Dövlət Komitəsində görüş keçirilib

Press-relizlər / 07.05.2018 / 13:45

Dini Qurumlarla İş üzrə Dövlət Komitəsi sədrinin müavini Səyavuş Heydərov mayın 7-də Cənubi Qafqaz və Gürcüstan Yevangelik-Lüteran kilsəsinin yepiskopu Markus Şox ilə görüşüb.
Görüş zamanı Dövlət Komitəsi sədrinin müavini Azərbaycandakı dini tolerantlıq mühiti və dövlətin bu istiqamətdə həyata keçirdiyi siyasətdən bəhs edib. Dini və multikultural təhlükəsizliyin təminatına dövlət siyasətinin prioritet istiqaməti kimi önəm verildiyi diqqətə çatdıran Səyavuş Heydərov bu nümunəvi modelin bütün dünyada maraqla qarşılandığını bildirib.  Vurğulayıb ki, hazırda din pərdəsi altında gedən siyasi çəkişmələr, dini zəmində baş verən münaqişələr baxımından Azərbaycanda tolerantlığın milli-mənəvi dəyərlərimizin önəmli hissəsi kimi qoruyub-saxlanılması xüsusilə diqqət mərkəzindədir.
Ölkəmizdə 31-i qeyri-islam olmaqla 809 dini icmanın dövlət qeydiyyatına alındığını qeyd edən sədr müavini dini qurumların dövlətin diqqət və qayğısı ilə əhatə olunduqlarını deyib.
Cənubi Qafqaz və Gürcüstan Yevangelik-Lüteran kilsəsinin yepiskopu Markus Şox ölkəmizdə bütün dini konfessiya nümayəndələrinə eyni ehtiramın göstərilməsinin əyani şahidi olduğunu vurğulayıb. M.Şox Bakı, Göygöl və Şəmkir şəhərlərində lüteran kilsələrinin təmir və bərpa edilməsinin tarixi irsə diqqət və qayğının, ümumiyyətlə, ölkəmizdə tolerantlıq və multikulturalizm siyasətinin bariz təzahürü olduğunu bildirib.
Görüşdə, eyni zamanda xalqımızın tarixi-mədəni irsində dərin iz qoymuş alman yaşayış məskənlərinin Azərbaycanda salınmasının 200 illiyi münasibətilə icma tərəfindən keçirilməsi nəzərdə tutulan tədbirlər barədə fikir mübadiləsi aparılıb.
Sonda qurumun nümayəndələrini maraqlandıran suallar cavablandırılıb.
 


Son baxılan xəbərlər

Aprel şəhidləri qürur mənbəyimizdir

Press-relizlər
13.04.2018 / 16:48
Ətraflı oxu

Nardaranda “Dini radikalizm cəmiyyətdə təhlükə mənbəyi kimi” layihəsi uğurla icra olunur

Press-relizlər
13.02.2017 / 17:06
Ətraflı oxu

Zərdabda “Müasir çağırışlar: dini durum və vəzifələr” mövzusunda konfrans keçirilib

Xəbərlər
27.11.2019 / 17:28
Ətraflı oxu

Mübariz Qurbanlı: “Azərbaycandan hər hansı terror qruplaşmasına pul göndərilmir”

Açıqlama
23.11.2015 / 14:30
Ətraflı oxu

Azərbaycan İlahiyyat İnstitutunda görüş keçirilib

Press-relizlər
23.10.2018 / 15:37
Ətraflı oxu

Ucarda “Xocalı soyqırımı qan yaddaşımızdır” mövzusunda tədbir keçirilib

Xəbərlər
22.02.2019 / 16:04
Ətraflı oxu