Mübariz Qurbanlı: “İŞİD-in Azərbaycanda heç bir dayağı, sosial bazası yoxdur və ola da bilməz”

Açıqlama / 10.08.2015 / 14:05

“Bəzi radikal terror təşkilatları Azərbaycanda tərəfdarlar toplamaq istəyirlər, amma bilsinlər ki,  bunun qarşısı qətiyyətlə alınacaq”
“İŞİD qruplaşması Türkiyə üzərindən Naxçıvanla sərhəddə Azərbaycana yaxınlaşması, Azərbaycanda bu təşkilata meyilli radikalların hansısa ayrı-ayrı şəxslərin ətrafında mərkəzləşməsi ilə bağlı yayılan məlumatlar da əsassızdır”. Bunu APA-ya açıqlamasında Dini Qurumlarla İş üzrə Dövlət Komitəsinin sədri Mübariz Qurbanlı bildirib.
M. Qurbanlı qeyd edib ki, təəssüf ki, bəzi mətbuat orqanları bəzi radikal din nümayəndələrini lider kimi təqdim edib, onların bəyanatlarını tirajlayırlar və bununla cəmiyyətdə yanlış təəssürat yaradırlar. İŞİD-in nəinki regionda, dünyanın gündəmində olduğunu xatırladan Komitə sədri deyib ki, Azərbaycanda İŞİD-in hansısa bir dayağı, sosial bazası, məntəqəsi yoxdur və ola da bilməz: “Hansısa xırda radikal qruplaşma burada İŞİD-in tezislərini təkrar edirsə, bu o demək deyil ki, Azərbaycanda bunların hansısa dayağı olsun. Bu qruplaşmaya bağlı, digər qruplaşmaya əsaslanan bəzi radikal təşkilatlar Şimali Qafqazda, həm də Azərbaycanda yayılmaq, tərəfdarlar toplamaq istəyirlər. Cəhdlər var. Amma bilsinlər ki, bu cəhdlərin qarşısı qətiyyətlə alınacaq. Həm hüquq-mühafizə orqanlarımız bununla bağlı yüksək qabaqlayıcı tədbirlər görürlər, həm də maarifləndirici-ideoloji tədbirlərimiz yüksək rol oynayır”.
Komitə sədri vurğulayıb ki, Azərbaycanda müəyyən radikal qüvvələr var: “Amma onlara qarşı digər qurumlarla birgə apardığımız işlər kifayət qədər yaxşı nəticələr verir. Biz məscidlərdə bu qruplaşmaların təbliğat aparmasının qarşısını alırıq və alacağıq. Qafqaz Müsəlmanları İdarəsi ilə birgə bu işi görürük. O ki qaldı hansısa silahlı birləşmələrə adam toplamaq ilə məşğul olanlara, birbaşa terror qruplaşmalarının təbliğatını aparanlara qarşı da müvafiq qurumlar məşğul olurlar, zaman- zaman bu cür şəxslər olarsa cavab verməli olacaqlar”.
    

Son baxılan xəbərlər

Prezident İlham Əliyev İranın rabitə və informasiya texnologiyaları nazirinin başçılıq etdiyi nümayəndə heyətini qəbul ...

Xəbərlər
04.12.2018 / 15:23
Ətraflı oxu

Quba bölgəsinin din xadimləri bəşəriyyətə sülh diləyir

Xəbərlər
25.09.2020 / 17:54
Ətraflı oxu

Prezident İlham Əliyev Vyanada Rusiyanın TASS informasiya agentliyinə müsahibə verib

Xəbərlər
30.03.2019 / 13:21
Ətraflı oxu

Dövlət Komitəsinin əməkdaşının məqaləsi xarici mətbuatda işıqlandırılıb

Xəbərlər
23.09.2020 / 16:18
Ətraflı oxu

Cənab İlham Əliyevin seçkilərdə qələbəsi bütövlükdə Azərbaycan xalqının zəfəridir

Müsahibələr
13.04.2018 / 12:51
Ətraflı oxu

Mübariz Qurbanlı: Dövlət siyasətinin əsas məqsədi vətəndaşların təhlükəsizliyi və sağlamlığının təminidir

Açıqlama
03.04.2020 / 11:05
Ətraflı oxu