Milli-mənəvi dəyərlərimizin təbliği dini radikalizmə qarşı mübarizə vasitəsidir

Press-relizlər / 19.04.2018 / 16:56

Aprelin 19-da Dini Qurumlarla İş üzrə Dövlət Komitəsinin (DQİDK) Lənkəran bölgəsi üzrə şöbəsinin təşkilatçılığı ilə Lerik rayonunun Kəlvəz kənd tam orta məktəbində “Milli-mənəvi dəyərlərimizin təbliği dini radikalizmə qarşı mübarizə vasitəsi kimi” adlı tədbir keçirilib.
Tədbirdə DQİDK-nın Lənkəran bölgəsi üzrə şöbəsinin əməkdaşı Azər Həsənov, Kəlvəz kənd tam orta məktəbinin direktoru Nizami Quliyev, Kəlvəz kənd məscidinin mütəvəllisi Habil Quliyev, müəllimlər və şagirdlər iştirak ediblər.
Tədbiri giriş sözü ilə açan Kəlvəz kənd tam orta məktəbin direktoru  Nizami Quliyev çıxışında xalqımızın zəngin milli-mənəvi dəyərlərə sahib olduğunu, bu dəyərlərin gənclər arasında təbliğ edilməsinin dini radikalizmə qarşı mübarizədə mühüm əhəmiyyəti olduğunu vurğulayıb.
DQİDK-nın Lənkəran bölgəsi üzrə şöbəsinin əməkdaşı Azər Həsənov Azərbaycanda tolerant və multikultural ənənələrin, dinlərarası və məzhəblərarası həmrəylik və vəhdətin hökm sürdüyünü qeyd edib. A.Həsənov tədbir iştirakçılarına dini radikalizm və onun fəsadları haqqında məlumat verərək bildirib ki, Dövlət Komitəsi tərəfindən dini radikalizmə qarşı mübarizə məqsədilə, həmçinin milli-mənəvi dəyərlərin təbliği istiqamətində çoxsaylı maarifləndirmə tədbirləri həyata keçirilir.
Kəlvəz kənd məscidinin mütəvəllisi Habil Quliyev və digərləri çıxışlarında milli-mənəvi və dini dəyərlərin qorunduğu, tolerant və multikultural mühitin mövcud olduğu ölkəmizdə dini radikalizmə yer olmadığını bildiriblər.
Sonda Dövlət Komitəsinin sifarişi ilə çəkilmiş “Şəhadət” sənədli filmi nümayiş etdirilib, tədbir iştirakçılarını maraqlandıran suallar cavablandırılıb.   
 


Son baxılan xəbərlər

Tərtərdə “Dini icmalar və gənclər: dini radikalizmlə mübarizə və birgə fəaliyyətin təşkili” mövzusunda seminar-müşavirə ...

Press-relizlər
16.07.2018 / 17:06
Ətraflı oxu

Mübariz Qurbanlı: “Dini mövhumat, xurafat bütün dinlərin düşmənidir”

Müsahibələr
09.08.2019 / 13:20
Ətraflı oxu

Goranboyda “Məzhəbçilik - dini təhlükəsizliyə təhdid kimi” mövzusunda seminar-müşavirə keçirilib

Xəbərlər
23.04.2019 / 16:26
Ətraflı oxu

Lənkəranda maarifləndirmə tədbiri keçirilib

Press-relizlər
29.05.2019 / 16:18
Ətraflı oxu

Dini radikalizmə qarşı mübarizədə İslam həmrəyliyinin əhəmiyyəti müzakirə olunub

Press-relizlər
14.08.2017 / 10:43
Ətraflı oxu

Prezident İlham Əliyev: Bu gün Azərbaycan dünyada multikulturalizmin mərkəzi kimi artıq özünü təsdiqləyib

Xəbərlər
07.06.2018 / 11:29
Ətraflı oxu