Bərdədə “Gənclərimiz və İslam həmrəyliyi” mövzusunda maarifləndirici tədbir keçirilib

Press-relizlər / 07.02.2018 / 15:50

Fevralın 7-də Dini Qurumlarla İş üzrə Dövlət Komitəsinin (DQİDK) dəstəyi ilə Bərdə rayon Lənbəran kənd “Hacı Həmid” məscidi dini icması tərəfindən “İslam həmrəyliyi: ortaq dəyərlər əsasında” layihəsi çərçivəsində “Gənclərimiz və İslam həmrəyliyi” mövzusunda maarifləndirici tədbir keçirilib.
Tədbirdə DQİDK-nın Yevlax bölgəsi üzrə şöbəsinin əməkdaşı Rahib İbrahimov, Bərdə rayon Lənbəran kənd “Hacı Həmid” məscidi dini icmasının sədri Əkrəm Əfəndiyev, Lənbəran kənd tam orta məktəbinin direktoru Şöhlə Qasımova, eyni zamanda müəllim və şagird heyəti iştrak edib.
Məktəb direktoru Şöhlə Qasımova gənclərin və yeniyetmələrin milli-mənəvi dəyərlər və vətənpərvərlik ruhunda tərbiyə edilməsi üçün istər müəllimlərin, istərsə də valideynlərin üzərinə böyük məsuliyyət düşdüyünü vurğulayıb. Dini maarifləndirmə tədbirlərinin əhəmiyyətindən bəhs edən Şöhlə Qasımova tədris müəssisələrində bu cür tədbirlərin keçirilməsinin vacibliyini qeyd edib.
Mövzu ilə bağlı çıxış edən Lənbəran kənd “Hacı Həmid” məscidi dini icmasının  sədri Əkrəm Əfəndiyev, İslamda gənclərə və gəncliyə verilən önəmdən, gənclərin tərbiyə edilməsində valideynlərin rolundan danışıb. İcma sədri, eləcə də layihə çərçivəsində baş tutmuş digər tədbirlər barədə məlumat verib, dini maarifləndirmə tədbirlərinin müsbət nəticələrini qeyd edib.
Dini Qurumlarla İş üzrə Dövlət Komitəsinin Yevlax bölgəsi üzrə şöbəsinin əməkdaşı Rahib İbrahimov, dünyada radikalizm və ekstremizmin yayıldığı bir dövrdə gənclərin onlardan qorunması üçün maarifləndirmənin mütəmadi həyata keçirilməsinin əhəmiyyətini vurğulayıb, radikalizmin təbliğat metodları barədə məlumat verərək gənclərə həmin təbliğatın təsirinə düşməmək üçün müvafiq tövsiyələr verib.
Mövzu ilə bağlı məktəbin müəllimi Rasim Quliyev və başqalarının da çıxışları dinlənilib.
Sonda tədbir iştrakçılarını maraqlandıran suallar cavablandırılıb və DQİDK-nın razılığı ilə nəşr edilmiş ədəbiyyatlar paylanılıb.
Qeyd edək ki, maarifləndirmə tədbiri Azərbaycan Respublikasının Prezidenti cənab İlham Əliyevin ölkədə dini maarifləndirmə və milli-mənəvi dəyərlərin təbliği işini daha da gücləndirmək məqsədilə dini icmalara maliyyə yardımı göstərmək üçün 2014-cü il noyabrın 27-də imzaladığı Sərəncama əsasən keçirilib.


Son baxılan xəbərlər

Ağcabədidə “Dini icmalar və gənclər: dini radikalizmlə mübarizə və birgə fəaliyyətin təşkili” mövzusunda ikigünlük ...

Press-relizlər
24.05.2018 / 17:24
Ətraflı oxu

Dini Qurumlarla İş üzrə Dövlət Komitəsi DSX ilə birgə seminar-treninq keçirib

Press-relizlər
20.11.2019 / 13:47
Ətraflı oxu

Bölgələrdə “Uşaq hüquqları aylığı” çərçivəsində tədbirlər keçirilir

Press-relizlər
31.10.2018 / 17:14
Ətraflı oxu

Bolqarıstanın din xadimləri Azərbaycanın multikultural dəyərləri barədə məlumatlandırılıblar

Multikulturalizm
28.11.2016 / 15:45
Ətraflı oxu

Cəzaçəkmə müəssisələrində dini maarifləndirmə tədbirləri davam etdirilir

Press-relizlər
15.12.2017 / 11:46
Ətraflı oxu

Saatlıda “Dini radikalizmlə mübarizə - milli mənəvi dəyərlərin təbliği” mövzusunda maarifləndirici tədbir keçirilib

Press-relizlər
12.07.2018 / 14:48
Ətraflı oxu