Göyçayda gənclərlə maarifləndirici görüş keçirilib

Press-relizlər / 28.02.2019 / 15:20

Fevralın 28-də Göyçay Rayon İcra Hakimiyyəti (RİH), Rayon Polis Şöbəsi (PŞ) və Dini Qurumlarla İş üzrə Dövlət Komitəsinin (DQİDK) Ucar bölgəsi üzrə şöbəsinin birgə təşkilatçılığı ilə “Dini radikalizmə, zərərli vərdişlərə, erkən nikaha yox deyirik" mövzusunda gənclərlə maarifləndirici görüş keçirilib.

Göyçay Dövlət İdarəetmə və Texnologiya Kollecində keçirilən tədbirdə RİH başçısının müavini Zivər Zeynalova, Rayon Polis Şöbəsinin rəisi, polkovnik Sənan Əsədov, DQİDK-nın Ucar bölgəsi üzrə şöbəsinin müdiri Əzim Rəfiyev, Rayon Təhsil Şöbəsinin əməkdaşı Elman Vəliyev, Kollecin direktoru İrşad Abbasov, rayon prokurorunun böyük köməkçisi Murad Əliyev, müəllimlər, tələbələr və başqaları iştirak ediblər.

Tədbirdə bəşəriyyətin ən böyük bəlalarından olan narkomaniyanın, psixotrop maddələrin və digər zərərli vərdişlərin fəsadlarından, gənc nəslin sağlamlığı üçün yaratdığı təhlükədən, genofondumuza vura biləcəyi zərərdən və onunla mübarizə yollarından, zərərli vərdişlərdən gəncləri çəkindirmək üçün  görülən tədbirlərdən geniş söhbət açılıb. Çıxışlarda bildirilib ki, narkomaniyaya qarşı cəmiyyətin bütün üzvləri mübarizə aparmalı, yeniyetmə və gənclər arasında maarifləndirmə tədbirləri mütəmadi xarakter almalıdır.

Eyni zamanda tədbirdə dini radikalizm və ekstremizmin fəsadlarından, xurafat və cəhalət carçılarına qarşı mübarizə metodlarından, gənc nəslin ənənəvi dini və milli dəyərlərimiz haqqında doğru və sağlam mənbələrə əsaslanan biliklərlə təmin olunması istiqamətində həyata keçirilən dini maarifləndirmə tədbirlərinin vacibliyindən danışılıb.

Sonda tədbir iştirakçılarını maraqlandıran suallar cavablandırılıb. 

 


Son baxılan xəbərlər

Prezident İlham Əliyev Yeni Azərbaycan Partiyasının yeni inzibati binasının açılışında iştirak edib

Press-relizlər
18.05.2018 / 11:53
Ətraflı oxu

Dini radikalizmə qarşı mübarizəyə həsr edilmiş maarifləndirmə tədbiri keçirilib

Press-relizlər
08.04.2019 / 11:24
Ətraflı oxu

İslam Əməkdaşlıq Təşkilatının Baş katibi: “Azərbaycan dünyada sülhün və İslam həmrəyliyinin möhkəmləndirilməsi işinə töhfə ...

İSLAM HƏMRƏYLİYİ İLİ
28.08.2019 / 14:53
Ətraflı oxu

Xırdalanda Aprel döyüşlərinə həsr edilmiş tədbir keçirilib

Press-relizlər
23.04.2018 / 14:45
Ətraflı oxu

Dövlət Komitəsinin sədri Mübariz Qurbanlı: "Azərbaycanda tolerantlıq mühitinin qorunması Berlində keçirilən beynəlxalq konfransda da ...

Açıqlama
26.11.2018 / 17:59
Ətraflı oxu

Zaqatalada dini radikalizmlə mübarizədə təhsilin rolu müzakirə edilib

Press-relizlər
14.02.2017 / 16:17
Ətraflı oxu