Bərdədə 2018-ci ilin yekunları və qarşıda duran vəzifələrə həsr edilmiş tədbir keçirilib

Press-relizlər / 31.01.2019 / 15:22

Yanvarın 31-də  Dini Qurumlarla İş üzrə Dövlət Komitəsinin (DQİDK) Yevlax bölgəsi üzrə şöbəsinin və Bərdə Rayon İcra Hakimiyyətinin birgə təşkilatçılığı ilə “Dini icmaların 2018-ci il üçün yekun hesabatı və cari il üçün görüləcək işlər” mövzusunda tədbir keçirilib.

Tədbirdə DQİDK-nın Yevlax bölgəsi üzrə şöbəsinin müdiri Natiq Əfəndiyev, həmin şöbənin baş məsləhətçisi Sərdar Məmmədov, Bərdə Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin baş məsləhətçisi Asif Abbasov, Qafqaz Müsəlmanları İdarəsinin (QMİ) səlahiyyətli nümayəndəsi Ramazan Hüseynov, Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin əməkdaşı Sevinc Məmmədova, eləcədə dini icma sədrləri, din xadimləri, dindarlar iştirak ediblər.

Tədbiri giriş sözü ilə açan DQİDK-nın Yevlax bölgəsi üzrə şöbəsinin müdiri Natiq Əfəndiyev Azərbaycan dövlətinin qurucusu Ümummili Lider Heydər Əliyevin müdrik və uzaqgörən siyasəti nəticəsində ölkəmizdə dövlət-din münasibətlərinin beynəlxalq hüquq normalarına uyğun olaraq tənzimlənməsi, eləcə də, dini icmalar arasında tolerantlıq mühitinin qorunub saxlanması üçün hüquqi bazanın yaradılmasından söz açıb. Bununla yanaşı, Natiq Əfəndiyev Azərbaycanda dövlət-din münasibətləri modelinin zamanın tələblərinə uyğun olaraq, Ulu Öndər Heydər Əliyev siyasi kursunun layiqli davamçısı, Prezident cənab İlham Əliyev tərəfindən daha da inkişaf etdirildiyini vurğulayıb. Natiq ölkəmizdə kilsə, sinaqoq və məscidlərin azad, sərbəst, təhlükəsiz, qarşılıqlı hörmət əsasında, tolerantlıq şəraitində fəaliyyət göstərdiyini qeyd edərək, belə bir mühitin dövlətin apardığı düzgün siyasət və xalqın unikal daxili birgəyaşayış mədəniyyətini həyat tərzinə çevirməsi nəticəsində mümkün  olduğunu vurğulayıb.

Daha sonra çıxış edən QMİ-nin səlahiyyətli nümayəndəsi Ramazan Hüseynov cəmiyyət arasında düzgün dini maarifləndirmənin aparılmasında, İslam dininin olduğu kimi çatdırılmasında din xadimlərinin üzərinə böyük məsuliyyət düşdüyünü nəzərə çatdıraraq, ölkəmizdə müxtəlif dinlərə  mənsub olan şəxslərin qarşılıqlı hörmət və dözümlülük ruhunda dini ayin və ibadətlərini yerinə yetirdiyini və ölkəmizin tolerant ölkə kimi tanınmasında bu amilin əsas rol oynadığını bildirib.

Bərdə Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin baş məsləhətçisi Asif Abbasov ölkəmizdə irqindən, etnik mənsubiyyətindən, dilindən və dinindən aslı olmayaraq hər kəsin hüquq və azadlıqlarının bərabərliyinə dövlət tərəfindən təminat verildiyini qeyd edib.                                                                                        

Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin əməkdaşı Sevinc Məmmədova dövlət tərəfindən maddi və mənəvi irsin qorunması üçün böyük işlərin görüldüyünü diqqətə çatdırıb.

Sonda iştirakçıların təklifləri dinlənilib, onları maraqlandıran suallar cavablandırılıb.


Son baxılan xəbərlər

Sabunçu rayonunda “Dini ekstremizm: onun səbəbləri və aradan qaldırılması üsulları” layihəsi çərçivəsində maarifləndirici tədbir ...

Press-relizlər
09.02.2017 / 16:59
Ətraflı oxu

Dini radikalizim İslam həmrəyliyinə maneədir

Press-relizlər
08.12.2017 / 09:51
Ətraflı oxu

Dövlət Komitəsində birgə qrant müsabiqəsinə dair məlumatlandırma sessiyası təşkil olunub

Xəbərlər
29.11.2019 / 17:08
Ətraflı oxu

UNESCO-da “Müasir cəmiyyətlərdə multikulturalizmin rolu: uğurlu Azərbaycan modeli” mövzusunda konfrans keçirilib

Multikulturalizm
14.12.2016 / 10:05
Ətraflı oxu

Mübariz Qurbanlı: “Kimlərinsə məscidin minbərinə çıxaraq radikal dini çağırışlar etməsi qeyri-mümkündür”

Press-relizlər
28.03.2016 / 14:52
Ətraflı oxu

Cəzaçəkmə müəssisələrdə dini maarifləndirmə tədbirləri davam etdirilir

Press-relizlər
22.01.2016 / 12:33
Ətraflı oxu