Şirvanda ikigünlük seminar-müşavirə keçirilir

Press-relizlər / 06.12.2018 / 16:44

Dekabrın 6-da Dini Qurumlarla İş üzrə Dövlət Komitəsi (DQİDK) və Şirvan Şəhər İcra Hakimiyyətinin (RİH) birgə təşkilatçılığı ilə “Dini icmalar və gənclər: dini radikalizmlə mübarizə və birgə fəaliyyətin təşkili” mövzusunda keçirilən ikigünlük seminar-müşavirə öz işinə başlayıb.

Hüquq mühafizə orqanlarının rəhbərləri, dini icma sədrləri, din xadimləri və digər ictimaiyyət nümayəndələrinin iştirak etdiyi seminar-müşavirəni açan Şirvan Şəhər İcra Hakimiyyəti başçısı Aparatının İctimai-siyasi və humanitar məsələlər şöbəsinin müdir müavini – dini qurumlarla işin təşkilatçısı Adəm Hüseynov bildirib ki, Ümummilli Lider Heydər Əliyevin respublikamızda dövlət-din münasibətlərinin, eləcə də milli-mənəvi dəyərlərin qorunub saxlanılmasında əvəzsiz xidmətləri olub. Natiq onu da qeyd edib ki, Ulu Öndərin əsasını qoyduğu bu siyasət bu gün möhtərəm Prezidentimiz cənab İlham Əliyev tərəfindən layiqincə davam etdirilir. A.Hüseynov, eyni zamanda Şirvan şəhərindəki dini durum və dini icmaların fəaliyyəti barədə də ətraflı məlumat verib.

Daha sonra çıxış edən Dövlət Komitəsi sədrinin birinci müavini Səyyad Salahlı ölkəmizdəki dövlət-din münasibətlərindən danışıb. O qeyd edib ki, dövlət tərəfindən dindarlara, o cümlədən İslam və qeyri-İslam təmayüllü dini icmalara diqqət və qayğı göstərilir. S.Salahlı Ümummilli Lider Heydər Əliyevin Azərbaycanda siyasi hakimiyyətə qayıdışından sonra bütün sahələrdə olduğu kimi dövlət-din münasibətlərində də müstəqilliyimizə, milli-mənəvi dəyərlərimizə, dinimizə uyğun qaydaların təsbit olunduğunu vurğulayıb. Azərbaycanın tolerantlığı, multikultural ənənələrə sadiqliyi ilə bütün dünyaya örnək olduğunu diqqətə çatdıran DQİDK sədrinin birinci müavini onu da deyib ki, respublikamızda məscidlər, kilsələr, sinaqoqlar tikilib və bərpa olunur, mütəmadi olaraq müsəlman və qeyri-müsəlman dini icmalarına maliyyə yardımı göstərilir, dini bayramlar yüksək səviyyədə qeyd olunur.

Cəmiyyətimizi dini radikalizmdən, xurafatdan, mövhumatdan uzaq, saf dini biliklərlə maarifləndirməyin önəminə toxunan Səyyad Salahlı din xadimlərini, icma sədrlərini tarixi irsimizin mühüm hissəsi olan dinimizin, milli mənəvi dəyərlərimizin ictimaiyyətə düzgün çatdırılması işində fəal olmağa çağırıb.

Qafqaz Müsəlmanları İdarəsinin səlahiyyətli nümayəndəsi Əvəz Mehrəliyev bildirib ki, Şirvanda fəaliyyət göstərən din xadimləri və dini icmalar hər zaman xalqımızın milli mənəvi dəyərlərinə yad olan dini ideologiyaların ölkəmizə ayaq açmasının qarşısının alınmasında fəal iştirak ediblər və bundan sonra da dini radikalizm və xurafatçılıqla mübarizədə fəal olacaqlar.

Seminar-müşavirənin birinci günü iştirakçıları maraqlandıran sualların cavablandırılması ilə yekunlaşıb.

 

Son baxılan xəbərlər

Mübariz Qurbanlı: Ermənilərin təmir bəhanəsi ilə “Yuxarı Gövhər ağa” məscidinə zərər vurması onların özününkiləşdirmə ...

Müsahibələr
07.10.2019 / 17:36
Ətraflı oxu

“Milli kimliyin formalaşmasında dini dəyərlərin rolu” mövzusunda tədbir keçirilib

Press-relizlər
28.07.2017 / 16:00
Ətraflı oxu

Prezident İlham Əliyev Beynəlxalq Şahmat Federasiyasının prezidentinin rəhbərlik etdiyi nümayəndə heyətini qəbul edib

Xəbərlər
10.12.2018 / 13:07
Ətraflı oxu

“Uşaq hüquqları aylığı” çərçivəsində Balakən və Siyəzəndə tədbirlər keçirilib

Press-relizlər
01.11.2018 / 15:53
Ətraflı oxu

Prezident İlham Əliyev: Bu gün Azərbaycan dünyada multikulturalizmin mərkəzi kimi artıq özünü təsdiqləyib

Xəbərlər
07.06.2018 / 11:29
Ətraflı oxu

Mingəçevirdə “Dini maarifçiliyin təşkilində qadınların yeri və rolu” mövzusu müzakirə edilib

Press-relizlər
12.06.2019 / 09:33
Ətraflı oxu