Xırdalanda Aprel döyüşlərinə həsr edilmiş tədbir keçirilib

Press-relizlər / 23.04.2018 / 14:45

Aprelin 23-də Dini Qurumlarla İş üzrə Dövlət Komitəsinin Sumqayıt bölgəsi üzrə şöbəsinin təşkilatçılığı ilə Xırdalan şəhər 4 saylı tam orta məktəbində “Aprel döyüşləri -  yaxın tariximizin şanlı səhifəsi” mövzusunda maarifləndirici tədbir keçirilib. Tədbirdə DQİDK-nın Sumqayıt bölgəsi üzrə şöbəsinin əməkdaşı Orxan Axundov, məktəbin direktoru Zəminə Nurayeva, müəllim və şagird kollektivi iştirak ediblər.
Tədbiri giriş sözü ilə açan 4 saylı tam orta məktəbin direktoru Z.Nurayeva gənclərin təhsillə yanaşı dini sahədə məlumatlandırılmasının, radikalizmdən uzaq, tolerantlıq ruhunda tərbiyə edilməsinin önəmini vurğulayıb. Azərbaycanın gələcəyi olan gənclərimizin bütün mənfi tendensiyalardan qorunmalı olduğunu və bu sahədə görülən işlərin, maarifləndirmə tədbirlərinin böyük əhəmiyyət kəsb etdiyini bildirən Z. Nurayeva tədbirin keçirilməsinə görə Dövlət Komitəsinə təşəkkürünü bildirib.
DQİDK-nın Sumqayıt bölgəsi üzrə şöbəsinin əməkdaşı Orxan Axundov Dövlət Komitəsinin gördüyü işlər, qarşıda duran vəzifələri və fəaliyyət istiqamətləri haqqında ətraflı məlumat verib. O, DQİDK-nın sifarişi ilə çəkilmiş sənədli filmlərin dini radikalizmə qarşı effektiv təsirə malik olmasından bəhs edib, “Fitnə” sənədli filminin məntiqi davamı olan “Şəhadət” sənədli filmi haqqında məlumat verib. Aprel döyüşlərindən də bəhs edən O.Axundov bildirib ki, tariximizə qızıl hərflərlə həkk olan bu döyüşlər xalqın ordumuza olan inamını daha da artırıb.
Sonda DQİDK-nın sifarişi ilə çəkilmiş “Şəhadət” sənədli filmi nümayiş etdirilib və film ətrafında müzakirələr aparılıb.
 
 

Son baxılan xəbərlər

Dövlət Komitəsinin sədri Mübariz Qurbanlı: "Azərbaycanda tolerantlıq mühitinin qorunması Berlində keçirilən beynəlxalq konfransda da ...

Açıqlama
26.11.2018 / 17:59
Ətraflı oxu

Zaqatalada dini radikalizmlə mübarizədə təhsilin rolu müzakirə edilib

Press-relizlər
14.02.2017 / 16:17
Ətraflı oxu

Lənkəranda “Uşaq hüquqları aylığı” çərçivəsində maarifləndirici tədbir keçirilib

Press-relizlər
04.11.2016 / 15:43
Ətraflı oxu

Dövlət Komitəsinin sədri Mübariz Qurbanlının "SalamNews"a müsahibəsi

Müsahibələr
13.12.2016 / 16:38
Ətraflı oxu

Kamal Abdullayev: “İndi dünyada Azərbaycanın həqiqətlərini ölkəmizin dostları müdafiə edir”

Müsahibələr
03.11.2016 / 18:06
Ətraflı oxu

Sumqayıtda “Gənclərin radikalizmdən mühafizə edilməsi” mövzusunda tədbir keçirilib

Press-relizlər
08.06.2018 / 16:57
Ətraflı oxu