Ağdam rayonunun İmamqulubəyli qəsəbə tam orta məktəbində “Şəhadət” sənədli filmi nümayiş olunub

Press-relizlər / 15.05.2018 / 17:38

Mayın 15-də Ağdam Rayon İcra Hakimiyyəti (RİH) və Dini Qurumlarla İş üzrə Dövlət Komitəsinin (DQİDK) Ağcabədi bölgəsi üzrə şöbəsinin birgə təşkilatçılığı ilə Ağdam rayonunun İmamqulubəyli qəsəbə tam orta məktəbində “Şəhadət” sənədli filmi nümayiş etdirilib.
Tədbirdə Ağdam RİH başçısı Aparatının İctimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Mehman Mustafayev, şöbənin baş məsləhətçisi Ziya Hümbətov, Dini Qurumlarla İş üzrə Dövlət Komitəsinin Ağcabədi bölgəsi üzrə şöbəsinin əməkdaşı Ramil Cavadov, Ağdam rayon Gənclər və İdman İdarəsinin rəis müavini Anar Əsgərov, Ağdam rayon 135 nömrəli tam orta məktəbin direktoru Yaşar Ağayev, Ağdam rayon 87 nömrəli tam orta məktəbin direktoru Səbahət Əmirova, Ağdam rayon 92 nömrəli tam orta məktəbin direktoru Məzahir İbrahimov, məktəb müəllimləri və yuxarı sinif şagirdləri iştirak ediblər.
Ağdam RİH başçısı Aparatının İctimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Mehman Mustafayev bildirib ki, nümayiş olunacaq film dini radikalizmə qarşı mübarizə mövzusunda Dövlət Komitəsinin sifarişi əsasında çəkilib. “Şəhadət” filmində Qarabağ uğrunda gedən döyüşlərdə döyüşmüş və şəhid olmuş əsgərlərimizin dövlətimiz, xalqımız tərəfindən necə hörmət və ehtiramla yad edildiyi nümayiş olunur, onların valideyinləri övladlarının Vətən uğrunda şəhid olmalarından heç də təəssüflənmir, əksinə, qürur hissi keçirirlər. Filmdə toxunulan ikinci ideya bundan ibarətdir ki, xarici dövlətlərdə fəaliyyət göstərən qanunsuz hərbi birləşmələrə və terror təşkilatlara qoşularaq ölən azərbaycanlı gənclərin valideynləri övladlarının əməllərinə görə təəssüflənir və xəcalət hissi keçirirlər.
DQİDK-nın Ağcabədi bölgəsi üzrə şöbəsinin əməkdaşı R.Cavadov,  Ağdam RİH başçısı Aparatının İctimai-siyasi və humanitar məsələlər şöbəsinin baş məsləhətçisi Z.Hümbətov, Ağdam rayon Gənclər və İdman İdarəsinin rəis müavini A.Əsgərov, Ağdam rayon 135 nömrəli tam orta məktəbin direktoru Y.Ağayev və Ağdam rayon 87 nömrəli tam orta məktəbin direktoru S.Əmirova bildiriblər ki, “Şəhadət” filminin təqdimatı gənclərin vətənpərvərlik ruhunda tərbiyə edilməsində mühüm rol oynayır. Bu tipli tədbirlərin məktəblərdə keçirilməsi gənclərin radikal qruplara cəlb olunmasının qarşısını alır.
Sonda tədbir iştirakçılarını maraqlandıran suallar cavablandırılıb.


Son baxılan xəbərlər

Zaqatalada maarifləndirmə tədbiri keçirilib

Xəbərlər
22.10.2019 / 15:17
Ətraflı oxu

Yevlaxda "20 Yanvar qan yaddaşımızdır" mövzusunda videokonfrans formatında tədbir keçirilib

Press-relizlər
18.01.2021 / 11:56
Ətraflı oxu

Din faktorunun informasiya təhlükəsizliyi sisteminə təsiri

Press-relizlər
17.01.2018 / 17:57
Ətraflı oxu

Vətəni sevmək imandandır

Press-relizlər
04.04.2018 / 17:09
Ətraflı oxu

ABŞ-ın yəhudi və yevangelist xristian icmasının üzvləri Quba Soyqırımı Memorial Kompleksini ziyarət ediblər

Xəbərlər
09.03.2019 / 10:28
Ətraflı oxu

“Azərbaycan İslam sivilizasiyalarının əsas mərkəzlərindən biri kimi: Gənclərin qarşısında duran vəzifələr” adlı tədbir keçirilib

Press-relizlər
10.03.2017 / 15:20
Ətraflı oxu