Göytəpə Sərhəd Dəstəsində “Dini ekstremizm - ictimai və mənəvi dəyərlərə təhlükə mənbəyi kimi” mövzusunda tədbir keçirilib

Press-relizlər / 16.05.2018 / 12:16

Mayın 16-da Dövlət Sərhəd Xidmətinin (DSX) Göytəpə Sərhəd Dəstəsində Dini Qurumlarla İş üzrə Dövlət Komitəsinin (DQİDK) təşkilatçılığı ilə “Dini ekstremizm-ictimai və mənəvi dəyərlərə təhlükə mənbəyi kimi” mövzusunda tədbir keçirilib.
Zabit və sərhədçilərin iştirak etdiyi tədbiri giriş sözü ilə açan N saylı hərbi hissənin komandiri Müzəffər Pirizadə mövzunun əhəmiyyətindən danışıb.
Natiq çıxışında aparılan dövlət siyasətinin uğuru kimi çoxsaylı konflikt ocaqlarının cərəyan etdiyi bir zamanda respublikamızda mövcud olan sabitlikdən də bəhs edib.
Daha sonra çıxış edən DQİDK-nın sədr müavini Səyavuş Heydərov dini ekstremizmin mahiyyəti, yaranma səbəbləri və onlara qarşı mübarizənin hüquqi əsasları, o cümlədən bu sahədə reabilitasiya işlərinə üstünlük verilməsi barədə tədbir iştirakçılarına ətraflı məlumat verib. Natiq bildirib ki, dini radikalizm və dini ekstremizm milli-mənəvi dəyərlərimizə əsas təhlükə mənbəyi hesab olunur. S. Heydərov dini radikalizmlə mübarizənin effektivliyinin artırılması üçün maarifləndirmə, preventiv və profilaktik xarakterli tədbirlərə üstünlük verildiyini də diqqətə çatdırıb. Sədr müavini vurğulayıb ki, Dini Qurumlarla İş üzrə Dövlət Komitəsi bu istiqamətdə digər dövlət qurumları, eləcə də hüquq-mühafizə orqanları ilə koordinasiyalı şəkildə tədbirlər həyata keçirir.
S. Heydərov deyib ki, dünyada, o cümlədən Yaxın Şərqdə gərginliyin artmasına və qanlı toqquşmaların baş verməsinə baxmayaraq, cənab Prezidentin rəhbərliyi ilə ölkəmizdə həyata keçirilən məqsədyönlü siyasətin nəticəsində ölkəmizdə ictimai-siyasi və dini durum tam sabitdir, milli-mənəvi dəyərlərimizin inkişafı üçün xüsusi əhəmiyyət kəsb edən bu sabitliyi qorumaq hər bir Azərbaycan vətəndaşının borcudur. S. Heydərovun sözlərinə görə, multikulturalizmin Azərbaycan modeli dünya ölkələrinin əksəriyyəti üçün bir təcrübədir və ölkəmiz bu siyasətlə dünya təhlükəsizlik sisteminə, dialoqa və əməkdaşlığa öz töhfəsini verir.
Sonda tədbir iştirakçılarının sualları cavablandırılıb və Azərbaycanın suverenliyi və ərazi bütövlüyü uğrunda canlarından keçən şəhidlərin xatirəsinə həsr olunmuş “Şəhadət” sənədli filmi nümayiş olunub.
  

Son baxılan xəbərlər

Bərdədə yerləşən N saylı hərbi hissədə “Vətənpərvərlik nümunəsi: qazilik və şəhidlik” mövzusunda tədbir keçirilib

Xəbərlər
06.09.2019 / 14:03
Ətraflı oxu

Dini ekstremizm və radikalizmlə mübarizə ümumxalq işinə çevrilməlidir

Press-relizlər
13.05.2019 / 10:12
Ətraflı oxu

Multikulturalizm dövlət siyasətidir

Xəbərlər
21.07.2020 / 17:04
Ətraflı oxu

Cəbrayıl rayonunun Cocuq Mərcanlı kənd məktəbində dini maarifləndirmə tədbiri keçirilib

Press-relizlər
03.03.2018 / 13:13
Ətraflı oxu

Beyləqanda “Dini radikalizmlə mübarizə: hüquqi və mənəvi yanaşma” mövzusunda tədbir keçirilib

Press-relizlər
31.10.2019 / 14:30
Ətraflı oxu

Prezident İlham Əliyev: "Bizə müsəlman ölkələrindən ən çox dəstək gəlir"

Xəbərlər
22.07.2020 / 15:28
Ətraflı oxu