Zaqatalada “Narkomaniyaya qarşı mübarizədə din amili” mövzusunda tədbir təşkil olunub

Press-relizlər / 16.03.2018 / 10:01

Martın 15-də Dini Qurumlarla İş üzrə Dövlət Komitəsinin (DQİDK) Zaqatala bölgəsi üzrə şöbəsi, Zaqatala Rayon İcra Hakimiyyəti (RİH) və Zaqatala Rayon Polis Şöbəsinin (RPŞ) birgə təşkilatçılığı ilə Zaqatala şəhər 2 nömrəli tam orta məktəbində “Narkomaniyaya qarşı mübarizədə din amili” mövzusunda tədbir keçirilib.
Tədbirdə Zaqatala RİH başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Ramin Həsənov, RPŞ-nin Narkomaniya ilə mübarizə qrupunun baş inspektoru Azər Nəsirov, Yetkinlik yaşına çatmayanlarla profilaktiki işin təşkili qrupunun inspektoru İlqar Xalıqov,  DQİDK-nın Zaqatala bölgəsi üzrə şöbəsinin müdiri vəzifəsini icra edən İlqar Vəliyev, Zaqatala şəhər 2 nömrəli tam orta məktəbinin direktoru Vasif Əfəndiyev, müəllimlər və şagirdlər iştirak ediblər.
Tədbiri giriş sözü ilə açan direktor Vasif Əfəndiyev narkomaniyanın zərərləri haqqında  və ona aludə olmuş insanların faciəvi həyatı barədə məlumat verib.
Zaqatala RİH-in nümayəndəsi Ramin Həsənov çıxışında narkomaniya ilə mübarizədə effektiv mübarizənin ilkin yolu kimi sağlam həyat tərzini gənclərə tövsiyə edib.
RPŞ-nin Narkomaniya ilə mübarizə qrupunun baş inspektoru Azər Nəsirov yeniyetmə və gənclər arasında narkomaniyanın yayılmasına qarşı aparılan profilaktiki və inzibati mübarizə tədbirlərindən bəhs edib.
DQİDK-nın Zaqatala bölgəsi üzrə şöbəsinin müdiri vəzifəsini icra edən İlqar Vəliyev bildirib ki, İslam dini zərərli vərdişlərə qarşıdır. O, gələcəyimiz olan yeniyetmə və gənclərin narkotiklərdən uzaq olmasının vacibliyini vurğulayıb.
RPŞ-nin Yetkinlik yaşına çatmayanlarla profilaktiki işin təşkili işin qrupunun inspektoru İlqar Xalıqov çıxışında respublika üzrə narkomaniya ilə bağlı statistik rəqəmləri  açıqlayaraq  gənclərimizi narkomaniyaya qarşı mübarizədə fəal olmağa çağırıb.
Sonda tədbir iştirakçılarını maraqlandıran suallar cavablandırılıb.
 
 


Son baxılan xəbərlər

Qubada şəhidlər anılıb

Press-relizlər
19.01.2018 / 16:59
Ətraflı oxu

Mübariz Qurbanlı: “İctimai-siyasi sabitliyə qarşı yönələn hərəkətlər cəzasız qalmayacaq”

Açıqlama
26.11.2015 / 18:00
Ətraflı oxu

Qubada “Sülh aylığı”na həsr edilmiş tədbir keçirilib

Press-relizlər
05.09.2019 / 17:00
Ətraflı oxu

4 saylı cəzaçəkmə müəssisəsində dini maarifləndirmə tədbiri keçirilib

Press-relizlər
18.03.2015 / 15:32
Ətraflı oxu

Azərbaycan nümayəndə heyəti Vyanada Avstriya hökumətinin və parlamentinin üzvləri ilə görüşüb

Press-relizlər
19.06.2019 / 09:55
Ətraflı oxu

Sabirabad rayonunda maarifləndirmə tədbiri keçirilib

Press-relizlər
09.09.2019 / 12:36
Ətraflı oxu