“Narkomaniya və digər zərərli vərdişlərə qarşı mübarizə” mövzusunda tədbir baş tutub

Xəbərlər / 06.12.2018 / 10:06

Dekabrın 5-də Dini Qurumlarla İş üzrə Dövlət Komitəsinin Ağcabədi bölgəsi üzrə şöbəsi və Füzuli Rayon İcra Hakimiyyətinin birgə təşkilatçılığı ilə Füzuli rayonu Horadiz şəhər 3 saylı tam orta məktəbdə “Narkomaniya və digər zərərli vərdişlərə qarşı mübarizə” mövzusunda tədbir keçirilib.

Tədbirdə Füzuli Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Qabil Əliyev, Dini Qurumlarla İş üzrə Dövlət Komitəsinin Ağcabədi bölgəsi üzrə şöbəsinin əməkdaşı Mehtixan Zeynalov, Füzuli rayon polis Şöbəsinin əməkdaşı Zakir Məhəmmədov, Horadiz şəhər 3 saylı tam orta məktəbin direktor müavini Kənan Quliyev, məktəb müəllimləri və yuxarı sinif şagirdləri iştirak ediblər.

Tədbiri giriş sözü ilə açan Füzuli Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Qabil Əliyev  bəşəriyyət üçün ən böyük bəlalardan olan narkomaniya və zərərli vərdişlərin törətdiyi fəsadlara qarşı mübarizənin yollarından bəhs edib. Qabil Əliyev qeyd edib ki, narkomaniya əleyhinə aparılan tədbirlər hər zaman ölkə rəhbərliyinin diqqət mərkəzində olub, onların gücləndirilməsi istiqamətində bir sıra işlər görülüb.

Dini Qurumlarla İş üzrə Dövlət Komitəsinin Ağcabədi bölgəsi üzrə şöbəsinin əməkdaşı Mehtixan Zeynalov “Narkomaniya və zərərli vərdişlərə qarşı mübarizə” mövzusunda məruzə edib. O bildirib ki, zərərli vərdişlərə qarşı mübarizə istiqamətində görülən işlər qanunvericiliyə uyğun şəkildə icra olunur. Bu baxımdan Azərbaycan Respublikası Narkomanlığa və Narkotik Vasitələrin Qanunsuz dövriyyəsinə Qarşı Mübarizə üzrə Dövlət Komissiyasının fəaliyyəti xüsusi qeyd olunmalıdır.

Mövzu ilə bağlı Füzuli rayon polis Şöbəsinin əməkdaşı Zakir Məhəmmədov və  Füzuli rayonu Horadiz şəhər 3 saylı tam orta məktəbin direktor müavini Kənan Quliyev çıxış edərək gənclərin bu istiqamətdə maarifləndirilməsinin vacibliyini vurğulyıblar.

Sonda tədbir iştirakçılarını maraqlandıran suallar cavablandırılıb.


Son baxılan xəbərlər

Dini Qurumlarla İş üzrə Dövlət Komitəsində bu ilin 6 ayının yekunlarına həsr olunan kollegiya ...

Press-relizlər
18.07.2018 / 18:39
Ətraflı oxu

Dövlət Komitəsinin sədri: "Gəncədəki hadisələr terror aktı, bunu törədənlər isə din adı altında gizlənmiş ...

Press-relizlər
16.07.2018 / 17:52
Ətraflı oxu

“İnsan Hüquqları Aylığı” çərçivəsində tədbirlər davam edir

Press-relizlər
05.06.2018 / 18:00
Ətraflı oxu

“Dini mərasimlər: ənənəvilik və müasirlik” mövzusunda seminar-müşavirə keçirilib

Press-relizlər
12.09.2018 / 11:38
Ətraflı oxu

Bakıda "Dini qurumlar və müasir informasiya texnologiyalarından istifadə" mövzusunda konfrans keçirilib

Xəbərlər
18.07.2019 / 16:50
Ətraflı oxu

Qusar rayonunda “Hər bir uşağın qayğısına qalaq” devizi ilə uşaq hüquqları aylığı münasibətilə tədbir ...

Press-relizlər
28.10.2016 / 17:46
Ətraflı oxu