Dövlət Komitəsində görüş keçirilib

Press-relizlər / 18.09.2018 / 10:18

Sentyabrın 18-də Dini Qurumlarla İş üzrə Dövlət Komitəsinin sədri Mübariz Qurbanlı Amerika Birləşmiş Ştatlarının ölkəmizdəki müvəqqəti işlər vəkili Uilyam R. Qil ilə görüşüb
Qonağı səmimi salamlayan Dövlət Komitəsinin sədri Mübariz Qurbanlı bildirib ki, Azərbaycanda tolerant və multikultural mühit mövcuddur və dövlət-din münasibətləri Konstitusiya və "Dini etiqad azadlığı haqqında" Qanunla tənzimlənir. Bu gün Azərbaycan tolerantlıq və multikultural dəyərlərə görə dünyada nümunə ola biləcək ölkələrdən biridir. Müxtəlif konfessiyalar sərbəst və qarşılıqlı anlaşma şəraitində fəaliyyət göstərirlər. Ölkəmizdə məscid, sinaqoq və kilsələr insanların ixtiyarına verilib. Mübariz Qurbanlı bildirib ki, ibadət evlərinin təmir və bərpası Azərbaycan hökuməti tərəfindən həyata keçirilir. Eyni zamanda, dövlət məscidlərdə rəsmi təyinatı olan imam və mütəvəllilərə maddi dəstək göstərir. M. Qurbanlı qeyd edib ki, bu gün Dövlət Komitəsinin əsas fəaliyyət istiqamətini maarifçilik təşkil edir. Əsas məqsədlərdən biri cəmiyyətdə xurafat və radikalizmin yayılmasının qarşısını almaqdır. 
Səmimi qəbul üçün minnətdarlığını bildirən müvəqqəti işlər vəkili Uilyam Qil iki ölkə arasında bütün sahələrdə, o cümlədən dini radikalizm və ekstremizə qarşı mübarizə sahəsində əməkdaşlığın inkişaf etdirilməsinin zəruriliyini qeyd edib. O bildirib ki, ABŞ və Azərbaycan dost və tərəfdaş ölkədir. U. Qil Azərbaycanın yüksək tolerantlıq nümunəsi olduğunu xüsusi vurğulayaraq, bu siyasətin dövlət səviyyəsində həyata keçirilməsindən məmnunluğunu ifadə edib. 
Səmimi şəraitdə keçirilən görüşün sonunda Dövlət Komitəsinin sədri Mübariz Qurbanlı müvəqqəti işlər vəkili Uilyam Qilə Dövlət Komitəsinin çap etdirdiyi “Qısa İslam eksiklopediyası” kitabını hədiyyə edib.


Son baxılan xəbərlər

YAP-ın mərkəzi qərargahında “Vəhdət qanımızdadır” sənədli filminin təqdimatı keçirilib

Press-relizlər
05.12.2018 / 17:05
Ətraflı oxu

Masallıda "Narkomaniya, erkən nikah və dini radikalizmlə mübarizədə təhsilin rolu" mövzusunda tədbir keçirilib

Press-relizlər
11.12.2018 / 09:50
Ətraflı oxu

Azərbaycanda dinlər və məzhəblərarası həmrəylik mühiti dünyaya nümunə kimi göstərilir

Press-relizlər
05.12.2018 / 16:32
Ətraflı oxu

Bakı Beynəlxalq Multikulturalizm Mərkəzində “Vəhdət qanımızdadır” filminin ilk nümayişi olub

Press-relizlər
29.11.2018 / 16:33
Ətraflı oxu

Aİİ-də “Vəhdət qanımızdadır” sənədli filminin nümayişi olub

Press-relizlər
04.12.2018 / 14:56
Ətraflı oxu

Tovuzda “Dini ekstremizmə qarşı mübarizədə gənclərin rolu” mövzusunda tədbir keçirilib

Press-relizlər
07.11.2018 / 14:25
Ətraflı oxu