Mənəvi Dəyərlərin Təbliği Fondu: Rüstəm İbrahimbəyovun bədnam filmi Azərbaycan xalqına xəyanətin ən pis nümunələrindəndir

Açıqlama / 25.05.2018 / 14:16

"Bir xalqın özünəməxsus düşüncə və həyat tərzi, dili, adət-ənənələri, dəyər və normaları onun milli kimliyinin əsasını təşkil edir. Bu kimliyi qorumaq və inkişaf etdirmək həmin kimliyin çətiri ətrafında toplanan hər kəsin müqəddəs borcudur".
Bunu Trend-ə Rüstəm İbrahimbəyovun filminə münasibət bildirən Mənəvi Dəyərlərin Təbliği Fondunun icraçı direktoru Mehman İsmayılov deyib.
M.İsmayılov bildirib ki, Azərbaycan xalqının milli kimliyinin, dolayısilə mənəvi-əxlaqi keyfiyyətlərinin, mədəniyyətinin, dünyagörüşünün müdafiəyə ehtiyacı yoxdur:
"Tarixə nəzər saldıqda görürük ki, xalqımız hər dövrdə o dövrün mütərəqqi düşüncə tərzinə sahib olub və bunun nəticəsidir ki, xalqımızın izləri yaxın və uzaq coğrafiyamızın yaddaşına həkk olunub. Şirvandan Ərdəbilə, Dərbənddən Hələbə, Bağdaddan Hindistana, İrəvandan Təbrizə uzanan bu izlər xalqımızın ulu və şanlı tarixinin aynasıdır. Məhz bu izlər sayəsindədir ki, əsrlərin ən keşməkeşlisi olan 20-ci əsrdə Azərbaycan xalqı bu günlərdə 100 illiyini qeyd etdiyimiz müsəlman Şərqində ilklərə imza atan Cümhuriyyəti qurmuş və əsrin sonlarında müsir dünyaya inteqrasiyanı hədəfləyən müstəqil Azərbaycan dövlətini bərqərar etmişdir".
İcraçı direktor qeyd edib ki, xalqı birləşdirən azərbaycançılıq ideologiyası mənəvi dəyərimizdir: "Ancaq elələri var ki, bizi birləşdirən dəyərlərə nankorcasına xəyanət edir. Rüstəm İbrahimbəyovun ssenari müəllifi olduğu “Qafqaz üçlüyü” adlı bədnam film də belə xəyanətin ən pis nümunələrindəndir və xalqımızın haqlı narazılığına səbəb olub. Mənəvi dəyərlərinə arxa çevirənlərin aqibəti acınacaqlı olur və heç vaxt bağışlanmır. Bir gölə daş atanda orada meydana gələn dalğa getdikcə böyüyür və həmin gölün sərhədlərini aşır. Əvəzində isə o daş göldə batır. Rüstəm İbrahimbəyov kimi dönüklərin xalqımızın milli-mənəvi kimliyinə atdığı daşların aqibəti də belədir. Atılan hər bir daş şanlı kimliyimizin dərinliyində yox olmağa məhkumdur".

Son baxılan xəbərlər

Zaqatalada “Dini radikalizm və ekstremizm gələcək üçün təhlükədir” mövzusunda maarifləndirmə tədbiri keçirilib

Press-relizlər
29.10.2019 / 15:07
Ətraflı oxu

DQİDK-nın şöbə müdiri: “Dövlət Komitəsi maarifləndirməni həyata keçirərkən bütün vasitələrdən maksimum istifadə etməyə çalışır”

Xəbərlər
11.02.2020 / 14:18
Ətraflı oxu

Mübariz Qurbanlı: “Məscidlərdə veb-kameralar quraşdırılacaq, təhlükəsizlik tədbirləri gücləndiriləcək”

Açıqlama
03.12.2015 / 16:38
Ətraflı oxu

Prezident İlham Əliyev Qarabağ Atçılıq Kompleksinin açılışında iştirak edib

Xəbərlər
06.11.2018 / 10:36
Ətraflı oxu

Sabirabadda maarifləndirmə tədbiri keçirilib

Press-relizlər
14.11.2019 / 14:43
Ətraflı oxu

Bölgələrdə maarifləndirmə tədbirləri davam etdirilir

Press-relizlər
13.02.2018 / 17:35
Ətraflı oxu