Qazaxda “Uşaq hüquqları aylığı” çərçivəsində tədbir keçirilib

Press-relizlər / 23.10.2018 / 09:53

Oktyabrın 23-də Dini Qurumlarla İş üzrə Dövlət Komitəsi (DQİDK) və Qazax Rayon İcra Hakimiyyətinin (RİH) birgə təşkilatçılığı ilə Qazax rayon Ürkməzli  kənd  orta məktəbində “Uşaq hüquqları aylığı” çərçivəsində “Uşaqları dini fanatizm və radikalizm təhlükəsindən qoruyaq” mövzusunda tədbir keçirilib.

Tədbirdə Qazax RİH başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Məhəmməd Orucov, DQİDK-nın Tovuz bölgəsi üzrə şöbəsinin əməkdaşı Cüyhun Rüstəmov, Qazax rayon Prokurorluğunun əməkdaşı Qasım Ağayev, Qazax Rayon Polis Şöbəsinin əməkdaşı Emin Hüseynzadə, Qafqaz Müsəlmanları İdarəsinin bölgə qazısı İlham Süleymanov, Qazax rayon Gənclər və İdman İdarəsinin rəisi Vüqar Nəbiyev, eləcə də məktəbin müəllim və şagirdləri iştirak ediblər.

Tədbiri giriş sözü ilə açan Qazax RİH başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Məhəmməd Orucov keçirilən maarifləndirmə tədbirlərinin əhəmiyyətindən bəhs edib.

DQİDK-nın Tovuz bölgəsi üzrə şöbəsinin əməkdaşı Ceyhun Rüstəmov Azərbaycan dövlətinin uşaqlara göstərdiyi qayğıdan danışıb. Bildirib ki, uşaqlara qayğı dövlət siyasətinin prioritet istiqamətlərindən biridir.

Qazax rayon Prokurorluğunun əməkdaşı Qasım Ağayev Azərbaycanda uşaq hüquqlarının qorunmasından və dini radikal qrupların fəaliyyətinin qarşısının alınmasında dövlət tərəfindən görülən işlərdən danışıb.

Qafqaz Müsəlmanları İdarəsinin bölgə qazısı İlham Süleymanov isə İslamda uşaq hüquqları və uşaqların tərbiyə olunmasından bəhs edib.

Sonda tədbir iştirakçılarını maraqlandıran suallar cavablandırılıb.


Son baxılan xəbərlər

Cəzaçəkmə müəssisələrində maarifləndirmə tədbirləri keçirilib

Press-relizlər
11.05.2018 / 16:31
Ətraflı oxu

Dini Qurumlarla İş üzrə Dövlət Komitəsinin sədri Mübariz Qurbanlının APA-ya müsahibəsi

Müsahibələr
31.10.2014 / 17:51
Ətraflı oxu

Azərbaycan heç bir qüvvənin diktəsi ilə hərəkət etmir, tam müstəqil siyasət həyata keçirir

Müsahibələr
19.03.2019 / 12:03
Ətraflı oxu

Siyəzən rayonunun Gilgilçay qəsəbəsində “Şəhadət” filmi nümayiş etdirilib

Arxiv
07.06.2018 / 15:41
Ətraflı oxu

Amil Cavadov: "Ölkəmizdə mövcud olan ictimai-siyasi sabitlik Azərbaycanın beynəlxalq aləmdə nüfuzunu daha da artırıb"

Müsahibələr
31.01.2019 / 12:44
Ətraflı oxu

Dövlət Komitəsinin sədri Mübariz Qurbanlının “İki sahil” qəzetinə müsahibəsi

Müsahibələr
02.11.2016 / 10:39
Ətraflı oxu