Bərdədə "Şəhadət" filmi nümayiş olunub

Press-relizlər / 12.03.2018 / 16:58

Martın 12-də Bərdə rayonunda yerləşən “N” saylı hərbi hissədə Dini Qurumlarla İş üzrə Dövlət Komitəsinin (DQİDK) sifarişi ilə çəkilmiş “Şəhadət” sənədli filmi nümayiş etdirilib.
Tədbirdə DQİDK-nın Dini qurumlarla iş üzrə şöbəsinin müdiri Əliheydər Zülfüqarov, Yevlax bölgəsi üzrə şöbəsinin əməkdaşı Rahib İbrahimov , hərbi hissə komandirinin Tərbiyəvi işlər üzrə müavini, polkovnik-leytenant Əli Qasımov, eyni zamanda, əsgər və zabit heyəti iştirak ediblər.
Hərbi hissə komandirinin Tərbiyəvi işlər üzrə müavini polkovnik-leytenant Əli Qasımov ölkəmizdə ictimai-siyasi sabitliyin və dünyaya örnək ola biləcək tolerantlıq mühitinin olduğunu vurğulayıb, tolerantlığın milli mənsubiyyətindən, dinindən asılı olmayaraq hər bir azərbaycanlının həyat tərzinə çevrildiyini diqqətə çatdırıb. Natiq “Şəhadət” sənədli filminin hərbi hissələrdə nümayiş etdirilməsinin təqdirəlayiq hal olduğunu bildirib və bu cür maarifləndirmə tədbirlərinin mütəmadi şəkildə həyata keçirilməsinin əhəmiyyətindən bəhs edib.
DQİDK-nın Dini qurumlarla iş üzrə şöbəsinin müdiri Əliheydər Zülfüqarov müasir dövrdə dövlətin dinə və dindarlara olan qayğısından, dindarlar üçün yaradılmış yüksək şəraitdən danışıb. O bildirib ki, ölkədə yüksək dini dözümlülük mühiti olduğu halda, müəyyən radikal qrupların meydana çıxması, ümumiyyətlə dindarlar arasında radikallığa meyillilik süni xarakter daşıyır və bu bilavasitə müəyyən xarici təsirlərlə əlaqəlidir. Daha sonra “Şəhadət” sənədli filminindən danışan şöbə müdiri bildirib ki, Vətənin şəhadəti uğrunda canından keçənlər həm cəmiyyətin, həm ailələrinin qürur mənbəyi olublar. Lakin radikalizm və ekstremizmin qurbanına çevirilərək qanunu pozanlara isə həm cəmiyyətdə, həm də ailələrdə münasibət mənfidir.
Daha sonra “Şəhadət” sənədli filmi nümayiş etdirilib və tədbir iştirakçılarını maraqlandıran suallar cavablandırılıb. 


Son baxılan xəbərlər

Masallıda “Narkomaniyaya qarşı mübarizədə din amili” mövzusu müzakirə olunub

Press-relizlər
27.04.2018 / 14:57
Ətraflı oxu

Masallıda “Azərbaycan Xalq Cümhuriyyəti və mənəvi dəyərlərimiz” mövzusunda tədbir keçirilib

Press-relizlər
07.03.2018 / 15:43
Ətraflı oxu

“Dini radikalizm və xurafat: Bir medalın iki üzü” adlı kitab nəşr edilib

Kitablar
19.10.2017 / 11:29
Ətraflı oxu

Dini radikalizmə qarşı mübarizəyə həsr edilmiş maarifləndirmə tədbiri keçirilib

Press-relizlər
08.04.2019 / 11:24
Ətraflı oxu

Sabirabadda “Din və ideoloji təhlükəsizlik” mövzusunda seminar-müşavirə keçirilib

Press-relizlər
15.07.2019 / 16:17
Ətraflı oxu

Dövlət Komitəsinin sədri ABŞ-ın müvəqqəti işlər vəkili ilə görüşüb

Press-relizlər
14.06.2018 / 17:27
Ətraflı oxu