Ucarda “Xocalı soyqırımı qan yaddaşımızdır” mövzusunda tədbir keçirilib

Xəbərlər / 22.02.2019 / 16:04

Fevralın 22-də Dini Qurumlarla İş üzrə Dövlət Komitəsinin (DQİDK) Ucar bölgəsi üzrə şöbəsi, Ucar rayonu Çiyni kənd “Hacı Ağamirzə” məscidi dini icması və “Gələcək” İntellektual İnkişafa Yardım İctimai Birliyinin birgə təşkilatçılığı ilə Xocalı faciəsinin 27-ci ildönümü ilə əlaqədar “Xocalı soyqırımı qan yaddaşımızdır” mövzusunda tədbir keçirilib.

Ucar rayonu Çiyni kənd “Hacı Ağamirzə” məscidində keçirilən tədbirdə DQİDK-nın Ucar bölgəsi üzrə şöbəsinin müdiri Əzim Rəfiyev, Ucar Rayon İcra Hakimiyyəti (RİH) başçısının Çiyni-Qaradağlı kənd İnzibati Ərazi dairəsi üzrə nümayəndəliyinin əməkdaşı Yusif Məmmədov, Gələcək” İntellektual İnkişafa Yardım İB-nin sədri Kazım Məmmədov, Ucar rayonu Çiyni kənd “Hacı Ağamirzə” məscidi dini icmasının sədri Zaur Eyvazov, Ucar şəhər “Cami” məscidi dini icmasının sədri Ceyhun Əliyev, din xadimləri və dindarlar iştirak ediblər.

Tədbir   iştirakçıları   əvvəlcə Xocalı soyqırımı zamanı qətlə yetirilmiş həmvətənlərimizin və Vətən uğrunda canlarını fəda etmiş bütün şəhidlərimizin əziz  xatirəsini bir dəqiqəlik sükutla yad ediblər.

Çıxış edən natiqlər qeyd ediblər ki, bu gün Azərbaycan dövlətinin haqqın və tarixi ədalətin bərpası yönündə apardığı məqsədyönlü siyasət, dünya azərbaycanlılarının və ictimai təşkilatların dəstəyi ilə həyata keçirilən tədbirlər, o cümlədən “Xocalıya ədalət” kampaniyası Azərbaycan həqiqətlərinin beynəlxalq səviyyədə yayılmasında önəmli rol oynayır.

Daha sonra çıxış edən din xadimləri bu soyqırımının həm xalqımıza, həm də bütün müsəlmanlara qarşı törədilən faciə olduğunu, Azərbaycan həqiqətlərinin təbliğində din xadimlərinin üzərinə mühüm vəzifə düşdüyünü vurğulayıblar.

 


Son baxılan xəbərlər

Astarada “Dini və ideoloji təhlükəsizlik” mövzusunda regional seminar-müşavirə keçirilib

Press-relizlər
20.08.2019 / 16:17
Ətraflı oxu

Zaqatalada Xocalı soyqırımına həsr edilmiş anım mərasimi keçirilib

Press-relizlər
27.02.2019 / 10:20
Ətraflı oxu

Sabirabadda "Sülh aylığı" çərçivəsində tədbir keçirilib

Press-relizlər
02.09.2019 / 14:11
Ətraflı oxu

“Peşə marağı milli təhlükəsizlik marağından önə keçməməlidir”

Açıqlama
28.12.2017 / 16:27
Ətraflı oxu

Birinci vitse-prezident Mehriban Əliyeva Şamaxı Cümə məscidini ziyarət edib

Press-relizlər
16.09.2019 / 09:01
Ətraflı oxu

Siyəzəndə “Şəhadət” sənədli filmi nümayiş etdirilib

Press-relizlər
16.01.2018 / 17:16
Ətraflı oxu