Dövlət Komitəsinin sədri: "Azərbaycanın tolerant mühitinin dünya üçün nümunə olduğunu deməyə haqqımız var”

Xəbərlər / 26.10.2018 / 09:35

Azərbaycanda dinlərarası tolerantlığın kökündə ilk növbədə ölkəmizin keçdiyi tarixi yol, Azərbaycan xalqının mentaliteti və dövlətin bu istiqamətdə həyata keçirdiyi siyasət durur.

Bunu Dini Qurumlarla İş üzrə Dövlət Komitəsinin sədri Mübariz Qurbanlı VI Bakı Beynəlxalq Humanitar Forumu çərçivəsində "Azərbaycanda dini tolerantlıq" mövzusunda çıxışı zamanı deyib.

M.Qurbanlı bildirib ki, Azərbaycan xalqının formalaşdığı bu areal müxtəlif dinlərin, mədəniyyətlərin təmas nöqtəsi olub:

“Azərbaycan xalqı Qafqazda sayca üstünlük təşkil edən xalqdır. Eyni zamanda, burada daimi yaşayan xalqdır. Qafqazda zərdüştlük, tanrıçılıq, xristianlıq, yəhudilik təşəkkül tapıb. Birgəyaşayış tarixən formalaşdığına görə zorakı metoda əl atılmadan ölkəmizdə müxtəlif xalqlar bir-birinə alışıblar. Azərbaycan xalqının yaşayış mühiti, alicənablıq, qonaqpərvərlik milli dəyərləri nəsildən-nəslə ötürülüb. Bu gün də Azərbaycan ailəsi nə dini, nə etnik baxımdan öz övladını başqa dinə və xalqa qarşı nifrət ruhunda tərbiyə etmir. Ermənistan ölkəmizə təcavüz edib, ərazimizi işğal edib, lakin bu gün Bakıda erməni kilsəsi var, Azərbaycan xalqı da buna tolerant yanaşır. Tolerantlığın üçüncü şərti dövlət siyasətidir. Azərbaycan Xalq Cümhuriyyətində də bu ənənə var idi, Sovet dövründə kommunist təsiri altında olsaq da, xalqın ənənələri sıradan çıxmamışdı, bu gün dünyəvilik Azərbaycanda dinlər arasında bərabərliyin təsbitidir”.

M.Qurbanlı bildirib ki, əhalinin 96 faizi müsəlman olsa da, Konstitusiyada Azərbaycanın dini mənsubiyyəti yazılmayıb:

“Konstitusiya dinlər arasında fərq qoymur. Dövlətin dini icmalara yardımında bərabərlik müşahidə edilir. Azərbaycanda sinaqoqları da, katolik kilsəsini də dövlət tikir. Prezident İlham Əliyev tolerantlıq siyasətini uğurla davam etdirir. Ona görə ölkəmizdə 843 dini icmanın 31-i qeyri-müsəlman icmasıdır və icmalar arasında həmrəylik var. Azərbaycanın tolerant mühitinin dünya üçün nümunə olduğunu deməyə haqqımız var”.

axar.az

Son baxılan xəbərlər

Xızıda “Uşaqların zərərli vərdişlərdən qorunmasında milli-mənəvi dəyərlərin rolu” mövzusu müzakirə olunub

Press-relizlər
23.10.2018 / 16:02
Ətraflı oxu

Ağstafa rayonunda maarifləndirmə tədbiri keçirilib

Press-relizlər
03.05.2019 / 16:17
Ətraflı oxu

Bərdədə “İslam həmrəyliyi: ortaq dəyərlər əsasında” mövzusunda tədbir baş tutub

Press-relizlər
23.02.2018 / 16:14
Ətraflı oxu

Göytəpə Sərhəd Dəstəsində “Dini ekstremizm - ictimai və mənəvi dəyərlərə təhlükə mənbəyi kimi” mövzusunda ...

Press-relizlər
16.05.2018 / 12:16
Ətraflı oxu

Dövlət Komitəsinin sədri İnsan Hüquqlarının İnkişafı və Qlobal Dialoq üzrə Cenevrə Mərkəzinin icraçı direktoru ...

Press-relizlər
01.05.2019 / 14:47
Ətraflı oxu

Dini Qurumlarla İş üzrə Dövlət Komitəsinin sədri “İslam Həmrəyliyi İli”ndə görüləcək işlərin detallarını açıqlayıb

Müsahibələr
22.02.2017 / 16:35
Ətraflı oxu