Bakıda “Dini maarifləndirmədə dini ədəbiyyatın yeri və rolu” mövzusunda konfrans keçirilib

Press-relizlər / 01.10.2018 / 10:27

Oktyabrın 1-də Dini Qurumlarla İş üzrə Dövlət Komitəsinin (DQİDK) təşkilatçılığı ilə “Dini maarifləndirmədə dini ədəbiyyatın yeri və rolu” mövzusunda konfrans keçirilib. Konfransda DQİDK-nın rəhbərliyi, Dövlət Komitəsi yanında fəaliyyət göstərən Dinşünaslıq üzrə Komissiyanın üzvləri, ilahiyyatçı alimlər, dini icmaların və nəşriyyatların rəhbərləri iştirak ediblər.

Tədbiri giriş sözü ilə açan Dini Qurumlarla İş üzrə Dövlət Komitəsi sədrinin müavini Gündüz İsmayılov DQİDK-nın fəaliyyət istiqamətlərindən birinin dini təyinatlı ədəbiyyatın idxalına və yayılmasına nəzarət edilməsinin təşkil etdiyini və bu sahəyə xüsusi diqqət yetirildiyini bildirib. Yad dini ideologiyaların yayılmasının qarşısının alınmasında müvafiq orqanlarla birgə tədbirlərin həyata keçirildiyini qeyd edib.

Daha sonra DQİDK-nın Dinşünaslıq ekspertizası şöbəsinin müdiri Nahid Məmmədov geniş təqdimatla çıxış edib. N.Məmmədov ölkədə nəşr olunmaq məqsədilə dinşünaslıq ekspertizasına təqdim olunan dini məzmunlu ədəbiyyatlar, eyni zamanda dini məzmunlu məlumat materiallarının nəzarət markası ilə markalanması, dini ədəbiyyatların satışı ilə məşğul olan ixtisaslaşdırılmış satış məntəqələri barədə məlumat verib.

Tədbirdə, eləcə də AMEA-nın Şərqşünaslıq İnstitutunun əməkdaşı Elvüsal Məmmədov və yazıçı, ilahiyyatçı-psixoloq Rövşən Abdullayev çıxış ediblər.

Konfrans ölkəyə idxal olunan və ölkədə nəşr olunan dini təyinatlı ədəbiyyatın ekspertizası, bu sahədə nəşriyyatların üzərinə düşən vəzifələrin müzakirəsi ilə davam edib.


Son baxılan xəbərlər

“Sülh aylığı” çərçivəsində İmişlidə tədbir keçirilib

Press-relizlər
03.09.2019 / 15:13
Ətraflı oxu

“Dini radikalizm və ekstremizmin yaranma, yayılma metodlarına qarşı mübarizə” mövzusunda tədbir təşkil olunub

Press-relizlər
29.09.2017 / 17:08
Ətraflı oxu

Hacıqabulda “İslamda həmrəyliyin əhəmiyyəti” mövzusunda tədbir keçirilib

Press-relizlər
18.10.2017 / 10:29
Ətraflı oxu

“Sülh aylığı” çərçivəsində tədbirlər davam etdirilir

Press-relizlər
20.09.2017 / 16:10
Ətraflı oxu

Astarada “Dövlət-din münasibətlərinin Azərbaycan modeli” mövzusu müzakirə olunub

Press-relizlər
16.05.2018 / 17:01
Ətraflı oxu

Biləsuvarda gənclərin zərərli vərdişlərdən qorunması mövzusu müzakirə olunub

Press-relizlər
09.10.2019 / 14:02
Ətraflı oxu