Samuxda “Dini icmalar və gənclər: dini radikalizmlə mübarizə və birgə fəaliyyətin təşkili” mövzusunda seminar-müşavirə öz işinə başlayıb

Press-relizlər / 09.07.2018 / 17:09

İyulun 9-da Dini Qurumlarla İş üzrə Dövlət Komitəsi (DQİDK) və Samux Rayon İcra Hakimiyyətinin (RİH) birgə təşkilatçılığı ilə "Dini icmalar və gənclər: dini radikalizmlə mübarizə və birgə fəaliyyətin təşkili" mövzusunda ikigünlük seminar-müşavirə öz işinə başlayıb.
Dini icma sədrləri, din xadimləri, təhsil, səhiyyə, mədəniyyət idarələrinin, eləcə də rayon ictimaiyyətinin nümayəndələrinin iştirak etdiyi tədbiri giriş sözü ilə açan Samux RİH başçısı Aparatının İctimai-siyasi və humanitar məsələlər şöbəsinin müdiri müavini - dini qurumlarla işin təşkilatçısı Vüqar Tağıyev dövlətin dinə qayğısından danışıb. Bildirib ki, ölkəmizdə bütün dini konfessiyaların nümayəndələri azad şəkildə öz dini ibadətlərini həyata keçirirlər.
DQİDK sədrinin birinci müavini Səyyad Salahlı dini radikalizmlə mübarizənin vacibliyindən danışaraq bildirib  ki, cəmiyyətin bütün təbəqələrinin bu prosesdə iştirak etməsi zəruridir. Dini radikalizmə qarşı mübarizənin ən effektiv yolunun maarifləndirmə olduğunu bildirən S.Salahlı Dövlət Komitəsinin bu sahədə olan fəaliyyəti barədə ətraflı məlumat verib.
Bildirib ki, dini maarifləndirmə tədbirləri cəmiyyətin bütün sahələrini əhatə etməklə ölkənin bütün bölgələrində keçirilir. Regional seminar-treninqlər, seminar-müşavirələr, konfranslar formatında keçirilən maarifləndirmə tədbirləri çox böyük nəticələr verir. Birinci müavin qeyd edib ki, dini radikalizmin qarşısının alınması ölkəmizdə mövcud olan dini tolerantlıq və multikultural dəyərlərin qorunması və təşviqi baxımından çox böyük əhəmiyyətə malikdir.
Ölkəmizdə dövlət-din münasibətlərinin yüksək səviyyədə qurulduğunu qeyd edən S.Salahlı dövlətin yürütdüyü din siyasətinin, dini konfessiyalar arasında mövcud olan qarşılıqlı əməkdaşlıq mühitinin bütün dünyada nümunə kimi təqdim olunduğunu vurğulayıb.
Müzakirələrlə davam edən seminar-müşavirə iştirakçıları maraqlandıran sualların cavablandırılması ilə yekunlaşıb. 
 


Son baxılan xəbərlər

Gəncə hadisələrinin qurbanlarının xatirəsi yad edilib

Press-relizlər
21.10.2020 / 15:59
Ətraflı oxu

Azərbaycan Respublikası Dini Qurumlarla İş üzrə Dövlət Komitəsinin ABŞ-ın Beynəlxalq Dini Azadlıqlar üzrə Komissiyasının ...

Xəbərlər
01.05.2020 / 16:43
Ətraflı oxu

Ulu Öndər Heydər Əliyevin ümummilli məqsədlər naminə fəaliyyəti Onun zəngin həyat yolunun parlaq və ...

Müsahibələr
08.05.2020 / 13:00
Ətraflı oxu

XX əsrin dəhşətli faciəsi olan Xocalı soyqırımından 27 il keçir

Xəbərlər
26.02.2019 / 09:54
Ətraflı oxu

Balakəndə “İnsan Hüquqları Aylığı” çərçivəsində tədbir keçirilib

Press-relizlər
04.06.2018 / 14:25
Ətraflı oxu

Siyəzəndə “Vətən sevgisi imandandır” mövzusunda tədbir keçirilib

Press-relizlər
15.02.2018 / 15:48
Ətraflı oxu