Yevlaxda Xocalı faciəsinin qurbanları anılıb

Press-relizlər / 20.02.2019 / 16:07

Fevralın 20-də Dini Qurumlarla İş üzrə Dövlət Komitəsinin (DQİDK) Yevlax bölgəsi üzrə şöbəsi və Yevlax şəhər “Cümə” məscidi dini icmasının təşkilatçılığı ilə 26 Fevral Xocalı faciəsinin 27-ci ildönümü ilə əlaqədar “Xocalı soyqırımı XX əsrin faciəsidir” mövzusunda tədbir keçirilib.

Tədbirdə DQİDK-nın Yevlax bölgəsi üzrə şöbəsinin müdiri Natiq Əfəndiyev, həmin şöbənin aparıcı məsləhətçisi Fərid Vaqifli, dini icma sədrləri, din xadimləri, dindarlar iştirak ediblər. 

Tədbiri giriş sözü ilə açan DQİDK-nın Yevlax bölgəsi üzrə şöbəsinin müdiri Natiq Əfəndiyev tarix boyu xalqımızın başına gətirilən müsibətlərdən danışaraq, Xocalı faciəsinin xalqımıza qarşı törədilən qanlı bir faciə olduğunu qeyd edib. Natiq Əfəndiyev Ümummilli Lider Heydər Əliyevin  yenidən ölkə rəhbərliyinə qayıdışından sonra  Xocalı faciəsinə  yüksək hüquqi qiymət verildiyini vurğulayıb. Bu gün ölkə rəhbərliyi tərəfindən şəhid ailələrinə, Qarabağ əlillərinə göstərilən dövlət qayğısından danışıb.

DQİDK-nın Yevlax bölgəsi üzrə şöbəsinin əməkdaşı Fərid Vaqifli tarix boyu azərbaycanlılara qarşı törədilən soyqırımları, xalqımızın zor gücünə öz doğma torpaqlarından qovulduğunu, tarixi və əzəli Azərbaycan torpaqlarına ermənilərin köçürüldüyünü diqqətə çatdırıb. Xocalı faciəsi zamanı 600-dən çox günahsız insanın şəhid olduğunu, çoxlu sayda insanların əsir və itkin düşdüyünü bildirərək, Xocalı faciəsinin azərbaycanlılara qarşı törədilmiş bir cinayət olduğunu qeyd edib.

Tədbirdə çıxış edən Yevlax şəhər “Cümə”  məscidinin imamı Namiq Əliyev Xocalı faciəsi qurbanlarının əziz xatirəsinin xalqımız tərəfindən hər zaman yüksək tutulduğunu qeyd edərək, ölkə rəhbərliyinin hər zaman qaçqın və məcburi köçkünlərə göstərdiyi diqqət və qayğıdan danışıb.


Son baxılan xəbərlər

Mehriban xanım Əliyevanın Azərbaycan Respublikasının Birinci vitse-prezidenti təyin edilməsi xalqımız tərəfindən yüksək qiymətləndirilir

Açıqlama
23.02.2017 / 15:04
Ətraflı oxu

Sumqayıtda “Aşura mərasimləri: ənənəvilik və müasirlik” mövzusunda seminar-müşavirə keçirilib

Press-relizlər
04.09.2019 / 16:14
Ətraflı oxu

Səyyad Salahlı: "Dini radikalizmi doğuran əsas səbəblərdən biri İslam haqqında biliklərin az olmasıdır"

Xəbərlər
13.11.2018 / 17:55
Ətraflı oxu

Balakəndə “Dini radikalizm milli-mənəvi dəyərlərə təhlükə mənbəyi kimi” mövzusunda tədbir keçirilib

Press-relizlər
11.07.2019 / 17:27
Ətraflı oxu

Lənkəranda “Uşaqları dini fanatizm və radikalizm təhlükəsindən qoruyaq!” adlı tədbir keçirilib

Press-relizlər
25.10.2018 / 17:09
Ətraflı oxu

Aprel şəhidləri qürur mənbəyimizdir

Press-relizlər
13.04.2018 / 16:48
Ətraflı oxu