Dini radikalizm İslam həmrəyliyinə və tolerantlıq prinsiplərinə ziddir

Press-relizlər / 28.02.2018 / 16:25

Fevralın 28-də Dini Qurumlarla İş üzrə Dövlət Komitəsinin dəstəyi ilə Şəki rayonu Baş Zəyzid kənd məscidi dini icmasının həyata keçirdiyi “Dini radikalizm İslam həmrəyliyinə və tolerantlıq prinsiplərinə ziddir” layihəsi çərçivəsində Baş Zəyzid kənd kitabxanasında maarifləndirici tədbir keçirilib. Tədbirdə DQİDK-nın Şəki bölgəsi üzrə şöbəsinin əməkdaşı Elvin Qarayev, Dini maarifləndirmə işinin təşkili şöbəsinin əməkdaşı Abdulla Əfəndiyev, Baş Zəyzid kənd məscidi dini icmasının sədri Ələsgər Rəhimov, din xadimləri, müəllimlər və şagirdlər iştirak ediblər.
Tədbiri giriş sözü ilə açan dini icma sədri Ələsgər Rəhimov mövzunun əhəmiyyətindən bəhs edib.
DQİDK-nın Dini maarifləndirmə işinin təşkili şöbəsinin əməkdaşı Abdulla Əfəndiyev isə dövlət-din münasibətlərinin tənzimlənməsi və dini maarifləndirmə sahəsindəki fəaliyyətdən danışıb. A.Əfəndiyev tədbir iştirakçılarının nəzərinə çatdırıb ki, tarixin bütün dövrlərində Azərbaycan ərazisində müxtəlif dinlərin, millətlərin, mədəniyyətlərin nümayəndələri rahat şəkildə yaşayıb və heç bir zaman dini zəmində münaqişə baş verməyib. O bildirib ki, hazırda bəzi müsəlman ölkələrində cərəyan edən hadisələr dini radikalizmdən və məzhəblərarası tolerantlığın olmamasından qaynaqlanır.
Daha sonra çıxış edən DQİDK-nın Şəki bölgəsi üzrə şöbəsinin əməkdaşı Elvin Qarayev Azərbaycanda yüksək tolerantlıq və multikultural ənənələrin, dinlərarası və məzhəblərarası həmrəyliyin mövcud olduğunu vurğulayıb.
Sonda tədbir iştirakçılarını maraqlandıran sualları cavablandırılıb.
Qeyd edək ki, maarifləndirmə tədbiri Azərbaycan Respublikasının Prezidenti cənab İlham Əliyevin ölkədə dini maarifləndirmə və milli-mənəvi dəyərlərin təbliği işini daha da gücləndirmək məqsədilə dini icmalara maliyyə yardımı göstərmək üçün 2014-cü il noyabrın 27-də imzaladığı Sərəncama əsasən keçirilib.



Son baxılan xəbərlər

Zaqatalada seminar-müşavirə keçirilib

Press-relizlər
01.07.2017 / 11:10
Ətraflı oxu

Balakəndə “Aprel döyüşləri-qəhrəmanlıq nümunəsi” adlı tədbir baş tutub

Press-relizlər
24.04.2018 / 17:46
Ətraflı oxu

Qusarda “Dini maarifləndirmə işinin təşkili: gerçəkliklər və perspektivlər” mövzusunda keçirilən ikigünlük seminar-treninq öz işinə ...

Press-relizlər
06.12.2018 / 14:50
Ətraflı oxu

Heydər Əliyev və milli-mənəvi dəyərlərimiz

Xəbərlər
30.04.2018 / 14:39
Ətraflı oxu

DQİDK sədri Mübariz Qurbanlı: “İşğaldan azad olunan torpaqlarımızda tarixi-dini abidələr bərpa olunacaq”

Müsahibələr
05.11.2020 / 16:18
Ətraflı oxu

Ucarda “Dini maarifləndirmə işinin təşkili: gerçəkliklər və perspektivlər” mövzusunda ikigünlük seminar-treninq keçirilib

Press-relizlər
20.04.2018 / 16:53
Ətraflı oxu