitnə” sənədli filmi nümayiş etdirilib və iştirakçılara Dövlət Komitəsi tərəfindən nəşr edilən dini ədəbiyyatlar paylanılıb.

 


Son baxılan xəbərlər

Dövlət Komitəsinin sədri Argentinanın ölkəmizə yeni təyin olunmuş fövqəladə və səlahiyyətli səfiri ilə görüşüb

Xəbərlər
03.06.2019 / 14:30
Ətraflı oxu

Prezident İlham Əliyev Təzəpir məscidinin ətrafında görülən abadlıq-quruculuq işlərinin icra vəziyyəti ilə tanış olub

Xəbərlər
15.11.2018 / 12:12
Ətraflı oxu

Dövlət Komitəsinin sədr müavini: "Fanatizm və radikalizmə məruz qalanlarla iş aparılacaq"

Müsahibələr
23.01.2018 / 15:22
Ətraflı oxu

Salyanda "Dini icmalar və gənclər: dini radikalizmlə mübarizə və birgə fəaliyyətin təşkili” mövzusunda tədbir ...

Press-relizlər
12.11.2018 / 17:55
Ətraflı oxu

Mübariz Qurbanlı: Hakimiyyətlə xalq birliyinin mövcud olması koronavirusa qarşı mübarizədə böyük əhəmiyyət daşıyır

Müsahibələr
21.04.2020 / 11:34
Ətraflı oxu

“Müasir cəmiyyət və din” mövzusunda konfrans keçirilib

Press-relizlər
28.06.2019 / 09:14
Ətraflı oxu