Dövlət Komitəsində görüş keçirilib

Press-relizlər / 27.09.2018 / 14:43

Sentyabrın 27-də  Dini Qurumlarla İş üzrə Dövlət Komitəsi sədrinin müavini Səyavuş Heydərov ABŞ-ın Cənubi Karolina ştatının paytaxtı Kolumbiya şəhərində yerləşən “Gate Way” kilsəsinin baş pastoru Don Brukla görüşüb.

Qonaqlara Azərbaycandakı dini durum barədə məlumat verən Səyavuş Heydərov qeyd edib ki, ölkəmizdə dini etiqad azadlığı yüksək səviyyədə təmin edilir. Bütün dinlərin nümayəndələri bərabərhüquqlu şəkildə fəaliyyət göstərir və bu baxımdan Azərbaycandakı mövcud dövlət-din münasibətləri modeli beynəlxalq ictimaiyyət tərəfindən təqdir olunur. Dövlət Komitəsinin sədr müavini diqqətə çatdırıb ki, Azərbaycanda tolerantlığın tarixi kökləri var. Multikultural və tolerant ənənələr ölkəmizə xaricdən idxal edilməyib, o, xalqımızın gen yaddaşının məhsuludur və bu gün dövlət siyasətinin tərkib hissəsinə çevrilərək möhkəmlənməklə dünya miqyasında nümunəvi modellərdən biri səviyyəsinə yüksəlib.  Bildirib ki, müasir dövrdə dünyanın bir çox ölkəsində cərəyan edən, sülh və beynəlxalq təhlükəsizlik üçün təhdid xarakteri daşıyan geosiyasi proseslər fonunda dini təhlükəsizlik məsələsi daha da aktuallaşıb. Bu səbəbdən artıq dini təhlükəsizlik Azərbaycanın dövlət təhlükəsizliyinin mühüm elementinə çevrilib. S. Heydərov vurğulayıb ki, ölkəmizdə təkcə dinlərarası deyil, məzhəblərarası fərqliliklər də multikulturalizmin tərkib hissəsi kimi qəbul olunur.

Səmimi görüşə görə minnətdarlığını bildirən Don Bruk “Gate Way” kilsəsi haqqında məlumat verərək onun özündə 45 min kilsəni birləşdirən dini mərkəz olduğunu deyib. Azərbaycana ilk səfərinin onda çox gözəl təssüratlar yaratdığını, dövlət-din münasibətləri modelinin, tolerantlıq və multikulturalizm siyasətinin uğurlu nəticələrinin təqdirəlayiq olduğunu qeyd edib. Vurğulayıb ki, bu model qorunub inkişaf etdirilməklə yanaşı, nəinki region dövlətlərində, bütün dünyada nümunəvi model kimi tətbiq olunmalıdır.

Görüşün sonunda S. Heydərov qonağa Dövlət Komitəsinin ingilis dilində nəşr etdirdiyi, Ermənistan tərəfindən maddi-mədəniyyət abidələrimizə qarşı törədilən vandalizm hərəkətlərini, işğal altındakı bütün maddi irsimizin məhv edilməsi faktlarını özündə əks etdirən  “İşğal altındakı tarixi-dini abidələrimiz” kitabını verib.


Son baxılan xəbərlər

Şəkidə “İslam həmrəyliyinin Azərbaycanda və dünyada inkişafının əhəmiyyəti” mövzusunda tədbir keçirilib

Press-relizlər
07.04.2017 / 12:37
Ətraflı oxu

Dövlət Komitəsinin sədri Mübariz Qurbanlı: "Azərbaycanda terror törətmək istəyənlərə qarşı qətiyyətli olmalı və onları ...

Açıqlama
26.10.2017 / 15:58
Ətraflı oxu

Hərbi Dəniz Qüvvələrinin N saylı hərbi hissəsində maarifləndirmə tədbiri keçirilib

Press-relizlər
23.05.2018 / 16:46
Ətraflı oxu

Dövlət Komitəsində 20 Yanvar faciəsinin 26-cı ildönümünə həsr olunmuş tədbir keçirilib

Press-relizlər
19.01.2016 / 14:52
Ətraflı oxu

Dövlət Komitəsinin mətbuat xidmətinin məlumatı

Bəyanat
17.09.2013 / 18:08
Ətraflı oxu

Multikulturalizm Azərbaycan Respublikasının daxili və xarici siyasətinin mühüm istiqamətidir

Press-relizlər
16.02.2018 / 14:03
Ətraflı oxu