Cəbrayıl rayonunun Cocuq Mərcanlı kənd məktəbində dini maarifləndirmə tədbiri keçirilib

Press-relizlər / 03.03.2018 / 13:13

Martın 2-də Azərbaycan Respublikasının Prezidenti cənab İlham Əliyevin 27 noyabr 2014-cü ildə imzaladığı Sərəncama əsasən, dini maarifləndirmə və milli-mənəvi dəyərlərin təbliği işini daha da gücləndirmək məqsədi ilə dini icmalara ayrılmış maliyyə yardımı almış Cəbrayıl rayonu Cocuq Mərcanlı kənd məscidi dini icması Cəbrayıl rayonunun Cocuq Mərcanlı kənd məktəbində “Azərbaycan gənci: millilik, qazilik, şəhidlik” adlı layihə çərçivəsində növbəti tədbir keçirib.
Tədbirdə Dini Qurumlarla İş üzrə Dövlət Komitəsinin Ağcabədi bölgəsi üzrə şöbəsinin əməkdaşı Mehdixan Zeynalov, Cəbrayıl rayonu Cocuq Mərcanlı kənd məscidi dini icmasının sədri və imam cüməsi Elman Piriyev, Cocuq Mərcanlı kənd inzibati ərazi dairəsi üzrə nümayəndəsi Xanlar Zeynalov, Cocuq Mərcanlı kənd məktəbinin direktoru Zamin Həziyev, “Əmək qəhrəmanı” ordenli Oqtay Həziyev, yuxarı sinif şagirdləri, müəllimlər və icma üzvləri iştirak ediblər.
Tədbiri giriş sözü ilə açan Cəbrayıl rayonu Cocuq Mərcanlı kənd məscidi dini icmasının sədri və imam cüməsi Elman Piriyev şəhidlərin ruhuna dualar oxuyub və mərasim iştirakçıları tərəfindən şəhidlərin xatirəsi 1 dəqiqəlik sükutla yad edilib.
Elman Piriyev qeyd edib ki, Azərbaycan Respublikasının Prezidenti cənab İlham Əliyevin Cocuq Mərcanlıya göstərdiyi diqqət və qayğı hamımıza məlumdur, biz bunu gündəlik həyatımızda görürük. Daha sonra icma sədri Azərbaycan gənclərinin, xüsusilə də hərbiçilərimizin 2016-cı ilin aprel döyüşlərində göstərdiyi vətənpərvərlik və şücaətdən danışıb. 
Dini Qurumlarla İş üzrə Dövlət Komitəsinin Ağcabədi bölgəsi üzrə şöbəsinin əməkdaşı Mehdixan Zeynalov “Azərbaycan gənci: millilik, qazilik, şəhidlik” mövzusunda ətraflı məruzə edib. O, məruzəsində dövlətin gənclər siyasətini və onlara göstərilən qayğını xüsusi vurğulayaraq bildirib ki, bu məsələ daim diqqət mərkəzində olan bir sahədir.
Məruzə ətrafında çıxışlarda Cocuq Mərcanlı kənd məktəbinin direktoru Zamin Həziyev, Cocuq Mərcanlı kənd inzibati ərazi dairəsi üzrə nümayəndəsi Xanlar Zeynalov çıxış edərək bildiriblər ki, bu mövzuda keçirilən tədbirlər Azərbaycan gənclərinin formalaşmasında və hərbi vətənpərvərlik ruhunda tərbiyəsində mühüm rol oynayır. 
Tədbirin sonunda dinləyicilərin sualları cavablandırılıb. 


Son baxılan xəbərlər

Azərbaycandakı dövlət-din münasibətləri nümunəvidir

Press-relizlər
11.01.2018 / 16:24
Ətraflı oxu

Milli-mənəvi dəyərlərimizin təbliği dini radikalizmə qarşı mübarizə vasitəsidir

Press-relizlər
19.04.2018 / 16:56
Ətraflı oxu

Cəlilabadda “Dini radikalizmə qarşı mübarizədə qadınların yeri və rolu” adlı ikigünlük regional konfrans öz ...

Press-relizlər
29.06.2018 / 15:31
Ətraflı oxu

Zaqatalada "Milli-mənəvi dəyərlərimizlə keçmişdən bu günə və gələcəyə gedən uğurlu yol” adlı tədbir keçirilib

Press-relizlər
15.01.2019 / 15:30
Ətraflı oxu

Ucarda maarifləndirmə tədbiri keçirilib

Xəbərlər
30.09.2019 / 16:28
Ətraflı oxu

Salyanda “Uşaq hüquqları aylığı” çərçivəsində tədbir keçirilib

Xəbərlər
08.11.2019 / 09:50
Ətraflı oxu