Vətəni sevmək imandandır

Press-relizlər / 04.04.2018 / 17:09

Aprelin 4-də Dini Qurumlarla İş üzrə Dövlət Komitəsinin (DQİDK) Quba bölgəsi üzrə şöbəsinin və Quba Rayon İcra Hakimiyyətinin (RİH) birgə təşkilatçılığı ilə Quba rayonu Alpan kənd klubunda “Vətəni sevmək imandandır” adlı tədbir keçirilib.
Tədbirdə DQİDK-nın Quba bölgəsi üzrə şöbəsinin müdir müavini Ramin Xudayev, Quba RİH başçısı Aparatının İctimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Tariyel İbrahimov, Quba rayon Təhsil şöbəsinin əməkdaşı Anar Murtuzov, dindarlar, ağsaqqallar, ziyalılar və gənclər iştirak ediblər.
Tədbiri giriş sözü ilə açan Quba RİH başçısı Aparatının İctimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Tariyel İbrahimov bildirib ki, ölkədə dini sabitliyin saxlanılması və qorunması sahəsində çox saylı tədbirlər həyata keçirilib. Vurğulayıb ki, ölkə rəhbərliyi dini sahəyə xüsusi diqqət və qayğı göstərməklə yanaşı, yerli dindarların daha savadlı və dünyagörüşlü olmaları məqsədilə yeni dini kolleclər və ali təhsil müəssisəsi yaradıb.
DQİDK-nın Quba bölgəsi üzrə şöbəsinin müdir müavini Ramin Xudayev tədbirdə çıxış edib. O qeyd edib ki, Azərbaycan dünyada tolerantlıq və multikultural dəyərlər baxımından irəlidə addımlayan ölkələrdəndir. Natiq qeyd edib ki, aparılan təbliğat işinin nəticəsi olaraq son zamanlar radikalizmə meyillənmə halları tamamilə azalıb. Bildirib ki, bu sahədə Dini Qurumlarla İş üzrə Dövlət Komitəsinin həyata keçirdiyi tədbirlər əvəzsizdir.
Quba rayon Təhsil şöbəsinin əməkdaşı Anar Murtuzov çıxışında qeyd edib ki, təhsil bir millətin gələcəyi olmaqla yanaşı, gənc nəslin vətənpərvər ruhda yetişdirilməsində əvəzsiz rol oynayır.
Daha sonra Dini Qurumlarla İş üzrə Dövlət Komitəsinin sifarişi ilə ərsəyə gələn “Şəhadət” sənədli filmi nümayiş etdirilib, suallar cavablandırılıb.
 


Son baxılan xəbərlər

Səyavuş Heydərov: "Ölkəmizdə formalaşmış dövlət-din münasibətləri dünyaya nümunədir"

Xəbərlər
10.10.2018 / 18:00
Ətraflı oxu

“Dini icmalar və gənclər: dini radikalizmlə mübarizə və birgə fəaliyyətin təşkili” mövzusunda ikigünlük seminar-müşavirə ...

Press-relizlər
27.09.2018 / 12:00
Ətraflı oxu

Dini Qurumlarla İş üzrə Dövlət Komitəsinin sədri Mübariz Qurbanlı Fransada jurnalistlərin öldürülməsi hadisəsinə ...

Açıqlama
08.01.2015 / 15:00
Ətraflı oxu

Qobustanda “Şəhadət” filmi nümayiş olunub

Press-relizlər
24.10.2017 / 16:28
Ətraflı oxu

Balakəndə “Dini radikalizm milli-mənəvi dəyərlərə təhlükə mənbəyi kimi” mövzusunda tədbir keçirilib

Press-relizlər
11.07.2019 / 17:27
Ətraflı oxu

“Dini radikalizm və ekstremizmə qarşı mübarizədə gənclərin rolu” mövzusunda tədbir keçirilib

Press-relizlər
29.03.2019 / 15:56
Ətraflı oxu