Balakəndə “Dini radikalizmə qarşı mübarizədə qadınların yeri və rolu” mövzusunda regional konfrans öz işini davam etdirib

Xəbərlər / 07.12.2018 / 16:44

Dini Qurumlarla İş üzrə Dövlət Komitəsi (DQİDK) və Balakən Rayon İcra Hakimiyyətinin (RİH) birgə təşkilatçılığı ilə "Dini radikalizmə qarşı mübarizədə qadınların yeri və rolu” adlı ikigünlük regional konfrans dekabrın 7-də öz işini davam etdirib. 

Konfransı giriş sözü ilə açan  Balakən RİH başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Fariz Nəcəfov mövzunun aktuallığından danışıb.  Cəmiyyətdə dini radikalizmə qarşı mübarizənin əhəmiyyətini qeyd edən natiq bildirib ki, dini radikalizmin geniş yayıldığı cəmiyyətlərdə xaos yaranır. Bu fəsadlar cəmiyyətin bütün sahələrində inkişafa mane olur. Ölkəmizin nümunəvi dövlət-din münasibətlərindən danışan F.Nəcəfov dini maarifləndirmə işinin davam etdirilməsinin zəruriliyini vurğulayıb. Qeyd edib ki, cəmiyyətimizin bütün sahələrində yüksək səviyyədə təmsil olunan qadınlar dini maarifləndirmə işinə də öz dəyərli töhfələrini verir.

Konfransda ölkəmizdəki tolerantlıq və həmrəylik mühiti haqqında danışan Dövlət Komitəsinin Təhlil və proqnozlaşdırma şöbəsinin müdiri Elnarə Kərimova vurğulayıb ki, ölkəmizdə dövlət-din münasibətlərinin tənzimlənməsi, dini sahədə sabitliyə nail olunması, konfessiyalar arasında dözümlülük mühitinin dövlət səviyyəsində qorunub saxlanılması daim diqqət mərkəzindədir. Şöbə müdirinin sözlərinə görə, müxtəlif dinlərin yayıldığı Azərbaycanda bütün tarixi dövrlərdə etnik və dini icmalar arasında möhkəm dözümlülük əlaqələri formalaşıb, milli, irqi və dini zəmində heç bir ayrıseçkilik faktı qeydə alınmayıb. E.Kərimova bu dəyərlərin qorunmasında və gələcək nəsillərə çatdırılmasında cəmiyyətin bütün təbəqələrinin üzərinə mühüm vəzifə düşdüyünü diqqətə çatdırıb.

Çıxışında, eyni zamanda dini radikalizmin yayılma metodologiyası, cəlbetmə üsullarından danışan şöbə müdiri dini radikalların insanları cəlbetmə üsulları haqqında ətraflı məlumat verib. Dini radikalizmlə mübarizədə cəmiyyətin bütün təbəqələrinin iştirakının vacibliyinə toxunub.

Dövlət Komitəsinin İctimaiyyətlə əlaqələr şöbəsinin müdiri Yaqut Əliyeva dini radikalizmin ən geniş yayılmış təbliğat platformasının sosial şəbəkələr olduğunu bildirib. Vurğulayıb ki, dini radikal qruplar bütün vasitələrdən istifadə edərək öz zərərli fikirlərini yaymaq, cəmiyyətdə insanlar arasında dini və məzhəb ayrı-seçkiliyi yaratmağa cəhd edirlər. Yaqut Əliyeva sosial şəbəkələrdə məzhəblərarası və konfessiyalararası münasibətlərə ciddi zərbə vuracaq təhrikedici materialların sayının gündən-günə artdığını qeyd edib. Şöbə müdiri deyib ki, bu risklərdən qorunmaq üçün məktəblilərin, yeniyetmələrin sosial şəbəkələrdən istifadəsinə ciddi nəzarət edilməlidir.

DQİDK-nın Zaqatala bölgəsi üzrə şöbəsinin müdiri İlqar Vəliyev isə dini radikalizmə qarşı mübarizədə maarifləndirmə işinin mənəvi və psixoloji əhəmiyyətindən danışıb. Qadınların dini radikalizmə qarşı mübarizədə müstəsna xidməti olduğunu bildirən şöbə müdiri gənc nəslin Vətənə sevgi, milli-mənəvi dəyərlərə sədaqət ruhunda tərbiyə olunmasında onların çox böyük rolu olduğunu qeyd edib.

DQİDK-nın əməkdaşı Aysel Abdullayeva cəmiyyətimiz üçün ciddi təhdid olan xurafata zəmin yaradan amillər və onun səbəb olduğu fəsadlar barədə çıxış edib. Xurafatla mübarizədə təhsilin əsas vasitə olduğunu bildirən A.Abdullayeva bu istiqamətdə dini maarifləndirmə işinin önəmini vurğulayıb.

Konfrans müzakirələrlə öz işini yekunlaşdırıb.


Son baxılan xəbərlər

Qusarda “Dini maarifləndirmə işinin təşkili: gerçəkliklər və perspektivlər” mövzusunda keçirilən ikigünlük seminar-treninq öz işinə ...

Press-relizlər
06.12.2018 / 14:50
Ətraflı oxu

Ağsuda “Dini radikalizmin mahiyyəti, yaranma səbəbləri və ona qarşı mübarizənin hüquqi əsasları” mövzusunda regional ...

Press-relizlər
18.10.2018 / 15:39
Ətraflı oxu

Kürdəmirdə “Dini radikalizm və onun fəsadları” mövzusunda maarifləndirici tədbir keçirilib

Press-relizlər
06.12.2018 / 10:25
Ətraflı oxu

Səyyad Salahlı: "Gənclərə milli-mənəvi dəyərlərimizin aşılanması xüsusi əhəmiyyət kəsb edir"

Xəbərlər
07.12.2018 / 15:11
Ətraflı oxu

Azərbaycan İlahiyyat İnstitutunun kollektivi Dövlət Bayrağı Günü münasibətilə Cocuq Mərcanlıya səfər edib

Press-relizlər
12.11.2018 / 10:20
Ətraflı oxu

Dövlət Komitəsinin şöbə müdiri: “Dini maarifləndirmə işi sistemli şəkildə həyata keçirilməkdədir”

Açıqlama
24.07.2018 / 09:59
Ətraflı oxu