Kürdəmirdə “Dini radikalizm və onun fəsadları” mövzusunda maarifləndirici tədbir keçirilib

Press-relizlər / 06.12.2018 / 10:25

Dekabrın 5-də Dini Qurumlarla İş üzrə Dövlət Komitəsinin Ucar bölgəsi üzrə şöbəsi və Kürdəmir rayon Polis şöbəsinin birgə təşkilatçılığı ilə Cabbar Əsgərov adına Sığırlı kənd tam orta məktəbində “Dini radikalizm və onun fəsadları” mövzusunda maarifləndirici tədbir keçirilib.

Tədbirdə DQİDK-nın Ucar bölgəsi üzrə şöbəsinin əməkdaşı Samir Əhmədov, Kürdəmir rayon Polis şöbəsinin əməkdaşı Asif Əhmədov, Sığırlı kənd “Fatimeyi-Zəhra” məscidinin mütəvəllisi Seymur Qaybalıyev, C.Əsgərov adına Sığırlı kənd tam orta məktəbinin direktoru Bəycan Mürşüdov, məktəbin müəllim kollektivi və yuxarı sinif şagirdləri iştirak ediblər.

Tədbiri giriş sözü ilə açan məktəbin direktoru Bəycan Mürşüdov dini radikalizmə qarşı maarifləndirmə tədbirlərinin məktəblərdə keçirilməsinin yeniyetmələrin maariflənməsi, milli-mənəvi dəyərlərin, ölkədə mövcud sabit mühitin qorunması və təbliği, dini radikalizm meyillərinin qarşısının alınması baxımından mühüm əhəmiyyət kəsb etdiyini bildirib.

Tədbirdə çıxış edən Kürdəmir rayon Polis şöbəsinin əməkdaşı Asif Əhmədov beynəlxalq terrorizmin bir qolu kimi dini radikalizmə qarşı mübarizənin qanunvericilik əsaslarını şərh edib.

DQİDK-nın Ucar bölgəsi üzrə şöbəsinin əməkdaşı Samir Əhmədov mövzu ilə bağlı çıxışında dini radikalizmin yaranma səbəblərindən, onun yaratdığı fəsadlardan, ölkəmizdə dini radikalizmə qarşı aparılan mübarizədən danışıb. O, mövzunun aktuallığını qeyd edərək şagirdlərin bu istiqamətdə maariflənməsinin böyük əhəmiyyətə malik olduğunu vurğulayıb.

Sonda tədbir iştirakçılarını maraqlandıran suallar cavablandırılıb.


Son baxılan xəbərlər

Komitə rəsmisi əhaliyə səsləndi: “Kütləvi tədbirlərdən çəkinin”

Xəbərlər
31.08.2020 / 10:24
Ətraflı oxu

Dövlət Komitəsi ilə BMT-nin Sivilizasiyalar Alyansı arasında Fəaliyyət Planı üzərində razılıq əldə olunub ...

Press-relizlər
05.02.2014 / 09:47
Ətraflı oxu

Şeyxülislam Hacı Allahşükür Paşazadə Ramazan bayramı münasibətilə Azərbaycan xalqını təbrik edib

Press-relizlər
11.10.2012 / 22:31
Ətraflı oxu

Dini Qurumlarla İş üzrə Dövlət Komitəsinin sədri Mübariz Qurbanlı Fransada jurnalistlərin öldürülməsi hadisəsinə ...

Açıqlama
08.01.2015 / 15:00
Ətraflı oxu

Sabirabadda maarifləndirmə tədbiri keçirilib

Press-relizlər
01.05.2019 / 15:08
Ətraflı oxu

Xəzər rayonunda “Dini mərasimlər: ənənəvilik və müasirlik” mövzusunda seminar-müşavirə keçirilib

Press-relizlər
17.09.2018 / 10:20
Ətraflı oxu